يا عم وحوش إيه بس !!!!
أول حاجة لازم نعرفها إن التقفيل المغربي سيء للغايه عكس الروماني(اللي كان نفسنا هو اللي ينزل مصر بس التوكيل ضحك علينا وباع الاتنين بنفس السعر) ودي حقيقة .
تاني حاجة إن الشراكات (مصنعين السيارات) عندهم معامل هدفها الاول انهم يبتكرو مواد جديده تدخل في صناعه السيارات وتكون بنفس كفاأه المواد المستبدله (ده المفروض, فا المستهلك ميحسش بالفرق) وبالتالي توفر عليهم في التكلفه .
تالت حاجة أي مصنع في العالم في حاجة اسمها خطوط إنتاج(بمواصفات معينه بيحددها اللي هشتري) ونظرا لاننا مواطنين درجة تالثه فابينزلنا عربيات على قد مستوانا.
رابع حاجة أنا مش بحاول احرق دم الناس بس أنا بـتضايق من كل مشكلة جديدة بتظهر في العربيه ومنكرش إني حبيت العربيه ديه لما شفتها علي الموقع الاجنبيه قبل ماتنزل مصر بس للاسف اللي نزل مصر حاجة تاني خالص غير الي كنت متوقعه .
أنا اسف إذا كنت ضيقة ناس كتير بس أنا كنت بدور علي الحقيقة.