طريقة غريبة لنفخ العجل

**amigooo** · 30-05-2010 02:32 PM

واضح ان التفسير يكمن فى المادة المرشوشة .... ان كان السيد / تيجر- نت يعرفها فقد عرّ فنا بمعلومة جديدة وغريبة ... و الا ....... فلا فائدة منها !!!!!!!!!! اعتقد انة لن يجرؤ أحد على تجربتها .. ولا .. أكون غلطان ؟؟؟؟؟؟؟؟؟؟؟

**Horsepower** · 30-05-2010 03:01 PM

السلام عليكم أولا,
الفيديو مش بيعرض طريقة لنفخ الكاوتش بالمعنى ... الموضوع وما فيه إن لما فردة العجل بتفضى من الهواء لدرجة إن الكاوتش بيفصل عن الجنط بتبقى محتاج أحد أمرين:
1- إما تفك العجلة الفاضية من العربية.
2- ترفع العربية لحد ما تضمن إنها ماتكونش محملة على العجلة الفاضية.
كل ده علشان طول ما الكاوتش مفصول عن الجنط مهما نفخت فيه عمره ما هايتلم و يرجع تاني.

الحاجة التانية وهي دي الخدعة إللي الراجل عملها في الفيديو إنك بتحتاج تنفخ العجلة بضغط عالي شوية في الأول علشان الكاوتش يقفل شفته عل الجنط ... لو نفخت هواء بالراحة برضه الكاوتش مش هيقفل شفته على الجنط وبالتالي كأنك بتنفخ في الفراغ.

صاحبنا عمل حركة صايعة شوية علشان يقفل شفة الكاوتش على الجنط ودي الخطوة الأولى من إعادة نفخ أي كاوتش رش مادة قابلة للإشتعال - ممكن تكون أي حاجة حتى مبيد حشري - و ولع فيها ... نفس فكرة القنبلة بس على صغير قوي ... وبالتالي الهواء إللي بين الجنط والكاوتش حجمه كبر بسرعة لدرجة تسمح له إنه برد شفة الكاوتش و يقفلها على الجنط.

في الوضع ده ضغط الهواء جوة الكاوتش بيكون أعلى حاجة بسيطة عن برة ... يعني لسة الكاوتش متنفخش ... بس كدة يقدر ينفخه بضغط منخفض (حتى لو بمنفاخ عجلة)

أرجو أكون قدرت أوصل المعلومة,
و تقبلو إحترامي.

**mramzy** · 30-05-2010 03:08 PM

كلام منطقى جداجداجدا

**N.a.j.d** · 30-05-2010 04:49 PM

مش عارف ايه الطريقه دي عايزين تفسير بلاش اروح اجربها واولع ف العربيه هههه

**tigernet** · 30-05-2010 06:42 PM

المشاركة الأصلية كتبت بواسطة amigooo

واضح ان التفسير يكمن فى المادة المرشوشة .... ان كان السيد / تيجر- نت يعرفها فقد عرّ فنا بمعلومة جديدة وغريبة ... و الا ....... فلا فائدة منها !!!!!!!!!! اعتقد انة لن يجرؤ أحد على تجربتها .. ولا .. أكون غلطان ؟؟؟؟؟؟؟؟؟؟؟

صدقنى ياباشا انا كمان مش عارف انا شفت الفيديو على اليوتيوب فستغربت من الطريقة فا قالت ان اكيد حد من المنتدى عارف فيعرفنا على الطريقة دية

**Sameh** · 31-05-2010 12:10 AM

المشاركة الأصلية كتبت بواسطة horsepower

..................رش مادة قابلة للإشتعال - ممكن تكون أي حاجة حتى مبيد حشري - و ولع فيها ... نفس فكرة القنبلة بس على صغير قوي ... وبالتالي الهواء إللي بين الجنط والكاوتش حجمه كبر بسرعة لدرجة تسمح له إنه برد شفة الكاوتش و يقفلها على الجنط.

+1 هو ده الكلام المظبوط إشعال الغاز وملى الإطار بأبخرة الإحتراق - شكرا يا بشمهندس احمد

الموضوع ده عملوه بتوع توب جير فى الحلقة اللى كانوا واخدين عربيتين هاى لوكس للقطب الشمالى لو شوفتوها

**powerofhelll** · 31-05-2010 04:50 AM

ايه ده ؟؟؟؟؟

**Hmatchy** · 31-05-2010 05:34 AM

المشاركة الأصلية كتبت بواسطة horsepower

السلام عليكم أولا,
الفيديو مش بيعرض طريقة لنفخ الكاوتش بالمعنى ... الموضوع وما فيه إن لما فردة العجل بتفضى من الهواء لدرجة إن الكاوتش بيفصل عن الجنط بتبقى محتاج أحد أمرين:
1- إما تفك العجلة الفاضية من العربية.
2- ترفع العربية لحد ما تضمن إنها ماتكونش محملة على العجلة الفاضية.
كل ده علشان طول ما الكاوتش مفصول عن الجنط مهما نفخت فيه عمره ما هايتلم و يرجع تاني.

الحاجة التانية وهي دي الخدعة إللي الراجل عملها في الفيديو إنك بتحتاج تنفخ العجلة بضغط عالي شوية في الأول علشان الكاوتش يقفل شفته عل الجنط ... لو نفخت هواء بالراحة برضه الكاوتش مش هيقفل شفته على الجنط وبالتالي كأنك بتنفخ في الفراغ.

صاحبنا عمل حركة صايعة شوية علشان يقفل شفة الكاوتش على الجنط ودي الخطوة الأولى من إعادة نفخ أي كاوتش رش مادة قابلة للإشتعال - ممكن تكون أي حاجة حتى مبيد حشري - و ولع فيها ... نفس فكرة القنبلة بس على صغير قوي ... وبالتالي الهواء إللي بين الجنط والكاوتش حجمه كبر بسرعة لدرجة تسمح له إنه برد شفة الكاوتش و يقفلها على الجنط.

في الوضع ده ضغط الهواء جوة الكاوتش بيكون أعلى حاجة بسيطة عن برة ... يعني لسة الكاوتش متنفخش ... بس كدة يقدر ينفخه بضغط منخفض (حتى لو بمنفاخ عجلة)

أرجو أكون قدرت أوصل المعلومة,
و تقبلو إحترامي.

كلامك صح جدا الهوا اللى جوا الكاوتش سخن فا اتمدد و ملا الكاوتش و لو موش نفخها بالهوا العادى اول ما الهوا يبرد هتنام تانى