الموضوع: تشترى نيو سيراتو زيرو ولا تحتفظ بلانسر بومة

المشاركة الأصلية كتبت بواسطة Ralliart

M7amD_7amDy ربنا يباركلك في عربيتك ويديك خيرها
حضرتك عايز تقول ان المكوه 1300 كربراتير هي هي البومه 1600 انجيكشن!!
العربيتين يختلفو خالص وأكيد لازم تحس بفرق بينها وبين السيراتو (كفايه الكربراتير)
بالنسيه للخامات مش هتكلم ،خلو اللي هيشتري العربيه يركب في الاتنين ويلمس بايده مش اكتر!! هو المنظر حلو في السيراتو لكن لما تلمس الخامات تحبط
ده غير البار بتاع التعليق الخلفي والمواويل اللي بتتقال عليه وانا عندي نظريه عن البار وعن انه هو والنقر ميجتمعوش مع بعض في بلد واحده والا هتأدي بكارثه لا قدر الله
وعلى فكره اخويا كان حاجز سيراتو وكان متردد لانه مكانش مقتنع بالخامات ،واول ما عرفت نظام التعليق خليته يلغي فكرة العربيه كلها من دماغه

ياباشا ربنا يكرمك ويباركلك فى عربيتك

مين قال ان أنا قارنت اللانسر ال 1300 بال 1600

لما قولت الناس بتقول المكوة أفضل من البومة كسحب وثبات ومكنة كان على البومة ال 1300 برده مش ال 1600

شوف كده أنا قولت ايه :))

اللانسر اللى كانت معايا 1300 وموديل 2002 المكوة

وبصراحة محبتهاش نهائى وبحس انى راكب عربية تفتقر كل شيىء

سحب مفيش (ميتة) ويسلام بقه لو شغلت التكييف أى عجلة تسبقك.رفاهية مفيش (معدومة) شكل عادى وزهقنا منه كلامى ده ينطبق على البومة برده وناس بتقول كمان ان المكوة أحسن كسحب ومكنة وثبات وبالنسبة للخامات عاااااااااااادية جداااا ومفيش اى فخامة

سيبك من الموتور عشان اللانسر 1300 وطبعا هحس بفرق رهيب فى السيراتو عشانها 1600 ومش اى 1600 كمان

من جوة بقة ( مكوة أو بومة ) الأتنين أخوات من جوة. يعنى سواء كنت راكب مكوة أو بومة الأحساس واحد وفعلا حسيت بفارق سواء خامات أو رفاهية أو فخامة

وأنا واحد من الناس اللى كانت معاها اللانسر واشتريت السيراتو وبقولك الخامات أفضل فى السيراتو وأفخم ( بتكلم على الهاى لاين ) :))

بالنسبة لموضوع التعليق الخلفى

خد عندك وعد العربيات دى اللى تعليقها الخلفى زى السيراتو

(سكودا A4 - فيات برافو - تويوتا كرولا - شيفروليه كروز - رينو فلوينس - فولكس بولو - سيات أبيزا - رينو ميجان - فيات لينا ) وغيرهم كتير

وياترى العربيات دى كلها مش بنشوفها فى الشارع خالص؟؟

التعليق ده مش كارثة زى مالبعض فاكر

ياباشا الموضوع وما فيه بكل بساطة

هو بس بيأدى نشوفية شوية وبيأثر على الناس اللى بتقعد ورا بسسسسسسسسسسس. طبعا + الجنط ال17 كمان :))

بس مش أزمة وناس كتير بتركب معايا ورا ولا حاجة بتحصل ومش بيقوموا متدغدغين مثلا

المالتى لينك طبعا أريح للركاب ورا وأنعم شوية

إقرأ الموضوع ده وهتستفيد جدااااااااا

http://www.nilemotors.net/Nile/116351-a.html

تحياتى