يا جماعه ، إيه نظم اللينز ، هي أحسن من كونتاكت ولا إيه عشان أنا عايز أأمن مع حاجة كويسة .
عرض للطباعة
يا جماعه ، إيه نظم اللينز ، هي أحسن من كونتاكت ولا إيه عشان أنا عايز أأمن مع حاجة كويسة .
انا ماعرفش الحقيقه موضوع التابلوه والكلام ده لكن اللي متأكد منه وده من بوليصه من شركة اليانز ان في حالة الحادث الناتج عنه فتح الايرباج العميل بيتحمل 25% من تكلفة اصلاح الايرباج فقط انا كان واقع في ايدي بوليصة تأمين لشركة اليانز مصر احد معارفي مأمن معاهم وبيشكر فيهم بس لغاية دلوقتي ربنا ساترها معاه وماحصلش اي حوادث ليه الحمد لله عموما انا في أقرب وقت ان شاء الله هاحاول اخد البوليصه منه واعملها سكان واحطها هنا ان شاء الله .
أنا حاليا مأمن مع الجمعية المصرية ، بصراحة شركة اكتر من زبالة ، اولا بييتعاملوا مع اسوأ خبراء ، الي هما بيروحوا يعاينوا الحادثة و يفاصلوا شوية مع التوكيل و يشطبوا و يعملوا كل حاجة مادام انت فى الجمعية، انا استعملت التأمين معاهم مرتين اول مرة وقع حظي مع خبير اسمه سمير متري ، و ده معروف اوي برخامته، اولا راح يعاين العربية بعد اكتر من اسبوع ، تاني حاجة شطب على خبطة كانت فى العتب يعني العربية دخلت و طلعت بخبطة، و المصيبة بقى اما رحت اشتكيه فى هيئة الرقابة على التأمين الشكوى اتحفظت و طلعوني انا الغلطان شوية يقولولي فين اخطار الحادث مع العلم ان اخطار الحادث ده بيبقى بالتليفون و حتى لو رحت بينفسك مابتاخدش منه نسخة و شوية يقولولي فين محضر الشرطة و التكلفة كلها ماعدتش الفين ، المهم و انا خارج من مكتب شكاوي حملة الوثائق لقيت فى مكتب مكتوب عليه حاجة متري كده المدير الاكواتوري، قلتله انا عرفت يا عم اني الغلطان و مشيت
المهم الشيك طلع بعج اكتر من 4 اسابيع و بعد ماكلمت ناس هناك و اتذليت و كمان خصموا منه حاجات كتير حوالي 300 جنيه
المهم تاني مرة استعملت التأمين كان فى فانوس اتكسر مني مرة و قلت الزقه احسن م الذل اللي بشوفه مع الجمعية دي ، بس اما جيت اتخبطت اخر مرة و كان فى نفس الجنب قلت يتغير كمان بالمرة، الخبير الباشا اللي بعتوه المرة دي كان واحد تاني، قلت الحمد لله، المهم لقيته منزلي تحمل 25% على تمن الفانوس ، مع العلم ان الوثيقة بتاعتي التحمل فيها 0% ،سالته قاللي عشان انت لزقته ، قلتله يعني انا غلطان اني ماكسرتوش قبل المعاينة زى ما الناس نصحوني ، و بعدين المفروض الخبير بيقول اه او لا ، مش ينزللي تحمل
بس هى دي حكايتي مع الجمعية الاستهلاكية
والله العظيم والله العظيم والله العظيم ثلاث مرات نفس ما حصل معايا بالضبط ونفس التفاصيل حتي موضوع الفانوس
شركة الجمعية المصرية للتامين التعاوني ...اكبر شركة زبالة ...حرامية نصابين...قلة احترام لامبالاة ....غش ....اهمال ...محسوبية .....
عربيتي اتخبطت واتكسر فانوس خلفي ..رحت لهم ..وبعد لف ودوران علي المكاتب عملت استمارة وقالو هينزل مهندس للمعاينة ..وقالو اكتب عنوان مركز الصيانة .......المهم الباشا المهندس بعد ما ذلني واتصلت بيه عشر مرات ورحت الشركة اشتكي ..المهندس مرحش يعاين وكل ما اكلمة يقول ربنا يسهل ...ولما راح ......قعد يفاصل ويقول لا الخدش دا مش لازم والخبطة دي مش باينة لغاية ما وصل سعر التصليح لاقل من قيمة مادفعتة للتامين .بشوية برغم ان قيمة الاصلاح كانت الفين وربعمائة وهو لازم ينزل اقل من التامين سياسة لهم ؟؟؟؟...بهدلة وذل وقلة ادب ...ومفيش احترام.......زبااااالة والله العظيم نااس زباااااالة ...من هنا للسنة القادمة هقول زبالة
والي الان شهر منذو التصليح ولم استلم الشيك دفعت تمن التصليح وكمان صلحت باقي الخدوش التي رفض المهندس اصلاحها علي حسابي ...ومحدش عبرني بالشيك ..بس مش هسيبهم الا لما اشتكي في الرقابة علي التامين
بس حضرتك حطمت املي بموضوع ان الرقابة مش هتعمل حاجة
حسبي الله ونعم الوكيل
نصييييييحة محدش يتعامل مع الشركة الزباالة دي
والله وراء القصد
يا باشا انا واحد صاحبي شغال هناك بس قاللي ان هيثة الرقابة دي فى كرشهم ، بقولك الخبير الرخم ده اسمه سمير متري و اما رحت الهيئة لقيت الخبير الاكواتوري معرفش يعني ايه بس حاجة مهمة هناك ، طلع اسمه حاجة متري ، يعني اصحاب و قرايب لكت الاحساس دايما غايب و الحب خلاص بعناه...
انصحك انك تحاول تاخد بالك لحد مالتأمين يخلص و حاول تفهم الناس حقيقتهم
انا فى تفاصيل مش عايز اقولها كمان عشان الواحد بيتقريف كل مايفتكرها ، يعني اخر مرة دي اما لقيت توكيل فولكس عايزني احجز شهرين، قالولي اعملها فى كيا العبور و نجيبلك قطع الغيار من فولكس، قلت ماشي اهو توكيل برضه، العربية اترشت رش زبالة، اى واحد مالوش فى العربيات يعرف انها راشه، البوية ملحوسة فى كل حتة ، حوالين الفوانيس، و حوالين الاكصدام ،حتى الرشاشات بتاعت المساحات رشوها
رشولي الكلاكس و معرفتش انه باظ غير لما استلمتها ، بوظولي ال جي ام و رحت صلحته على حسابي ، البطارية نامت منهم و شحنوها
هى دي المراكز اللي هما متعاقدين معاها
انا مش عارف كلو نصب كدة متجمعوا الشكاوى كلها و تروحوا مرة واحدة هيثة الرقابة انا مامن معاهم
و خايف يحصلى كدة بردوا
يا باشا هيئة ايه بس ، انا و الله غلبت م الشكوى هناك و هتروح هيطلعوك انت الغلطان، م الاخر مش هتعرف تسلك معاهم ، انا اسمع ان اللي ماسكين الهيئة ليهم اصلا فى الجمعية ، اصحابها يعني
الله يكون فى عونك يا استاذ توت
الحقيقه انا فعلا اسمع ان الجمعية التعاونية " اسوأ " شركه تأمين فى مصر .
التأمين حاليا فى مصر ماشى كالاتى :-
النسبه المئويه لقيمة قسط التأمين ... متغيره من شخص لاخر ؟؟؟؟ بمعنى لو تعرف حد فى الشركه حيدوك خصم !!!!! ...... نفس الحال فى الحوادث لاقدر الله لو ماتعرفش حد جوه الشركة حتتذل علاشان تاخد فلوسك ........ او ياخدو عربيتك يصلحوها فى مركز عشوائى " بتاع كله " ؟؟؟؟؟؟
للاسف الفساد والنصب و الكوسه هى ثمه شركات التأمين وبالاخص الجمعية " الاستهلاكية " للتأمين " المعنوى " .
هما للاسف بيغروا الناس بالقسط القليل ، بس للاسف الواحد اكتشف انه غبي ، ايه يعني اما الواحد يزود 500 ولا الف و يريح دماغه
و عنهدهم كمان انت اللي تاخد القطع التالفة و تسلمها بنفسك، يعني لو كبوت ولا رفرف تشيله انت و تاخد اول اتوبيس رحلات نازل العباسية و تسلمه تحت قدام الجمعية
انا اول تأمين ليا كان اصلا جاى مع العربية ، فولكس كانو بيبعولك العربية معاها تأمين سنة ، بس كان القسط غالي جدا ، عشان بيديك البوليصة مكتوب فيها ، بس كده كده هو داخل فى تمن العربية
المهم اما العربية اتخبطت رحت رميتها فى التوكيل و عملت الاخطار فى التوكيل برضه، و اما اتصلحت رحت اسلمتها من غير مادفع حاجة و لقيتهم كمان حاطينلي الفوانيس المكسورة فى الشنطة