الموضوع: صيانة الـ 10.000 ورأيى فى تكنو وان

بسم الله الرحمن الرحيم

عملنا حملة على المركز للإستيلاء عليه ولكن بائت بالفشل وتم عمل الصيانة والإصلاحات فقط

حيث حضر الدكتور أحمد سامى وأبوليلى ومحمد حمدى اللى هو أنا ( للإصلاحات والصيانة )

وبعد مكالمات هاتفية وجوية حضر الأتى لتعزيز القوة على المركز

عمرو عبد السلام وكان جايب الأر بى جى بتاعته البيضة ( جنط 16 )

ميدو الجيزى والزواوى العملاق ( الجنود المشاة )

نورمال عنده أمتحان وحسام أوبترواى كان نايم وعتريس برده مجاش مش عارف ليه وزعلت عشان مشوفتهومش

وأخيرا حضر القائد أستاذ كريم منير ونورنا أمبارح المركز ( راجل سكر )

ولكى تكون الصورة واضحة بنظرية ( إضحك الصورة تطلع حلوة ) إنتظروا وأنا هنتظر معاكو موضوع أبو ليلى

عشان له جميع الحقوق الملكية والفكرية للصور اليوم ده

المهم عربيتى كنت بعملها صيانة الـ 10.000 كيلو

وهو بياخد البيانات سألته

هتحطوا زيت ايه قالى الموجود شل ونوع تانى مش فاكر اسمه بصراحة بس أعتقد إنه توتال

قولتله حط شل وكتب كده فى الورقة

نيجى للمفيد

الإيجابيات:

1- مركز كبير وواسع وبياخد عربيات كتير ومقسم بنظام جيد

2- إستراحة مقبولة ومكيفة بس التكييف لازق فى أفا اللى قاعد وخلانى تلجت بس شغال
وكمان فى مشروبات مجانية ووايرلس كمان وممكن تشوف عربيتك تحت من الإزاز

3- المهندس أحمد الشحات راجل فاهم جدااا وحسيت أنه عبقرى بجد وإستقباله بالناس كويس جداا
وتقريبا مبيستريحش الراجل ده ودايما شايفه رايح جاى وبيتابع بنفسه كل حاجة

4- الأجهزة المستخدمة حديثة وموجود جهاز كشف الأعطال وظبط الزوايا وأستاذ كريم قال على الجهاز ده أنه ممتاز جدااا

5- تقريبا بيقبل جميع الماركات وشوفنا هناك سكودا كتير وفورد طبعا هيونداى وسيراتو شوفناها كتير والأبيزا القديمة والجديدة
وشايف فوق شهادات المهندس أحمد معتمدة من سيتروين وهيونداى وفورد وشهادات كتير متعلقة

6- العمال كتير وشكلهم متدربين كويس وشغالين بزمة
ويوجد أقسام للسمكرة والدهان.شوفنا هناك سيراتو وشها بايظ وكانوا بيركبوا وش جديد والصور مع أبو ليلى

7- قطع الغيار كلها أصلى من كلام المهندس أحمد وشوفت التيل بتاع الدكتور أحمد وكان أصلى

السلبيات:

1- الوقت كان كتير وإتأخرنا هناك جداا بس عربيتى كانت خلصت بدرى بس برده خدت وقت جوه مش أقل من 3 ساعات

2- لقيت أثار إيدين على السقف والقايم من جوه. طبعا بالشحم اللذيذ والتابلوه كمان كان متشحم مش عارف ليه

3- مش لاقى حاجة تانية

الفاتورة:

235 زيت شل و 35 فلتر زيت و10 إستهلاكات

وال 220 المصنعية عليهم الخصم 20% - 44 جنيه = 176 جنيه

إجمالى الفاتورة= 456 جنيه

طبعا مش رخيص بس لو هتقارنه بالتوكيل هتلاقيه قريب منه
بس ممتاز بالنسبة للشغل والإمكانيات اللى موجودة فى المركز ومش أقل من التوكيل فى أى شيىء

الخلاصة ورأيى فى المركز:

ممتااااااااز جداااااا وناس فاهمة فعلا
ومع ألف سلامة توكيل كيا وبألف هنا طبق الكشرى والتقلية كمان
وعلى رأى الدكتور أحمد , شكرا eit كل 4000 جنيه و انتم طيبين ( عشان خاطر الباشمهندس غازى الإيموشن ده )

وأقدر أشكر كل الناس اللى شوفتها إمبارح وعلى قد ما كان اليوم متعب بالنسبالى عشان أنا جيت من دمياط
على قد مهو كان جميل جدا جداا بصحبة الناس اللى متتعوضش دى

ولو نسيت حاجة هبقى أضيفها بقه

إلى اللقاء ولنا عودة فى موضوع أبو ليلى