الموضوع: تقرير مقابله الاسكندريه الكينج 28-5-2010

المشاركة الأصلية كتبت بواسطة mido777

الله ينُور يا رجالة ..........
بجد والله كان يوم جامد جدا وسعيد جدا جدا جدا بالناس الجديدة اللى اتعرفنا عليها النهارده

ويارب تدوم المعرفة

انا بعتلك الصوى يا شنورى

حبيبي محمد بيك الصور وصلت
والف مليون شكر علي الاستضافه الجميله دي
ومتجمعين علي الخير باذن الله
وشد حيلك بقي في الدكتوراه علشان نكمل المسيره
ههههههههههههههههههههههههه هه

سلام عليكم
انا جييييييييييت
محمد باشا الطويل تقبل خالص شكري باسم المنتدى اولا وباسمي ثانيا
ويا رب نشوفك عميد كبير :-) او لواء الي انتعايزة بقي :-)

اليوم كان تحفة وكان اكتر تكديرة فيه اني مضطر لرد العزومة مقابل ان زوجتي هيا اللي عملت الاكل كله(ماليش دعوة عايز منكم 200 جنية حق عزومة في سبكترا اوتشيليز) ما عدا الرز ودة والدة شنوري اللي عملته
10 كجم بصل لتجهيز 9 كجم لحمة
سامعني يا ابو رقيه يااللي بتقول دي عينات
3 كجم انتركوت
3 كجم كباب حلة
3 كجم كفتة كندوز بلية الضاني (عشان كدة الفحم كان بيدخن من الليه)
المفروض انهم كانو ل 18 فرد
بقدرة قادر بقينا 14 والاكل مش مكفي
اقول فيكم ايه
كل واحد نص كجم لحمة صافي غير الرز ومش عاجبكم :-)
والله حلال فيكم حودة جندل وصراصير البحر :-)

ومنه لله اللي عمل السلطة
حد يحط الفرنشيز صوص على طماطم وخيار
انا اول ماشوفت طبق السلطة جالي انهيار
يا جماعة دي بتتحط مع المشوي مش السلطة
عاااااااااااااااااااااااا ااا
بقيت اكل شرائح طماطم واغمس بالصوص واقول حسبي الله ونعم الوكيل فينك يا دكتور بحري

معلش في ناس اتظلمت لان وقت التوزيع كان في حتت لحمة مشوية كبيرة ضعف حجم العادي
يعني في ناس خدت قد ناس تانية مرتين وده ادي ان في ناس اتظلمت
ولازم نتعلم يا جماعة ان في العزومات اللي زي دي في واحد بيكون واقف على اللحوم يوزع نصيب كل الفرد واللي يتبقي يعاد توزعة
لكن ان ناس تاخد وغيرها لاء بيكون صعب شوية
زي ماشوفتوني واقف على تقطيع التورتة
الكل اخد وفاض كمان بس التوزيع بالعدل حلو

انا مش عارف الناس اللي نزلت البسين بعد الساعة 6 دي كان ازاي
انا نزلت لقيت المية تلللللللللج
مش طبيعية
اينعم الطحن بيدفي
بس لاء كانت المية ساقعة بغباوة :-)
التورتة كانت جميلة جدا
شكرا لكل اللي حضرو وقابلتهم لاول مرة
وشكر تاني للي كانو واحشني بجد
اشوفكم على خير
والمقابلة الجاي لازم تكون في القاهرة بقي
سلام عليكم