الموضوع: استفسار عن التفصيل بدرى

هو تقريبا زى ما البشمهندس سمير قال ممكن يكون سير الكاتينة

الديسك والاسطوانة حالتهم كويسة جدا يا استاذ semsem

والله يا جماعة مش عارف اشكركم ازاى انا بأذن الله هغير الكاتينة

قريب وخلاص لانى غيرتها عند ميكانيكى غير اللى بتعامل معاه

وبتاع BMW بس هغيرها وخلاص ويارب تكون المشكلة منها .

طب محدش يعرف حد بيضبط co2 عشان عاوز اضبطه تانى يمكن اللى ضبطه

مش ضبطه صح ممكن تفصل بدرى .

طيب أحكيلنا شويه عن آخر نقطه بتاعة ال co2

لأننى مش متخيلها الصراحه

وأيه اللى بيظبها فى مكنة العربيه

فهل تقصد ال egr سيستم

بتاع تدوير جزء من غازات العادم لداخل غرف الحريق مع السرعات العاديه على الطريق

حضرتك اللى هو الاير فروميتر اللى هوا بيقيس نسبة الهواء اللى داخلة

للموتور عشان يدخل نسبة البنزين على زيها بس هو بحط حاجة فى

الشكمان من ورا طويلة وبضبط من مسمار موجود فى الايرفروميتر

وبيشوفه على الكمبيوتر عنده فتقريبا ممكن يكون منها بتخليها

تفصل بدرى والميانيكى مش ضبطها كويس .

اللى هو الأيرماس

اللى بين الفلتر والبوابه

وده المفروض ميتلعبش فيه خالص

وأنا مش عارف برضه

اللى عندك نوعه أيه

فهل هو حساس بسبع أطراف ( بيسموه الحساس المروحى ) van air flow meter


ولا حساس كارمن لقياس الهواء ( خمس أطراف تقريبا ) KARMEN SENSOR

ولا الحساس الدوامى vortex air flow meter


وأكيد اللى عندك مش النوع الجديد من حساسات قياس كمية الهواء المسمى بالماف ( أبو ملف تسخين )

عموما

أنا عاوز أعرف حد لعب فى الحساس ده ولا لا

وياريت لو تصورهولنا وتقولنا فيشته بكام طرف كهربى وأنا حعرف نوعه إن شاء الله

_________________________

وطبعا حساس الجهاز اللى بيتحط فى الشكمان ده علشان تحليل مكونات العادم ومعرفة نسب نواتج العادم زى ال co2

وأسمه جهاز تحليل العادم وبيتعرف منه حالة حريق المكنه ومكونات العادم

ومن نتيجة التحليل بيتعرف الحريق مظبوط ولا فيه بنزين زياده وهكذا

ومن كده بيعرفوا الأيرماس شغال صح ولا لا

هو حضرتك يا بشمهندس زى ده

اعتقد انها بخمسة اطراف وهو كمان بيبقى فيه مسمار عادة عشان يضبط منه .