حرام عليك 220 ايه..ال128 ملهاش امان بعد 80
عرض للطباعة
معاك في كل كلمة وأنا كلامي لو عايز يسقط موتور للسباقات مش للمشاوير العاديه لإن لو عايزها للمشاوير العادية يحطلها موتورها ال١٣٠٠ سي سي وانا كنت هحطلها موتور الأونو التربو أو موتور ألفا ٢٠٠٠ سي سي!!! بس فضلت إني أجيب الأفيو وبعد كده ندمت إني جبت الأفيو لإن ال١٢٨ برقبتها وبعد كده جبت اللينيا
وقول أحمد برحتك يا باشا إحنا كلنا هنا إخوات
هههههههههه
بص أنا هقولك إني كنت ماشي ١٦٠ وواحد عدى من جنبي ب١٢٨ مسقطلها الموتور ده والله العظيم أنا بالنسباله كنت واقف!!! وكان باكل غرز!!!
وال١٢٨ ثبتها مش وحش أوي كده أنا بجيب ١٥٠ بموتورها ال١١٠٠ سي سي أي نعم مراجيح بس عندي العربيه مرفوعة من قدام بغباء والكاستر داخل (+) درجتين ونص في العجلتين قدام!!!
وكلامي كله لو عايز عربيه سباق لو عايز عربيه عاديه يجيب الموتور ال١٣٠٠ سي سي بفتيسه ال٥ نقلات
اتفضل يا باشا دى 128 فى مصر متسقطلها موتور ريجاتا 1500+تربو
بتجيب 150 فى 4 ثوانى ...... تطلع من الفيرارى :E_braces[1]:
YouTube - fastes Fiat 128 turbo in egypt ( 2 )
fiat 128
engine 1.5 regata nova carbouratore
Turbo Garrett c3
12 PSI
من غير ما توريني حاجة مصدق .. وممكن جداً كمان الحوارات دي تحصل .. بس أنا بتكلم كناحية اقتصادية في تكاليف التسقيط وما يتبعه من تظبيطات حتبقى كام .. وفي الأخر برضه أعتقد مهما كانت تظبيطاتك مية مية مش حتستحمل كتير .. وكل شوية حتلاقي الشاسية فتح ، فيه شروخات في الحتت اللي دعمتها ..... إلخ .. يعني من الأخر أكنك بتعالج في واحد عنده 100 سنة وبتديله أدوية ومنشطات علشان يديك أداء واحد عنده 20 سنة .. هو كدة هي دي إمكانيات وأساسيات العربية ومفيش أي داعي للعب فيها .. أرجو تكون فكرتي وصلت .
انا اتفق معاك فى الراى تمام فى نقطه ان 128 اصلا ضعيفه بس على فكره مع التقويات والمحافظه على العربيه خصوصه فى الشوارع المكسره هتعيش وهتبقى تمام
وعلى فكره مش 128 بس اى عربيه غيرها لو محافظتش عليها كويس هتدمر خصوصا فى شوارع مصر المحروسه
وبخصوص التكلفه ففى اخ لينا هنا فى المنتدى لسه شارى موتور الريجاتا ده ب2500 جنيه+100جنيه تركيب وقول التقويات وكلها بتتعمل بقطبان حديد مش هتزيد عن 400 جنيه تقريبا ..
يعنى مثلا لو اشتريت عربيه ب10الاف جنيه وصرفت عليها 3الاف يا عم قول 4 بالعافشه الاماميه مونورو +سوست+مصنعيات ...
يبقى تمام جدا
وهتديك اداء مش هتخده من عربيه ثمنها 4 اضعاف الى دفعته وانا هنا بقارن اداء فقط وليس رفاهيه .
وبعدين صدقنى والله اى حد من اصحاب 128 ومعظمهم شباب غلابه زى حلاتى
لو سالته نفسك تركب ايه هيقولك فيرارى او لامبورجينى بس هنا الماده الى بتحكمنا ...وظالما فى امكانيه لتعديل على كتله الصفيح التى تدعى 128
يبقى ايه المانع ...
وعموما انا ان شاء الله هعمل الحوار ده فى عربيتى وهبقى اقول النتيجه ايه عن تجربه .....
اسعدنى نقاشك يا باشا
روح الزقاازيق وانت تشووووف العجب في ال28 دة
والله لو كل حاجة اتعملت صح هاتكون مية مية
انا واحد صاحبي كان شاري واحد هناك من سنتين
والواد مبهدلها اخر بهدلة وكان عليها مكنة 1600 لانشيا
وجنط 18 والعربية نايمة عليالارض كان بياخد غرز خرااافية بمعني خرافية
وملفاات اية مش عايز اقول علي الثباات
ومع البهدلة لمدة سنتين العربية محصلهاش ولا حصل شروخ ولا الكلام دة كلو
واللة ومتبهدلة اخر بهدلة
فصاحب الموضوع هو اللي لة الاختيار عايز تعمل عربية مشاوير وكدة
ولا عربية بقي سبااق وفشخرة قدام الناس وجري واوتو والكلام دة
العداد بتاع الفيديو ده مخرف
هما 15 ثانية لحد 150 مش 5 ثواني ومن 0-100 كم/س تقريباً في 8 أو 9 ثواني
سورى دى غلطه من عندى بعد ما كتبت المشاركه ملحقتش اعدلها
http://www.nilemotors.net/Nile/153085-128.html
وعلى فكرا
من 0 -100كم حوالى 6 ثوانى او 7 بالكتير احسبها من اول صرخه العجل لان الفيديو بطىء وهو سخن فى الاول
الأخوة الأفاضل أسعدني النقاش معكم وخصوصاً مع Yoko و memononos بس حبيت أوضح وجهة نظري أنه حتى مع التقويات ممكن يكون فيه مخاطر .. لأن كل عربية الصانع بتاعها بيحاول يطلعها في أحسن صورة وأقل تكلفة وفقاً لحسابات ودراسات قبل العربية ما تتعمل .. فمش من المنطقي أنه يعمل عربية مصممة على أنها تشيل موتور 1300 ويصرف على مكونات أساسياتها أنها تشيل 1600 .. ومثال على ذلك 128 نفسها فيها مواتير 1100 ومواتير 1300 واليارس فيها 1300 و 1500 .. وحيبقى من الصعب أسقط فيها مواتير أكتر من كدة .. وبكرر من الصعب مش مستحيل .
تعالوا بقى نفكر مع بعض التعديل يبقى في أيه .. أقولك على مثال حي بينا في المنتدى هنا وهو محمد ممدوح اللي عدل في فرامل اللانوس بعد دراسة وتفحيص وتمحيص (وأنا بعتبرها براءة اختراع اللي عمله ده وتعديل على شركة عالمية زي لانوس) وقدر أنه يعلى قوة وكفاءة الفرامل .. وليه أحنا مالكي 128 منفكرش ازاي نعدل الفرامل ونخليها أقوى (وخصوصاً لو سقطتلها موتور أكبر زي ما بتقولوا ، وإلا حتعمل زي ممدوح عبد العليم ونقول بعد ما نسقط المواتير مبيعرفش يوجفها .. مبيعرفش يوجفها) أو منظومة التبريد بتاعة 128 اللي معظمنا بيعاني من السخونة بتاعتها وخصوصاً في فصل الصيف .. ده بقى الكلام الصح في التعديلات .
ما أنا واحد من الناس اللي مسقط موتور لانشيا 1300 والحمد لله بيديني اللي أنا عاوزه من غير أي لعب وتعديلات والحوارات دي .. وبجيب 140 و 150 هي فرقت يعني حجيب السرعة دي في أد أيه .. وخصوصاً أن شوارعنا متستحملش أصلاً الجري ده .. وتحياتي للجميع