الشاريد و أستهلاك البنزين

**aboalm** · 14-01-2008 09:23 PM

من كام شهر اشترت أختى سياره شاريد اتوماتيك المهم جاء وقت صيانة ال 1000 ذهبت معاها للتوكيل الناس زوق و محترمين بصراحه
المهم و احنا راجعين بادردش معاها فؤجت ان معدل أستهلاك البنزين حوالى 220 كيلو داخل البلد و حوالى 250 كيلو بره طبعا صعقت ليه كده دى عربيه 3 سلندر يا بنتى قالت و انا اعرف منين ماكدبتش خبر اتصلت بالصيانه و حكيت لاحد مهندسى الصيانة قالى اصل البنزين بتاعنا وحش و بيتحرق بسرعه قلته نعم ؟؟؟؟؟؟؟ انا معايا ويرا مش بتعمل المعدل ده اصلا .سألته معدل العربيه دى كام قال 450 كيلو خارج المدينه قلته حلو يعنى احنا بنتكلم فى النص. سكت و قال املاها بنزين 95 و جرب تانى و نشوف. امس كنت باحكى لآختى نتيجة المفواضات فؤجنا ان التوكيل بيتصل بيها يشوفو العربيه عملت ايه بعد صيانة ال1000 راحت مديانى التليفون اكلمهم كلمت الانسه طبعا سكتت قالت طيب كلم المهندس /أحمد قلتها كلمته الصبح .قالت تحب تيجى لنا قلتها طبعا . المهم انارايح بكره أن شاء الله وراح احكى لكم بعد ما أرجع

**memo_hefnawy** · 15-01-2008 08:42 AM

أكيد فى حاجة مش مظبوطة يا باشمهندس

أولا لازم تتأكد إن أختك حسبت الإستهــــلاك صــــــــــح --- هى دى الغلطة المتوقعه من وجهة نظرى بنسبة 75% هايطلع حسبته غلط

تانى حاجة جرب خلى العربية معاك يوم فولها و صفر عداد التريب و إعمل مشوار حلو و فول تانى و شوف هاتاخد كام و لو طلع ذى حسبة أختك يبقى إطلع على التوكيل

(فول من محطة تعرفها)

**aboalm** · 15-01-2008 09:05 PM

طبعا شكرا يا محمود على أهتمامك لكن للآسف حساب الآستهلاك صحيح لان كان على اكتر من مره.
نيجى بقى للمهم اليوم رحت للتوكيل و قابلت المهندس المختص هناك اللى بيقول لى ان معدل استهلاك العربيه دى فى حدود 350 كحد اقصى و 300 كيلو داخل المدينه و احنا حا نكشف على العربيه
كشف و قال كل شيئ تمام. كان ردى انت مقتنع بالكلام ده ان عربيه 3 سلندر تعمل 250 كيلو فى الصفيحه قالى بصراحه ان معايا هوندا و لسه عامل بيها حادثه و معايا دلوقتى شاريد لسه مفولها من كام يوم و ممكن اقدر اقولك عملت كام معايا و ادانى تليفونه و اتفقت معاه اكلمه على يوم الخميس نشوفها عملت كام . على فكره مهندس تانى قالى فى التليفون ان معدلها 450 و لما قلت له كده سابنى و دخل اتكلم مع زمايله و رجع قالى لاء دى بتعمل من 300-350. عموما حانشوف يوم الخميس.
ياريت طبعا اللى معاه منكم شاريد 3 سلندر يقول لنا بتعمل كام

**أبو عبدالله** · 16-01-2008 12:21 AM

هقول لحضرتك على حاجه انا عربيتي السيريون عملت معايا وهيا اتوماتيك على الطريق 375 ك في الصفيحه

والبرودا كانشيل انا مجربها وهيا ماتور دايهاتسو 3 سلندر كاربيراتير كمان بتعمل 400 ك في الصفيحه والعربيه مع قريب لي من سنة 98 وشغاله ميه ميه وعامله 200 الف كيلو وبيغير الزيت الالف بعد اربعة الاف كيلو ومغيرشي فلتر الهواء الا من قريب
في اكتر من كده

**mohamed_rhem** · 10-02-2008 09:27 AM

بالتقريب كده يا باشمهندس 350 كيلو او اكتر انا مش عارف بالضبط لان مشاويري مش كلها جوا البلد ومش كلها طوالي لان انت عارف الطرق بتاعتنا ممكن تقف نص ساعه في الدائري وتقف ساعه في كوبري قليوب بس ده معدل استهلاك سيارتي 1000 سي سي 3 سلندر انتاج 90 بعد عمل اصلاح للكربراتير

**Karim_Monir** · 10-02-2008 09:38 AM

البردوا الكانشيل موديل 200- مع اخي سافرت بيها اسكندرية ورجعت مسافة 500 كم تقريبا ب 22 لتر
وكنا 3 في العربيه وماشي متوسط 100
اكيد في حاجة غلط
الكانشيل كاربتير وموديل2000 و3 سلندر 850 سي سي