الموضوع: الحل النهائى و الامثل للفلتر الرياضى و التربو للنيوسيراتو. واى عربيه (موضوع خمس نجوم)

معلش انا عندي سؤال مهم

طول عمرنا وقرينا ودرسنا وشوفنا وعرفنا ان محركات البنزين والديزل من اهم شروط الاشتعال السليم داخل حجرات الاحتراق ان الهواء اللي داخل لازم يبقي سخن او ان شكل حجرة الاحتراق بيعمل عملية تدوير وتدويم للهواء في مرحلة شوط الانضغاط عشان الهواء يسخن ويشتعل اسرع


ازاييييييييييييييييي بقييييييييييييييييي احاول ابرد الهوا اللي داخل الموتور اكتر ؟؟؟؟؟؟؟؟؟؟؟؟؟

معايا ولا نمتوا ؟؟؟؟؟


حد يرد عليا لاني مش مقتنع بفكره الهواء البارد دي غير في محركات التربو

المشاركة الأصلية كتبت بواسطة moha4tec

الفلتر الرياضى بيدى 10% زياده من قوه احصنة الموتور يعنى السيراتو تبقى 126 +12.6=138.6 حصان 100%

و الموضوع اللى انا عامله فلتر k&n من نفس الموقع اللى انت بتقول عليه.
kiaforte و فلتر الهوا الاصلى بتاع العربيه مضيع 8 احصنه على الاقل من قوه متور العربيه و الهوا بتاعه مش بارد 100% عشان وحدة ال ECU بتكون سخنه و هى داخل نصها داخل علبه الفلتر .افتح علبة الفلتر و شوف بنفسك ,هتتاكد من كلامى .و ده السبب ان العربيه بتاكل بنزين شويه ,و ده السبب كمان دى بتعمل ال 250 فى الصفيحه بالعافيه. انما لو ركبت الفلتر ده اللى فى الصوره و الفيديو الاول فقط ,ووصلته علطول على الانبوبه المبططه اللى عند الاكصدام و اللى مربوطه فوق صدر العربيه .هتلاقى اختلاف فى السحب و توفير بسيط فى البنزين و كمان صوت احلى و اميز و سحب احلى فى المطالع و الاربى ام كمان اقل من الاول
يعنى كله فوايد .و الكلام ده كلام الناس اللى مركباه و شغال معاهم زى الفل و هما من نفس الموقع اللى انت قولت عليه بردو.يبقى ليه لزمه و الا لا
و كمان تركيبه سهل انت ممكن تعمله و اظن الكليبات واضحه و لو زهقت منه و عايز ترجع للاصل هترجعه تانى بكل سهوله.

والله يا سيدي أنا مش هفتي أنا بصراحة مبصتش بعيني فممكن يكون عندك حق فعلاً..
بس أنا كان في حاجة تانية قريتها بردو عن الموضوع إلي إنت قلتو دة و هو إن التصميم بتاع العربية بيستخدم هوى الفلتر في إنو يبرد ال-ECU و إن لو حد ركب Intake كدا ال-ECU مش هيبقى بيبرد خالص.. بس أنا مش عرف بصراحة، إنت اه رأيك ؟

أنا بحاول أعرف على أد مقدر أبعاد الموضوع عشان أنا عايز انفذ الفكرة إن شاء الله..

و هل يا ترى الفلتر ممكن هيركب على السيراتو plug&play علطول ولا ممكن يحتاج أي تعدل في مقاس ولا أي حاجة ؟

لو عندك معلومات عن أي سيراتو ركبتو تفيدنا بيها تبقى ظبتنا أحلى تظبيط :)

و مشكور عل رد