كيف نتجنب موضوع الكرش لان الموضوع ده بيسبب لي قلق خصوصا وانا بقيت لا استغني عن السيارة فأرجوا نصيحة كيف يمكطن تفاديه وكيفية التخلص منه ان وجد ؟
ولكم جزيل الشكر
عرض للطباعة
كيف نتجنب موضوع الكرش لان الموضوع ده بيسبب لي قلق خصوصا وانا بقيت لا استغني عن السيارة فأرجوا نصيحة كيف يمكطن تفاديه وكيفية التخلص منه ان وجد ؟
ولكم جزيل الشكر
متابع بهتمام
بلنسبالي فات الميعاد لانه التضاريس دي عندي من ثانوي ههههههههه
بس اكيد في تمارين بطن للموضوع ده
متابع باهتمام لاني عملت ريجيم رهيب و خسيت و كرشي ما نزلش
اه ياريييييييييت لان الكرش مضايقنى جدا
وأنا كمان ياريت حد من دكاترة المنتدى يفيدنا
الرياضة هي الحل
الحل هو المشى يا شباااااااااااااب
انا خسيت 25 كيلو فى 4 شهور من المشى بس و تظبيط اكل خفيف و الكرش راح تماما
و بعد كة تخنت تانى :(
بس المشى هو الحل
متابع باهتمام
بصوا ياشباب
لما بتعمل ريجيم أو بتمارس رياضة عامة
جسمك بيخس بنسبة متساوية في كل المناطق
يعني
لما تحب تنزل الكرش...لازم تلعب تمارين للبطن وتفادي الأطعمة عالية الدهون أو عالية السعرات الحرارية
............أحب أوضح الأول
ليه الكرش بيطلع
....
من الناحية العلمية ..إن الجسم فيه خلايا بتخزن الدهون
والخلايا دي متوزعة على الجسم حسب مقاييس مختلفة ..زي الجنس والوراثة وخلافه
يعني في السيدات
توزيع الخلايا المخزنة للدهون بتكون أكتر في الأرداف والباك والصدر
علشان كده الأجزاء دي بتزيد مع زيادة الوزن
في الراجل
نسبة الخلايا الي بتخزن الدهون موجودة أكتر في منطقة البطن
ودي بتكون أكتر المناطق الي بتزيد(بتكرش)مع زيادة الوزن
..............
وزي ما قلت
لازم يتلعب لها رياضة..أو
تلف على بطنك كيس بلاستيكي وتعزله كويس وتنام بيه
ده هيعزل حرارة الجسم ويخليها تدوب الدهون(ودي فكرة عمل الأجهزة العبيطة بتاعت تميمة والشركات دي)
والأساسي
لازم تلعب تمارين للبطن
لاااااااااااازم
وإفتكروا حاجة
مفيش حاجة بالساهل..إتعب شوية علشان تفرح بالنتيجة
آه من الكرش .... ده حتى العيال الصغيره ملاحظ ان عندهم كرش مع ان العيال مايتوصوش فى الحركه يعنى
انا متهيألى ان الموضوع ليه علاقه بطبيعه الاكل وميعاده
يعنى اعتقد ان غالبيه اللى عندهم كرش هاتلاقيهم بياكلوا جامد بالليل او بياكلوا ويناموا مش بيفصلوا من ميعاد اخر اكله وميعاد النوم حوالى 3 او 4 ساعات
بالأضافة إلي ما قاله د/أحمد فارمـا ,, جزاه الله كل خيـــر ..
من الحاجات المؤثـرة بشدة في موضوع الكرش ده :-
1- المشي كل يوم لمده لا تقل عن نصف ساعة , مع شفط البطن أثناء المشي ..
2- تمارين بطن خفيفـــة و فعـالة ,,
مثل : النوم علي الظهر مع ثني الركبتين ,, و عمل الأذرع علي الصدر في وضعية الـ Cross ,, و النظر لنقطة وهميةلتثبيت الرقبة أثناء التمرين ,, ثم القيام بالرأس و الكتفين لآعلي , ثم الثبات لمدة ثانية فقط ,, ثم النزول لوضع الأستعداد
لو التمرين ده أتعمل 10 مرات فقط ,, 4 مرات يوميـا أو 6 مرات ,, مع المحافظة علي المشي ,, هتلاقي نتيجة فعالة جدا جدا في وقت قصير
3- عدم شرب المياة بكثرة وسط أو بعد الأكل مباشرة .
ربنا يعافينا من موضوع الكرش ده ,, بقت سمة من سمات الإنسان المصري ..
بصراحه انا نفسي اخس من غير مااعمل ريجيم
النصيحة الاولى قبل الرياضة ودى الى افادت ناس كتيير بس للناس الى عندها قوة ارادة
1- اول حاجة تشرب كوب مياة اكتر من دافى يعنى مايل للسخونة شوية بعد الاستيقاظ ب نصف ساعة ( فعال بنسبة 10 % )
2- والاهم (مهم جدا جدا جدا ودة السبب الرئيسى شرب المياة اثناء تناول الطعام او شرب اى شى خطر جدا )
3- المشروبات الغازية كلها ضارة لمنطقة المعدة بالكامل
4- يجب بعد الانتهاء من الاكل الثبات بلا حركة لمدة لا تقل عن 15 دقيقة ولا تزيد عن 30 دقيقة علشان ميحصلش اضطرابفى الهضم
وبالتوفيق ولو حد عاوز يستفسر يتفضل يسال
متــــابـــع
سبب تاني لظهور الكرش
1-العمل المكتبي لعدد ساعات متواصل بكثره يؤدي الي ترهل عضلات البطن
2- الاكل والانتخه بعده علي طول
وده بيؤدي الي صعوبه الهضم لان بطنك منفوخه وسيادتك نمت والجسم بيرتاح وقت النوم ومبتحصلش عمليه الهضم بصوره كامله
وبالتالي الجسم بيمتص الدهون ويبتدي يظهر البالونه دي
3- الاكل المسبك والمحبك اللي بيعمله المصريين
بطاطس باللحمه المفرومه المعصجه بالمش عارف ايه ومعاها الرز والعيش وباللذي منه
طب مطلوب من جسمك ميجرالوش حاجه ازاي وانتا بتاكل كل ده وتروح نايم
ده المفروض يطلع كرش من الودان مش من البطن بس
الحل
1- مشي ساعه كل يوم
2- تظبيط الاكل وعدم الاكثار من الدهون
3- ممارسه تمارين البطن بصوره مستمره ولو عدد قليل يوم بعد يوم
ملحوظه :
لو بطلت تمرين البطن بعد ما الجسم خد عليه بيرجع الترهل اكتر من الاول
طب يا جماعة ...
سؤال ... إنتم عايزين تتخلص من الكرش البارز ...
ولا عايزين الSix Packs ... تفرق كتير :8954[1]:
ياسيدي قول
ماهو اللي حيشيل ده
حيعمل دول
ههههههه الsix packs ده حوار تانى ...
لازم تكون نسبة الدهون فى جسمك أقل من 8 % ..
و لازم تلعب معاها حديد أو سويدى مدروس ...
مع نظام غذائى معين .. و بيعتمد على البروتينات ..
و لازم عشان يطلعوا تأكل كمان ... ليها حوار جامد قوى كده و صعب ....
و يعقد ... و يجيب تخلف عقلى :8954[1]: ..
أنا رأيى نخلى الكرش مش باين من برا الهدوم و يبقى كأن بطنك حلوة ..
بس بردوا هتكون ملظلظة و بتلعب ههههههه ..
و على رأى أحمد مكى ..
البنش بلاطة .. و البطة شوكلاتة ( نوتيلا ههههههه ) :E_braces[1]:
بقالى 5 شهور عايز أطلعهم مش نافعين ...
لازم حوار و أنا مش قادر أعمله ههههههه
اكتب معلوماتك كامله
قول اللي تعرفه عن الموضوع ده
يمكن انتا مش عارف تعمله غيرك يعمله
ويطلع السته
يديك تلاته وهوا تلاته
يعني نفع واستنفع
قول اللي المفروض يتعمل عشان العضل ده يبان
وطبعا اكيد مش حيبقي لوحده نلعب ايه في الجيم
بص شايف الصوره دي
http://farm4.static.flickr.com/3291/...f46aa8e786.jpg
شايف الجسم عامل ازاي
ولا هوا الشحات مبروك
ولا هوا احمد عيد
مظبوط
انا نفسي بقي اعمل كده
عشان اما اخش ارشق واتجوز
ابقي بحافظ
مش لسه حكون عضل
ياعم انا مش عاوز ابقي ماشي انا ومراتي في يوم
انا وهيا حوامل
احكي احكي وكفايه فضايح
وياريت تقول بقي ايه اللي مانعك ومش عارف توصل للي انتا عاوزه ليه
ههههههههههههههه ...
بس يا باشا ... فى مقوله بتقول .. إن عضلات البطن دى بتطلع فى المطبخ ...
يعنى لازم تنتقى نوعية أكلك ... تمام ؟؟؟
يعنى بروتينات دى أهم حاجة ... كاربوهيدرات قليلة ( بس لازم ) .... سكر و دهون ممنوع ... يعنى لا برجر و لا أيس كريم ... ولا حته جاتوه .. ولا شاي عليه سكر حتى! ...
عشان الSix pack تبان لازم تكون الدهون فى جسمك أقل من 8% ...
و لازم تمشى على نظام تدريبى معين ... مش مجرد جرى و نط حبل ... لأ .. دى مجموعة من الرياضات فى وقت معين ... و تدريب للبطن فى وقت معين ..
على سبيل المثال متجريش كل يوم .. و تلعب حديد عشان تحرق الدهون ... و فى نفس الوقت لازم عضلك يكبر لأن كل ما العضل كبر بيحرق الدهون أكثر فبتوصل للإنت عايزة ...
و لو حاولت تخس جامد من غير ما تكبر العضل أو تلعب على الخسسان بس مش هتعرف تطلعهم ...
لسبب بسيط إن العضلة بتاعتك مش هيوصلها البروتين الكافى إللى تخليها مشدودة علطول و لازم بقية عضل جسمك يساعد ..
فى ناس رفيعة جدا لكن عمرك متشوف تقسيمة بطنهم ...
لازم عضل جسمك يكون كبير و رياضى ... .
أنا وصلت لمرحلة إن معنديش كرش و بطنى مشدودة إلى حد ما ...
لكن بأكل ... و مش بنام كويس ... و مش ماشى على النظام إللى يحرق الدهون دى جامد ... و مهمل فى الأكل اللأى مفروض أكله .. و بأكل عيش كتير ... و بأكل رز بالزيت و طبيخ بالزيت .. و فول بالزيت .. و باكل شيبسى ..
و شوكولاته .. و التمرين مش ماشى على نظام صارم و متابعة ... ده غير إن جسمى طبيعته دهنية و الدهون دى عندى صعبة تتشال و عايزة مجهود و الحقيقة مكسل أعمله ..
لأن شكل بطنى مش وحش ... ثانيا محدش بيشوفها غير إسبوع واحد فى السنة بس :36_1_8[1]:
مجهوووووووووووووووووووووو ووووووووووود !!!!!!!!! و أنا مش محتاجها قوى يعنى ...
أهم حاجة مفيش كرش و مفيش ترهل باين حتى لما بكون لابس تيشيرت ماسكة على الجسم
اوكي
استني صورتي بعد 3 ايام
16 picks
مش سته
حروح اصبهم عند الخراط وخلاص
ايه تعقيد ده ياعم الكرش ينزل بس ده انا عاوز انزل يجي 50 كليو
اسباب الكرش النوم بعد الاكل محدش ينام بعد الاكل قبل 4 ساعات معظم الناس تنام بعد الاكل مباشرة ده سبب رئيسي للكرش والسبب التاني قلة الحركة ( المشي ) الناس دايما تروح في اى حتة حتي لو قرب البيت تركب العربية امشي ها تخسر كرشك حل الكرش 1 محدش ينام بعد الاكل والمشي وشفط البطن بأستمرار ودي بتجيب نتيجة هائلة عضلات البطن بتتشد والكرش بيروح ويكون العشاء خفيف جدا ويفضل زبادي قبل النوم ب 5 ساعات وشرب ماء دافئ الصبح زى ما قال الاعضاء
ع فكرة الرياضة مش بتخسس ... الرياضة بتعمل ع زيادة معدل الحرق و حرق الدهون بنسب متساوية
اللى عايز يخس يقفل بقة :)))))))
طيب و اللي عنده كرش يتخلص منه أو يخففه يعمل ايه ؟
ما تتجوزش
ماتركبش عربية
ماتكلش قبل النوم
خليك ورا الحكومة و عمرك ما يطلعلك كرش
احساس جميل انك تحس انك مش اخر واحد فى الصف او انك مش لوحدك وفى حد بيشاركك النت فية دا انا قولت انا لوحدى الى كدة هههههههههه لما تلاقو الحل ابقو خدونى معاكو مع انى عارف العيب من اية والحل فين بالظبط واظن كلنا عارفين الحل فى اية بس المشكلة فى الحل وطريقة تنفيذ الحل دة
انا مثلا بالنسبالى طول عمرى مش رفيع وكمان متقدروش تقول مليان لانى كنت بروح الجيم اساسى فى حياتى وبجرى كمان كنت رياضى فالعملية كانت متوازنة وكنت زى الفل انما دالوقتى راحت منى خالص ودة بسبب ركوب العربية وعدم الاكل طول النهار والاكتفاء بوجبة واحدة باليل وطبعا مفيش حركة وطول النهار على المكتب وروتين الحياة الى مبتلاقيش فية وقت تعمل حاجة خالص
أنا معاك لأني خسيت من 120 كيلو ونزلت إلى 89 كيلو في سنة ونصف تقريبا كل ده بسبب الأنتظام في المشي حتى لو نص ساعة يوميا مع عدم تناول وجبة العشاء او لو كلت يكون سلطة وجبنة مع العلم إني لن أبطل أكل الرز والمكرونة والعيش في جميع أيام الرجيم لكن قللت منهم وما محرمتش جسمي من حاجة بحبها وعارف إني ماقدرش ابطلها
بس رجعت تاني تخنت مش زي الاول لكن بسبب العربية الله يسامحها
انا حاسس انك بتكلم عن لسانىاقتباس:
احساس جميل انك تحس انك مش اخر واحد فى الصف او انك مش لوحدك وفى حد بيشاركك النت فية دا انا قولت انا لوحدى الى كدة هههههههههه لما تلاقو الحل ابقو خدونى معاكو مع انى عارف العيب من اية والحل فين بالظبط واظن كلنا عارفين الحل فى اية بس المشكلة فى الحل وطريقة تنفيذ الحل دة
انا مثلا بالنسبالى طول عمرى مش رفيع وكمان متقدروش تقول مليان لانى كنت بروح الجيم اساسى فى حياتى وبجرى كمان كنت رياضى فالعملية كانت متوازنة وكنت زى الفل انما دالوقتى راحت منى خالص ودة بسبب ركوب العربية وعدم الاكل طول النهار والاكتفاء بوجبة واحدة باليل وطبعا مفيش حركة وطول النهار على المكتب وروتين الحياة الى مبتلاقيش فية وقت تعمل حاجة خالص
أنا مدمن بيبسي دايت,,,يمكن هوه ده السبب
أنا علي فكره كان وزني 95 كيلو خسيت بقيت 75 كيلو,,,,,بآكل سلطه و خضار بس,,,اللحمه مسلوقه,,,الفراخ مسلوقه,,,,ساعات كنت بآكل عيش سن في العشاء أو ماكنتش بتعشي,,,,ماباكلش رز و لا عيش و لاحاجه فيها زيوت أو دهون أو شيكولاته أو الهبل ده
هو البيبسي الدايت,,,,و لسه عندي كرش,,,هو مش كبير بس موجود
(علي فكره أنا لسه ماشي علي نظامي ده,,مابقتش أحب آكل رز و لا عيش و مكرونه) و مابلعبش رياضه خالص
سؤال بقي,,,لو منعت البيبسي الدايت الكرش هيروح؟