تجربتي مع 200e

**amrbakly** · 30-05-2010 04:18 AM

المشاركة الأصلية كتبت بواسطة ralliart

احسنت الاختيار ومبروك عليك اعظم ابداعات مرسيديس
احساس تاني ويتاخد المطب تلاقيه مش مطب

وتبقى ماشي 180 والعجل مفروش على الارض وتاخد غرز ومطبات هوا ولا كان في حاجه
صدق من قال ان العربيات فئتين
مرسيديس
وبقية العربيات فئه تانيه

و كفي

انت جبت من الأخر

**kingnoro** · 01-06-2010 08:53 PM

ومبروك عليك وبجد انت طالما ركبت مرسيدس مش حتعرف تركب حاجة تانية

**mustafaibrahim** · 03-06-2010 06:05 PM

طيب يا جماعة انا عايز اجيب مرسيدس e 200 l موديل 96 98

بس خايف ان العربية تكون مهلوكة هوا طبعا اللى خلانى افكر فالموضوع انى بدل مادفع 180 الف فاوكتافيا او جيتا اجيب مرسيدس عيون احسن بكتير

انا شوفت كذا اعلان بس عربيات ماشية160 و 170 الف كيلو

فهل لو انا اشتريت هاكون محتاج انى اعملها عمرة موتور او اظبطها ميكانيكيا و التظبيط ده يتكلف كام ولا القديم قديم وكل يوم هصلى الفجر واروح للميكانيكى

**MASERATI** · 04-06-2010 02:55 AM

المشاركة الأصلية كتبت بواسطة mustafaibrahim

طيب يا جماعة انا عايز اجيب مرسيدس e 200 l موديل 96 98

بس خايف ان العربية تكون مهلوكة هوا طبعا اللى خلانى افكر فالموضوع انى بدل مادفع 180 الف فاوكتافيا او جيتا اجيب مرسيدس عيون احسن بكتير

انا شوفت كذا اعلان بس عربيات ماشية160 و 170 الف كيلو

فهل لو انا اشتريت هاكون محتاج انى اعملها عمرة موتور او اظبطها ميكانيكيا و التظبيط ده يتكلف كام ولا القديم قديم وكل يوم هصلى الفجر واروح للميكانيكى

السلام عليكم و رحمة الله و بركاته

و مين سمعك

نفس الكلام اللى بحلم بيه

أنا فكرت أعمل اعلان فى اهرام الجمعة و اطلب فيه العربية اللى أنا عايزها و أنها تكون بحالة ممتازة و ماعدتش ال 100000 كم و فى حدود 160000 جنيه

ربنا ييسرلك أمرك

maserati

**hazemelqady** · 04-06-2010 03:11 AM

الزميل مصطفى ابراهيم و مازيراتي
عربيتي عاملة دلوقتي 313000 كم والحمد لله الموتور كويس, انا صحيح ما قستش كبسه كام لكن العربية باينة من مشيها وسحبها. انا لما استلمتها روحت غيرت كاوتش وكل الزيوت والفلاتر وتيل فرامل وغيره. كلفتني حوالي 6000 جنيه. والراجل اللي اشتريتها منه كان مغير مساعدين ومظبط الكهرباء. يعني تقريبا صيانة شاملة...... يعني برضة تقريبا عربية زيرو, والحمد لله باستثناء غيار الزيت وشحن تكييف لم اذهب لصنايعي.
بس أهم حاجة انك تنقي العربية على مهلك ومتسترخسش يعني لو زايدة على سعر السوق شوية بس مش متهانة احسن.
وحكاية الموتور انا معايا واحد صاحبي عربية والده قلبت عداد ومغيرش الموتور بس عمل 3 عمرات. وفي واحد على النت كان بيقول عربيته عاملة 560000 ومجاش ناحية الموتور.

**shok** · 08-06-2010 11:57 PM

حازم باشا انتا جيت على الجرح انا معايا نوبيرا 2007 وحاسس ان الزلموكة بتنادينى عربية فخمة امن وامان كل حاجة الواحد محتاجة هيكون فيها
بس انا عندى مشكلة انا بشتغل فى مرسى علم واوقات كتير بسوق مسافات طويلة بتوصل 12 ساعة متواصلة النوبيرا زى الفل معايا ومفيش فى يوم احرجتنى
انا خايف اجيب الزلموكة وتعملها معايا فى الصحرا
هو دة الى انا خايف منة علشان موديل قديم