الموضوع: استفسار عن التفصيل بدرى

لا هو حضرتك محدش جيه ناحية الجزء اللى فوق خالص

هو كل اللى عمله انه لعب فى المسمار اللى فى الجنب

حركه سنة بسيطة وبعدين رجعه تانى وقالى مضبوط

بس اللى ظهرله كان الايدل وكوتشة الاير ماس .

طيب هو حضرتك الاير ماس ده نوعه ايه .

طيب أستسمحك تصورهولى وأنت حالل الخرطوم اللى رايحله من الفلتر

من عند مدخل الهواء ليه ( حاول تبينللى أى حاجه من جهة دخول الهواء اللى جايله من الفلتر )

لأننى شاكك أنه من النوع المروحى van air flow

ولو تأكدنا من نوعه

حجيبلك رسمه الهندسى كله من الداخل ونظرية تشغيله كمان

علشان نعرف أيه اللى ممكن يأثر على شغله

بس عامة اللعب فى ظبط الحساسات مش مطلوب وبيبقى معمول لها

ضبط ومعايره فى المصنع قبل تركيبها على المكنه

هو ده حضرتك

أيه رأيك مش هو ده الحساس بتاعك ( اللى معمول عليه مربع )

بص كده من على اليمين حتلاقى الحساس راكب وراء الفلتر ( زى صورتك بتاعة الحوض )

وجواه اللوح القياسى واللوح التعويضى علشان الهواء يضرب لوح القياس ويحركه وبالتالى يتم تغيير مقاومة بوتنشيومتر الحساس
ومن هنا وحدة التحكم بتعرف كمية الهواء اللى رايحه للبوابه

وأدى صوره تانيه لمكونات الحساس



اللى أنا ملاحظه بأه على الصوره وأنت شايل الحساس وحطه على جنبه أن مدخل الحساس مش صح وموارب شويه فى
صورتك اللى أنت فاصل فيها الحساس عن فلتر الهواء

لا هو حضرتك دى من على جوجل لان الكاميرا بتاعت موبيلى باظت والله فمعرفتش

اصورهم لحضرتك بس انا لقيت عندى فى زى حساس عامل زى حرف u وفى زى ابرة

فى النص تقريبا هو ده الحساس وهو فعلا زى اللى فى الصورة الى حضرتك حاططها

وانا مش عارف اشكر حضرتك على المجهود اللى بتبزله معايا هل بقى ممكن يبقى

التفصيل من ضبطه .

طبعا لو حد لعب فى ظبطة البوتنشيومتر أو الظبطه الخاصه بياي الأرجاع return spring

حيبوظ شغل الحساس فى تحديد كمية الهواء صح

والمكنه حتتخنق فعلا ومش حتشد معاك

لأن حيخش هواء كتير ( بس الحساس مش حيقيس غير هواء قليل )

وبالتالى خليط الهواء والبنزين حيبقى ضعيف

لأن نسبة الهواء حتبقى أكبر من نسبة البنزين بكتير أوى ( وفيه حيود عن الحريق السليم )

وحتفصل معاك بدرى فعلا

وده المفروض أنك كنت تلاحظه فى صورة وفره فى البنزين اليومين دول

وسحب المكنه تعبان