الموضوع: الخوف الشديد من السواقة اعمل فية اية

المشاركة الأصلية كتبت بواسطة hulk

الموضوع بسييط جدااا ومش محتاج الخوف دة كلة شوية ثقة بلنفس وتركبى عربيتك وتنزلى بيها ف مكان فاضى ويا سلام لو طريق سفر فااضى وخدى اقصى اليمين وامشى براحتك على الاخر 80 مثلا :) وامشى بيها مسافة 60 كيلو مثلا وبجد هتاخدى على العربية اووى وهتفهمى ابعدهاا اسرع وهتاخدى الثقة اكتر بس بدون الخروج عن حارة الطريق يمين وبس ولما ترجعى من المشوار دة هتلاحظى اختلاف كبير جدااا وخصوصا لما تنزلى زحمة هتحسى بتمكن اكتر ف العربية لان دى كانت بداية تجربتى ف السواقة كنت متخيل انى مش هعرف لاكن كام مشوار طويل ( سفر يعنى ) عودونى على العربية وبقى من ابسط الاشياء السواقة فى الزحمة وممتعة كمان :) بس هو الموضوع محتاج انك تكونى من جواكى قادرة على فكرة انك تسوقى وعدم الخوف .. الخوف سبب فشل حاجات كتير ف حيتنا !
وربنا معاكو بس والنبى ف الزحة بلاش الغرز الفجأئية الى بتعملوها دى :) الواحد بيتفاجأ بيكو بصراحة ههه .. والله الموضوع سهل جداا.. وسورى للاطالة

انا فعلا عملت كدة بس مجبتش 80 دية خالص انا اخرى 60
بس فعلا زى ماحضرتك بتقول هو الخوف يعنى انا بحاول اتخلص منة وهى المسالة بالتدريج وبعدين غرز اية بس
يارب اوصل لمرحلة الغرز انشالة حتى غرزة واحدة هههههههههههههه وشكرا لتشيجعك حضرتك مش متخيل الكلام دة بيدينا الامل كمبتدئين وربنا يستر انشاء اللة

المشاركة الأصلية كتبت بواسطة mostafaismail

بالمناسبة انا عمرى متعلمت السواقة فى مدارس ولا ركبت عربيات ومشيت بيها فى اى طريق قبل اليوم دة وكمان الرخصة طالعة واسطة :oc_sun1[1]:

طبعا فى ناس هتقول دة منتهى الاستهتار بس انا كنت بسوق فى اماكن فاضية كتير عربية اخويا.

بجد ماشاء اللة عليك ربنا يستر طريقك انشاء اللة ومتقولش كدة عشان متتحسدش
وربنا معاك ويوفقك فى السواقة انشاء اللة
بس حاول بردة تخلى بالك وتركز وهى السواقة عبارة عن رغبة وقدرة عشان انت كان عندك الرغبة عالية انك تسوق عشان كدة قدرتك بردة زادت ودة الفرق بين واحد بيتعلم فى شهر وواحد فى يوم وشكرا لردك

المشاركة الأصلية كتبت بواسطة aif

ربنا يوفقك يا ساسو وتبقي سائقة محترفة وتعملي غرز على الدائري كمان :b4_048::b4_048:
...
معلهش خارج الموضوع شويتين
انتي دايما بتقدمي المشيئة في كتابتك وده شيء محمود
لكن ارجو انك تكتبي المشيئة صح .... يعني ان شاء الله .... لأنك لو كتبتب انشاء ..... دي يعني بناء .... من الانشاءات مثلا ... وحاشا لله ان يكون ذلك ..... لأن الله الخالق ولا يجوز ان نكتب ما يوحي بما هو عكس ذلك .... يبقى لازم تفصلي إن .... عن .... شاء ... بترك مسافة خالية
وكمان لفظ الجلالة انتي بتكتبية بالتاء المربوطة ( اللي جنب الواو ) وده غلط .... الصح انك تكتبيه بالهاء ..... ( اللي جنب حرف العين
انا واثق انك لا تقصدي ذلك ونيتك خير
واضح ان المشرف صحح لك بالاحمر اكتر من مرة لغاية ما يأس و بطل يكتب ...... :ob_mak1[1]: لدرجة انه صعب عليا جدا
ارجو انك تتقبلي كلامي بدون زعل ..... انا باعتبركم كلكم زي اولادي او اخواتي الصغيرين
بس ما اقدرش اشوف اسم الله بيتكتب خطأ وافضل ساكت ...... او لفظ المشيئة بيكتب بشكل يوحي بمعني آخر
واكيد الكلام للجميع علشان ما نقعش في اي خطأ غير مقصود
..
شكرا و تصبحوا علي خير

بالعكس ازعل من اية دة الف شكر على التوضيح وان شاء الله افضل اكتبها كدة ومنساش وربنا يسامحنى وشكرا لتوضيحك جدا

اولا انا لسه بردة بتعلم السواقة بس مش فى مركز تعليم السيارات بتعلم مع اخويا فى سوق السيارات..اول مرة كنت خايفة موووت وجسمى كله بيترعش تانى مرة كان السوق في ناس تانية بتتعلم بردة السواقة فشجعونى الصراحة وبقيت امشى بالعربية على التانى والدبرياج اتظبط معايا وبقت الحياة بمبى وفرحت اوى ساعتها ان رجلى اتظبطت بسرعة على الدبرياج لان اخويا كان بيقولى ان اصعب حاجة اللى بتواجه اللى بتعلموا عموما هى الدبرياج
أخر مرة دى بقى عمرى ما انساها مش هتصدقى والله عملت driftبيها ودا لما مبقتش مركزة اوى زى الاول يعنى انا كنت الاول قبل ما اعمل اى خطوة اقعد افكرهى كدا صح ولا لا وبالتالى العربية بتبطل منى بس المرة دى كنت فاتحة اغانى وعماله اتكلم مع اخويا ..
فأهم حاجة خليكى relaxxxxx وان شاء الله هتلاقى الدنيا زى الفل معاكى
بس بجد زى ما الكل قال الموضوع بس حكاية ممارسة مش اكتر
وان شاء الله ربنا معاكى يا ساسو ونشوفك قريب كمان فى الautocross ههههههه
اسفة انى طولت عليكى والف مبروك على العربية وان شاء الله ربنا يكفيكى شرها

المشاركة الأصلية كتبت بواسطة esraatefa

اولا انا لسه بردة بتعلم السواقة بس مش فى مركز تعليم السيارات بتعلم مع اخويا فى سوق السيارات..اول مرة كنت خايفة موووت وجسمى كله بيترعش تانى مرة كان السوق في ناس تانية بتتعلم بردة السواقة فشجعونى الصراحة وبقيت امشى بالعربية على التانى والدبرياج اتظبط معايا وبقت الحياة بمبى وفرحت اوى ساعتها ان رجلى اتظبطت بسرعة على الدبرياج لان اخويا كان بيقولى ان اصعب حاجة اللى بتواجه اللى بتعلموا عموما هى الدبرياج
أخر مرة دى بقى عمرى ما انساها مش هتصدقى والله عملت driftبيها ودا لما مبقتش مركزة اوى زى الاول يعنى انا كنت الاول قبل ما اعمل اى خطوة اقعد افكرهى كدا صح ولا لا وبالتالى العربية بتبطل منى بس المرة دى كنت فاتحة اغانى وعماله اتكلم مع اخويا ..
فأهم حاجة خليكى relaxxxxx وان شاء الله هتلاقى الدنيا زى الفل معاكى
بس بجد زى ما الكل قال الموضوع بس حكاية ممارسة مش اكتر
وان شاء الله ربنا معاكى يا ساسو ونشوفك قريب كمان فى الautocross ههههههه
اسفة انى طولت عليكى والف مبروك على العربية وان شاء الله ربنا يكفيكى شرها

مرسى يا esraa اوى وفعلا الدبرياج دة بتعامل معاة بطريقة خاصة براحة اوى عشان متطبطلش او تنط منى بس الحمد للة ابتديت اتعود علية وانشاء اللة ربنا يكون معانا كلنا ونسوق كويس بس حاولى تركزى وانتى بتسوقى لان ال drift معناة انك كنتى سرحانة وبعدين دة حصل معايا لما كنت بحط الحزام
وانشاء اللة نكون مع بعض فى ال outocroos ميفيش حاجة مستحيلة على ربنا
واللة يبارك فيكى يا جميل

المشاركة الأصلية كتبت بواسطة esraatefa

اولا انا لسه بردة بتعلم السواقة بس مش فى مركز تعليم السيارات بتعلم مع اخويا فى سوق السيارات..اول مرة كنت خايفة موووت وجسمى كله بيترعش تانى مرة كان السوق في ناس تانية بتتعلم بردة السواقة فشجعونى الصراحة وبقيت امشى بالعربية على التانى والدبرياج اتظبط معايا وبقت الحياة بمبى وفرحت اوى ساعتها ان رجلى اتظبطت بسرعة على الدبرياج لان اخويا كان بيقولى ان اصعب حاجة اللى بتواجه اللى بتعلموا عموما هى الدبرياج
أخر مرة دى بقى عمرى ما انساها مش هتصدقى والله عملت driftبيها ودا لما مبقتش مركزة اوى زى الاول يعنى انا كنت الاول قبل ما اعمل اى خطوة اقعد افكرهى كدا صح ولا لا وبالتالى العربية بتبطل منى بس المرة دى كنت فاتحة اغانى وعماله اتكلم مع اخويا ..
فأهم حاجة خليكى relaxxxxx وان شاء الله هتلاقى الدنيا زى الفل معاكى
بس بجد زى ما الكل قال الموضوع بس حكاية ممارسة مش اكتر
وان شاء الله ربنا معاكى يا ساسو ونشوفك قريب كمان فى الautocross ههههههه
اسفة انى طولت عليكى والف مبروك على العربية وان شاء الله ربنا يكفيكى شرها

يا نصاااااااابة دة كان حظ مبتدئين,وعمى كماااااان انها جت معاكى كدة

طبعا بعيداا عن علامات الدهشة والخضة والهلع الاغريقى الى كان حاصل ...حبيبت هارتى وننى قلبى من جوة يا غالية