اية راى زملائنا الخبراء فى الابيزا 1994 لانى عايز اقتنيها

**yaraa** · 28-05-2010 11:24 PM

افيدونى اية رايكم فى الابيزا

**amo400** · 29-05-2010 09:22 PM

انا لسة شارى ابيزا امبارح 94 ماتور 1300 سى سى
انا مستمتع بيها جدا و هااولك كل التفاصيل
من بكرة

**yaraa** · 30-05-2010 05:35 PM

المشاركة الأصلية كتبت بواسطة amo400

انا لسة شارى ابيزا امبارح 94 ماتور 1300 سى سى
انا مستمتع بيها جدا و هااولك كل التفاصيل
من بكرة

انت اشتاريتها على كام وفيها باور ولا لأ

**mmd3** · 31-05-2010 02:00 AM

متابع بأهتمام جدا جدا جدا ...
لاني امامي واحدة موديل 1994 فاضية 1300 سى سى فابريكة دواخل
نهائى 23000 جنية

**behman** · 31-05-2010 05:38 AM

الابيزا هي احلي عربيه ممكن تشتريها في رينجها ... و هي رينجها من 25 الي 35
وطبعا ال35 دي بتكون عروسه ... في الغالب مسقطه و فيا كل الكماليات
قطع الغيار متوافره جديد و استيراد و انا انصحك بالاستيراد عشان بيكون ارخص و الماني ... الجديد معظمه مضروب و صيني
بالنسبه للمواتير ... احسن مواتير بتنزل في الابيزا
1- apf 1600 cc 99 hp
وده بينزل اصلا فيها في ال98 و ال 99 و بينزل في الجولف 3 موديل 97 ..... الفرق الوحيد هو علامه سيات و فولكس فاجن علي غطا الماينفولد.... و ده احسن موتور و اكتر واحد بيريح العربيه عن تجربه ... وطبعا موس بتخيط اي 1600 اتخلق
2- 2e 2000 cc 140 hp وده برضو من احسن المواتير و عشان قوي و قطع غياره متوافره و صيانته سهله
3- 1400 اللي بينزل في الابيزا الكوبيه و الكوردوبا وده كاربراتير كهربا ... و مش يفرق كتير عن ال 1300 غير في شويه الكماليات اللي بتيجي معاه زي الباور و التكييف
و غير كده في مواتير تانيه كتير ... بس من التجربه و الاراء ... ال3 مواتير دول هما احسن حاجه مناسبه للابيزا
و انا معايا ابيزا 94 من سنتين و مع اصحابي 94 و 98 و جولف و بولو ... و كلهم شبه بعض في حاجات كتير
و انا تحت امركو في اي استفسار او مشاكل او اسعار او معلومه اقدر افيدكو بيها ....

**behman** · 31-05-2010 05:41 AM

و الابيزا الفاضيه الي سعرها 23 الف دي لو سليمه اساسيات .... دواخل و قوايم و شاسيه ( و ركز في موضوع الشاسيه ده ) عشان العربيات دي ممكن تكون فابرقه جوه و مشيسه ... او واخد خبطه تحت و معموله و متداريه
السعر ده كويس جدا و خلص فيها لو زي ماقولتلك كده .... و ربنا يوفقك و تلاقي اللي بتدور عليه

**ehab_mansour** · 31-05-2010 08:28 AM

طبعا الأخوة قالو كلام كتير جزاهم الله خيرا
لكن عايز أقول ان فعلا افضل عربية في هذا السعر هي الابيزا وانا معايا 98 1000 سيسي وكل يوم سفر وجري وشغل وبفضل الله مافيش يوم تدورها الصبح وتقول لأ واستهلاك بنزين رائع جدا وسحب وجري ممتاز جدا مقارنة بانها 1000 سيسي و 50 حصان وكمان موضوع قطع الغيار متوفر جدا جدا استيراد لو عايز تجيب عربية من برة وتحطها في عربيتك سهل جدا وجديد كل حاجه موجودة
مش عايز اكتر في الكلام لكن هي عربية اكتر من ممتازة في هذه الفئة من الأسعار