الموضوع: جراند بونتو ايفو ولا جين2

المشاركة الأصلية كتبت بواسطة wildesso

دى أسعار قطع غيار الجراند بونتو
http://www.nilemotors.net/Nile/144402-a.html

طب والجين2

المشاركة الأصلية كتبت بواسطة wildesso

دى أسعار قطع غيار الجراند بونتو
http://www.nilemotors.net/nile/144402-a.html

انا مش خبير في اسعار قطع الغيار
كده تبقى ايه كتير ولا عادي ولا كتير اوي؟

وايه هيا الحاجات الي بتتغير على طوول

شكرا

بصراحة انا شايف ان المقارنة دى ممتازة والمفروض تاخد وقت ومجهود اكتر من كدة من الاعضاء اللى مهتمين اكتر بالهاى لاين من العربيات لكن فئة العربيات المتوسطة اللى 90% من الشباب بيركبها مش عارف لية المقارنة مبتبقاش على هوا بعض الناس انها تدخل وتتكلم فيها بردة بنفس الحماس عموما اتمنى ان يكون فية تفاعل اكتر من كدة لانى فعلا شايف المقارنة فيها كلام ونتيجتها مش محسومة
بالنسبة لاسعار قطع الغيار ياباشا هية طبعا غالية زيها زى اى عربية جديدة وخصوصا اوروبى بس الجين اقل منها بالتاكيد بس السوال مش فى كدة ومالوش علاقة بخبرتك الفكرة كلها بعد ما شفت اسعار قطع الغيار دى هل ميزانيتك تتحملها فى اى وقت لا قدر الله تحتاج تغير فية قطعة ولا لاء لو الميزانية تسمح يبقى موضوع قطع الغيار دة بالنسبالك مش عائق وتبدا تشوف اوجة اختلاف اخرى بين العربيتين لترجيح احدهما وتحياتى ليك

المشاركة الأصلية كتبت بواسطة ahmed_nubira

الفيات صناعه ارقى وخامات اعلى وتقفيل انضف

اتفق معاك فى الخامات والتقفيل بكل تاكيد بس انا بصراحة مفهمتش يعنى اية صناعة ارقى ممكن توضحلى الرقى دة بيبقى ازاى ؟؟؟
تحياتى ليك

المشاركة الأصلية كتبت بواسطة ahmed_nubira

عربيه ايطالى وعربيه ماليزى

البونتو ارقى فى الخامات والتقفيل....وانعم واقل استهلاك للبنزين...بصراحه كل حاجه لصالح الفيات ولكن الجين 2 موتور اقوى وثبات اعلى....بس فنفس الوقت البونتو مش وحشه خاااااص فى الموتورر والثبات

شكرا للتوضيح بس دة مختلفش كتير عن اللى حضرتك قلتةمثلا ارقى فى الخامات والتقفيل ماشى هية هية مجبناش حاجة جديدة اوفر فى البنزين اكيد علشان الموتور فرق شااااسع بين الاتنين
بس نفسى نبقى بنتكلم بموضوعية نفسى نتكلم صح يعنى اية كل حاجة لصالح الفيات اية هية كل حاجة ( زى بالظبط بيقولوا ) انا بهزر معاك بس انا عايز المقارنة تبقى منطقية وبالتالى حنحط معايير ونقط والناس وحضرتك تقيمها
1-الشكل الخارجى
2-الشكل الداخلى (خامات وتقفيل)
3-قوة الصاج
4-انظمة التعليق
5-التحكم والثبات على السرعات العالية (القدرة على المناورة)
6-الكماليات بشكل عام
7-التسارع وقوة الموتور
8-الوسع الداخلى والشنطة
9-بلد الصنع وعراقة الشركة (علشان الناس متزعلش)
10-سعر قطع الغيار داخل وخارج التوكيل (ومدى توافرها)
11-استهلاك البنزين(مع انو محسوم بس لازم يتحط)
12-سعر اعادة البيع(مش مقياس للجودة لانة وحش فى الاتنين)
13-الاعتمادية فى العمر الافتراضى (اقل اعطال)
14-جودة الوكيل وخدمة ما بعد البيع
15-قيمة مقابل سعر

كدة تبقى مقارنة
اوعى تزعل بس انا مبحبش التعميم فى كل حاجة ويمكن انا عندى عقدة