الخوف الشديد من السواقة اعمل فية اية

**saso2010** · 26-05-2010 01:17 PM

المشاركة الأصلية كتبت بواسطة agwaa

نصيحتي لكل مستجد في القيادة يدخل مدرسة المرور التابعة للمحافظة ( كل محافظة بها مدرسة تعليم قيادة السيارات ) وهي ممتازة والمدربين فيها ممتازين وعندهم صبر خاصة مع السيدات _ وبتعلم عملي ( على السيارات ) ونظري ( عبارة عن ميكانيكا السيارات وكيفية إصلاح الأعطال الخفيفة ) ...
أنا شخصيا ً قدمت فيها رغم إني كنت شاري العربية وبسوقها وبروح بيها الشغل لكن لم يكن معي رخصة قيادة ...
ولما دخلت المدرسة دي إستفدت كتير جداً في العملي والنظري وكيفية ركن السيارة علاوة على حصولي على الرخصة من خلالهم بعد إجتياز الإختبار في نهاية الدورة( لاحظوا إن الأوراق المطلوبة للتقديم في هذه المدارس هي نفس الأوراق المطلوبة لإستخراج رخصة القيادة ) . . .
وهذه المدارس أفضل كتير من إستغلال مراكز التعليم الخاصة إللي بتحاسبك بالدقيقة . . . !

الف شكر على النصيحة وياريت كنت اعرف كدة من الاول بس قدر الله وماشاء فعل والواحد مش بيتعلم ببلاش

**saso2010** · 26-05-2010 01:20 PM

المشاركة الأصلية كتبت بواسطة mada_mada81

المهم خدى الموضوع ايزى والله انا عربيتى معايا من خمس سنين اول شهرين اتخبطت فى كل ركن فيها المهم ما تعقديش نفسك وانا بكتب وعمال اضحك وانا بفتكر اللى كنت بعمله وكنت برده اتعقدت وكنت هبيعها

ربنا يطمنك يارب وهى على فكرة السواقة عايزة تشجيع وثقة وربنا يكفينا شر اللخمة وشكرا لحضرتك

**saso2010** · 26-05-2010 01:23 PM

المشاركة الأصلية كتبت بواسطة ahmed2y

كلنا كنا كدة فى الاول كلة بالوقت بيكون تمام هى المشكلة الوحيدة عندك ان العربية جديدة خسارة تتبهدل فى التعليم بس

صح بس ان شاء الله خير وربنا يستر باذن الله على الجميع وشكرا على الرد

**saso2010** · 26-05-2010 01:28 PM

بجد بشكر كل اللى ردو عليا جدا لانى فعلا محتاجة ناس بتفهم زيكو يدونى شوية تشجيع وخبرة واتمنى ان لوفية اى نصيحة محدش يبخل بيها لانى لسة فى البداية واحب انى استفيد منكم وفعلا المنتدى دة استفدت منة ومن اعضائة بشكل كبير جدا فبجد الف شكر وربنا يستر طريقكم وطريقى يارب

**Ralliart** · 26-05-2010 01:58 PM

اللي بيعلمو مشكلتهم انهم بيبقو عايزين يتحكمو في سواقتك بمزاجهم
مشي اللي في دماغك طالما بتعرفي تنقلي وتتحكمي في العربيه كويس
يعني يقول يمين ولا شمال ولا عدي من العربيه دي او امسكي الحاره دي ...... طنشيه وامشي بمزاجك
وكمان الناس الظريفه اللطيفه اللي لما بتشوف حد بيتعلم بتقعد تزنق عليه وتزمرله وتوتره حاولي متلتفتيش ليهم
وان شاء الله هتعدي المرحله دي

**SunSet** · 26-05-2010 04:18 PM

المشاركة الأصلية كتبت بواسطة saso2010

ههههههههههه الاتنين ومرسى على الرد

اصل لو هو اللي دخل فيكي يبقى الرصيف اللي غلطان وهو اللي لسه مبتدئ ومش بيعرف يسوق كويس:b4_048:

**FunnyMickey** · 26-05-2010 04:39 PM

طب تقولي ايه في واحد عبيط وهوا بيتعلم في قريه سياحيه فاضيه تماما الساعه 1 الظهر
مفيش صريخ ابن يومين في القريه

وماشي في شارع عرضه 5 متر

وعلي يميني وشمالي رصيف

المهم انا بقي عاجبني باور العربيه اوي وعمال الف في الشارع واخد اللفه علي مره واحده
واذ فجاه
وانا بلف وعامل برم وبأيد واحده

دشششششششششششششششششششش
في عمود نور
وحظي المنيل العمود كان جمب الفيلا بتاعتنا

3 ثواني لقيت ابويا بره
وياابن ال طخ دش بوووووم يحرق دننننننن بومم

وعادي
معايا رخصه وجابلي عربيه

وحاليا اختي بتتعلم في مدرسه سواقه في مدينه نصر والدنيا حلوه

**A.Saad** · 26-05-2010 09:06 PM

لو المدرب مش مريحك
غيريه

انا حصلت لى نفس القصة
مدب عامل زى العداد ويكروت علشان يفتح حصة جديدة
اول ما استلمت
جبت سواق من الشغل علمنى
لو عايزة ممكن اكلمه ليكى
تانى حاجة
شيء طبيعى انك تفضلى خايفة شوية
بس حاولى انك تتغلبى على الموضوع ده
احنا كلنا بنغلط فى السواقة

**shaddadfalcon1** · 26-05-2010 10:23 PM

انا اول مااتعلمت كانت سواقتي كلها علي الزراعي فوالدي فضل اكتر من اسبوع رايح جاي كل يوم معايا
ييجي الصبح معايا الشغل ويروح بالعربيه واخر النهار ييجي بالعربيه وانا اسوق
مره قاللي هات الخامس كنت ملخوم ومرعوب وقلتله لا خليه دلوقتي وبعديها مره جبته والسرعه نزلت ل 60 ومبقتش عارف اعمل حاجه

بعديها بسنه واحد صاحبي كان بيركب معايا ومره قاللي الحمد لله اني خلفتلي عيليين قبل مااركب معاك
كننت بهريييه واخليه قاهد مربع علي الكرسي