الموضوع: تشترى نيو سيراتو زيرو ولا تحتفظ بلانسر بومة

المشاركة الأصلية كتبت بواسطة Ralliart

بص يا باشا كل الموضوع ان كل ما البيم يكون اطول كل ماتزيد خطورته فكدا اللينيا والبرافو والابيزا والبولو بررا اللعبه

معلش ياباشا ومنكم نستفيد برده ايه اللى كل ما البيم يطول دى تزيد خطورته؟

اللى انا اعرفه ان نظام التعليق الخلفى للأربعة اللى قولت عليهم دول أخو التعليق الخلفى بتاع السيراتو

وبرده ممكن حد من المهندسين الكبار يوضحوا النقطة دى ( وممكن يوكو باشا يوضحلنا عشان معاه اللينا ) وحسام اوبتراوى برده الخبير بتاعنا وبصراحة بثق فى كلامهم :)

بالنسبه للكرولا فهي بيتضرب بيها المثل بمراجيح مولد النبي والاوكتافيا تقيله ومش سريعه فممكن متتأثرش جامد

الله أعلم مجربتش بس الناس ملاك التويوتا الجديدة بيقولوا عليها ثابتة ماشاء الله

وايه علاقة إن الأوكتافيا تقيلة ومش سريعة بنظام التعليق الخلفى؟

البيم نفسه مش مضر بس المشكله في شوارعنا

معاك حق

هو بيدي ثبات حلو في الملفات ومبيخليش العربيه تميل بس لو الملف فيه نقره ومتاخد على سرعه يبقى العربيه بنسبه كبيره هتتقلب

العكس ياباشا

المالتى لينك هو اللى بيدى ثبات أكتر فى الملفات

ومكنش حد غلب وكان كل العربيات اللى تعليقها الخلفى المتصل تقلب فى الملفات

وكمثال ممكن تشوف حادثة البشمهندس غازي لما نزل في نقره على سرعة 100 لان العجله اللي نزلت في النقره ميلت وعن طريق البيم نقلت عزم ازدواج للعجله التانيه راحت واخداها ومقلوبه

حادثة الباشمهندس غازى ( ربنا يتمم شفائه على خير ) حالة فردية وفى لغز فى الحادثة دى ربك هو اللى عالم بيه

مهو عندك لانسر كتير جدااااااااا مقلوبة حتى لو مفيش حد من المنتدى أكيد موجود اللانسر مالية الشوارع ربنا يعافينا كلنا ويستر طريقنا

هنيجى ساعتها بقه نقول دى عربية وحشة وتعليقها مش عارف ماله ومقصاتها بتتكسر؟

وعمرك ما هتسمع عن سيراتو مقلوبه برا لان الشوارع هناك نضيفه وطول ما الشارع نضيف عمرها ما هيحصلها حاجه وعمر اللي قاعد في الكنبه ما هيشتكي

ليه لآ ؟

مش عشان الطرق حرير وكويسة جدااا يبقى نسبة الحوادث 0% لآ طبعا

غير السيراتو كمان اللى بتقلب علاطول دى ههههههههههه

عندك عربيات بتعمل حوادث وبتقلب برده ومن أحسن العربيات وأعرق الشركات. لو عملت سيرش كده

هتلاقى هامر وجيب وأوكتافيات وجولف6 وجميع الماركات اللى ممكن نحلم بيها

لكن عندنا كارثيه ونص ومعظم السيراتو المقلوبه اشتركو في حاجه واحده وهي النقر!

كل يوم باكل نقر والحمدلله مقلبتش

وعلى فكره انا اخدت رأي مهندسين ليهم خبره في الموضوع ده (مش رأيي لوحدي)

ياريت تضيفلنا الأراء دى وتعرفنا بالمهندسين دول ويكون لينا الشرف طبعا

للإفادة العامة وتكون مشكورا جدااااااا :)

الرد جوة الإقتباس ياباشا

المشاركة الأصلية كتبت بواسطة Ralliart

انا آسف جداً مش هقدر اشرحها بالتفصيل لاني مشغول جداً حالياً وانا شرحت جزء من مشكلتها في ردي السابق
ممكن حضرتك تشوف المواضيع اللي في المنتدى

الله يكون فى عونك ياباشا ويعينك

على العموم اسمحلى انى أرد على الأستاذ حازم

شوف الموضوع ده الى كنت حاطط اللينك بتاعه فوق هيفيدك جدااا بخصوص الموضوع ده

أهو تانى :))

http://www.nilemotors.net/Nile/116351-a.html

وتحياتى ليك ولحازم باشا وللجميع :))

المشاركة الأصلية كتبت بواسطة hazoom2006

الف شكر يا استاذ محمد انا شوفت الموضوع وقريت اول 5 صفحات منه وفهمت نظام التعليق بتاع السيراتو

انا هنقلها كلامكو ده وهيه اللى تختار وتحدد

الف شكر ليكم يا جماعه وجزاكم الله خيرا

العفو يافندم وتحت أمرك :)