الموضوع: الكلاب جننتنييييييييييييي

المشاركة الأصلية كتبت بواسطة ralliart

بتوع الحي بيبعتو راجل ببندقيه بيصطادهم كلهم وبيموتو من اول ضربه وخلاص على كده لان دي كلاب ضاله وممكن تأذي حد ومش حرام قتلها طالما قتل سريع وغير مؤلم
انا بقى عندي مصيبه اكبر منك وهي اني بركن فعلاً في جراج العماره بس القطط عايشه هناك وكل واحده واخدالها عربيه تنام على كبوتها وتدفى في الشتاء او تنام على سقفها في الصيف
والخرابيش صعبه جداً ووصلت للصاج في جميع انحاء العربيه ولو غطيت العربيه بيقطعو الغطا
وطبعاً مستحيل اسمم قطط دا غير ان هييجي غيرهم
بدأت افكر اني اعمل شبك سلك حوالين العربيه جوا الجراج !

تمام حضرتك بقى عندك حد نكلمه علشان يجي ويتصرف مع الكلاب دي , لان انا منتظر لاول الاسبوع علشان اكلم شرطة المرافق واشوف ايه النظام ؟ وبجد يا ريت تخدمني في النقطه دي لو تعرف حد

المشاركة الأصلية كتبت بواسطة dr.karim emam

ممكن تشتري جهاز مخصوص للكلاب dog dazer بيطلع موجات فوق الصوتية ultrasonic waves و دي اعلي من مجال سمع ودن الانسان و بتسمعها الكلاب و صوتها مزعج بالنسبة لهم و بتخليهم تبعد عنه

بيتباع فين وبكام ؟ وبيستخدم ازاي ؟؟؟؟

وانا بكملكوا والله نازين تنطيط على سقف العربيات فاكرين نفسهم قاعدين في سرك وحاجة اخر هممممممممممممممم

صحيح يا أخوانا أنا فيه واحد أعرفه عنده مصيبة سودا بالنسبه للحيوانات و مش عايز يركب عربيته بسببها
لمؤاخذة فيه عرسه دخلت جوة ساكنه عند الكنبه مش عارفين دخلت ازاى أحنا بنتابعها من بره من عند الأزاز و هوا خايف يدخل أو يفتح الباب يطلعها لأنها صوتت فى وشة قبل كدة و من يومها محرم يدخل العربيه أصلا إلا لما يتخلص منها و مش عارف يتخلص منها أزاى لدرجة أنه فكر يولع فى الكنبه إلى ورا ههههههههههههههههههههه
إلى يشوف بلاوى الناس تهون عليه بلوته

والله كلب وللا قطة وللا عرســــــــة الحاجات دي كلها ضاله واثمها اكتر من نفعها...لذا وجب قتلها بأي وسيلة عدا الحرق

الجهاز ده انا كنت شوفته من سنتين في شارع النبي دانيال في اسكندرية بس للأسف مش فاكر سعره كان كام

في حاجة كان واحد صاحبي جربها عشان الكلاب برده بوظتله سقف العربية...
لو حضرتك بتغطي العربية رش على الغطا شطة! الكلاب عشان تنام في مكان لازم تشمه الاول, ومش بيحبه ريحة الشطة ف مش هيقعدوا عالعربية إن شاء الله..