سؤال عن الثيرموستات واسلاك البوجيهات

**wlelw2003** · 27-05-2010 10:53 PM

موضوع رائع و مفيد

**jojowork1** · 28-05-2010 04:23 AM

انا لقيت بعد تشغيل العربيه بخمس دقايق الكوعه بتسخن معناها ان في مياه عدت فيها من المتور وبعدها علطول تشتغل المراوح بكره بقي هاروح افك الثرموستات واشوف ايه الاخبار شكرا ليكم وشكر ليك يا باش مهندس سمير

**samirayad** · 28-05-2010 07:21 AM

كلمت واحد قالي ان ثرموستات الكهربا مش بيخرف لا يبوظ خالص يفصل لا اما يقدي قرايه ثابته وميتغيرش لاكن طالمه بيقرا يبقي سليم

عموما جرب زى ما أنت عاوز

ولو أننى بدأت أشك فى ساعة عداد الحراره

العربيه عندي مش بتسخن مؤشر الحراره بيوصل الربيع ويبتدي يعلي سنه صغيره وبعدين المراوح تشتغل ويبتدي يرجع تحت الربع وهكذا

أحتمال تكون مخرفه وكل أمورك ماشيه تمام

والعيب فى الساعه فقط

**jojowork1** · 28-05-2010 02:50 PM

يا باش مهندس تقريبا قدرت اعرف المشكله بس لسه مش متئكده تقريبا طلعت في صباع الحراره بتاع المؤشر طلع بايظ انا جبت واحد تاني جديد وحطيت الاتنين في كبايه مياه طبعا نفس الكبايه ونفس درجه الحراره ولقيت قياس واحد منهم 1200 اوم والجديد 640 اوم يعني فرق كبير خالص بنهم بس انا خايف لحسن يكون اللي انا جايبه ده اصلا مش بتاع دايو بس هو نفس الشكل بظبط اللي كان عندي عمتا هاركبه وهاقولكم الاخبار
وشكرا خالص يا باشمهندس سمير علي اهتمامك بس ده طبعك

**samirayad** · 28-05-2010 03:10 PM

يا باش مهندس تقريبا قدرت اعرف المشكله بس لسه مش متئكده تقريبا طلعت في صباع الحراره بتاع المؤشر طلع بايظ انا جبت واحد تاني جديد وحطيت الاتنين في كبايه مياه طبعا نفس الكبايه ونفس درجه الحراره ولقيت قياس واحد منهم 1200 اوم والجديد 640 اوم يعني فرق كبير خالص بنهم بس انا خايف لحسن يكون اللي انا جايبه ده اصلا مش بتاع دايو بس هو نفس الشكل بظبط اللي كان عندي عمتا هاركبه وهاقولكم الاخبار

جرب ياباشا

ماهو ده اللى أقصده بساعه عداد الحراره

وده حساس المؤشر

وفيه اللى بيسميه ساعة الحراره وفيه اللى بيسميه صباع الحراره

فكله ماشى ..........على رأى محرم فؤاد

وشكرا خالص يا باشمهندس سمير علي اهتمامك بس ده طبعك

الله يخليك

**jojowork1** · 28-05-2010 03:45 PM

تم تغير الحساس بتاع الحراره والحكايه انتهت ومش عارف بصراحه اقولكم ايه عشان لولا تفكيركم المنطقي كان زمان الواحد غير الثيرموستات علي الفاضي
بعد التغير المؤشر واقف علي قبل النص بملي والدنيا مظبوطه خالص في الحراره
شكرا ليكم وشكرا يا باشمهندس سمير