المشاركة الأصلية كتبت بواسطة hazoom2006
بس هيه مش هتجيب الهاى لاين تقريبا هتجيب الفئه ex
أنا بفضل دايما الهاى لاين عشان تحس بالرفاهية بجد
على العموم هيا ممكن تجيب الفئة اللى بجنط 16 وموجود منها جميع الكماليات برده وسعرها أقل من الهاى لاين
طب اية اللى خلاك تفكر تبيع الانسر كانت مش كويسه الانسر الى كانت حضرتك 1300 ولا 1600
اللانسر اللى كانت معايا 1300 وموديل 2002 المكوة
وبصراحة محبتهاش نهائى وبحس انى راكب عربية تفتقر كل شيىء
سحب مفيش (ميتة) ويسلام بقه لو شغلت التكييف أى عجلة تسبقك.رفاهية مفيش (معدومة) شكل عادى وزهقنا منه كلامى ده ينطبق على البومة برده وناس بتقول كمان ان المكوة أحسن كسحب ومكنة وثبات وبالنسبة للخامات عاااااااااااادية جداااا ومفيش اى فخامة
واللى خلانى أبيعها عشان كانت هتفتح بقها على الرغم معاملتى ليها عادية جدااا وكانت محتاجة حاجات كتير فبعتها
بما ان حضرتك مالك السيارتين اية اللى لاقيته فى الانسر ومفتقده فى السيراتو ؟؟
بدون تحيز صدقنى مفيش وعشان مكونش كداب هيا حاجة واحدة فقط
اللانسر طبعا أنعم فى المطبات والنقر عشانها جنط 14
انما طبعا السيراتو جنط 17 فطبيعى هتكون أنشف
غير كده مفيش اى حاجة حلوة افتكرها للانسر
استهلاك البنزين عامل اية معاك ؟؟ الخامات الداخليه اية افضل السفر اية الافضل ومريحاك فى المسافات الطويلة وبرده الكنبه اللى ورا فى السيراتو اسمع انها ناشفة اوى على الركاب ؟
الأستهلاك عادى زيها زى اى عربية 1600
الخامات زى مقولتلك قبل كده ممتازة جدااا وانزل شوفها بنفسك
السفر السيراتو أريح وثابتة جدااا الحمدلله وجراية وبتفتح معاك
اللانسر كان أخرها معايا 150 بعد مطلع عينها وبتبقى مراجيح وطايرة فى الهوا :)
بالنسبة للكنبة اللى ورا هيا فعلا مش هتكون مريحة زى اللانسر
وده طبعا عشان نظام التعليق الخلفى المتصل للسيراتو بيدى نشوفية
وكمان الجنط ال 17 يعنى طبيعى انها تكون ناشفة بس مش أزمة يعنى
وكنت مسافر بيها وناس قاعدة ورا وعادى يعنى الدنيا كويسة مش هتهبد الواحد وهو قاعد
والف شكر لحضرتك
العفو يافندم ويارب أكون قدرت أفيدك وصدقنى مش متحيز لعربيتى وكلامى كله ده عن واقع وحقيقة وهيا دى وجه نظرى واللى أنا شايفه :))