الموضوع: التأمين مع دايهاتسو

امبارح كنت في التوكيل بغير تيل الفرامل و قلت أأمن مع التوكيل و امري لله معن النسبة عاليه جدااااااااايعني رضيت بالهم و لقيت الهم مش راضي بيا اسمعوا اللي حصل بقي

1- النسبة بتوصل 5.6% بعد اضافه المصاريف الاداريه و الدمغات يعني عربيتي سيريون 2008 هدفعلها 3661 جنيه تأمين و 10% من مصاريف اي تصليحات

2- اي خدش في العربيه بيستثني دهان المنطقه المخدوشة من التامين بمعني انا عندي خدش صغير جداااااااااااا لا يري الا بصعوبه في الباب الشمال و اللي وراه قالي ان دهان البابين بيخرج من التامين و دهان الباب في التوكيل ب 300 جنيه يعني لو حصل لاقدر الله مشكله في الباب هدفع 300 جنيه دهان + 10% من باقي المصاريف و اسمي مأمن قلتله طب ممكن اسمكر عندك و ادهن برة لان في واحد بتاع دوكو نضيف اوي بتعامل معاه و بيدهن القطعه ب 150 و دهان زي بتاع التوكيل بالظبط قاللي لأ طالما هتسمكر يبقي لازم تدهن معانا (( بلطجة ))

طبعا مسكت نفسي اني اقول الفاظ مش مهذبه و مشيت

المشاركة الأصلية كتبت بواسطة rockana

اه نسيت اقولك انى ال 2177 شامل 120 جنيه اشتراك ونش فى حاله حدوث اي شيء للعربيه بيشيلها مجانا

انا كنت مأمن مع وثاق السنه اللي فاتت بس بنك ابو ظبي مش بيتعامل معاهم معرفشي ليه طبعا انا بعد كلام التوكيل طنشت خالص و لقيت ان الشغل عندي عامل اتفاق كويس مع مصر للتامين و هدفع 2.5% و بس انا كنت عايز التوكيل لاني كنت مستريح جداااااااااا اول سنه بودي العربيه تتصلح و اروح استلمها و خلاص و مفيش اي تعامل مع شركات التأمين قلت ادفع زيادة شوية و اريح نفسي بس لقيت هدفع زيادة اوي ي ي ي ي ي ي ي

المشاركة الأصلية كتبت بواسطة أبو حمزة

حضرتك جبت الخلاصة

و الله يا استاذ ابو حمزة انا معنديش مانع ادفع زيادة في السلعه بس اخد خدمه كويسة و مواعيد مظبوطة و مفيش شك ان التوكيل مش وحش احسن من غيرة بس للاسف هما ممكن يعملوا شغل احسن بكتير من كدة لو ظبطوا موضوع اسعار العماله شوية يعني عربيات ديهاتسوا جميله و العربيه الحمد لله حاببها جداااااا و مريحه جدااااااااا بس هما بيهرجوا و حاسس انهم شبعوا فبقي يرمي اسعار و خلاص يا صابت يا خابت

و اخر مرة انا راجع مستاء جداااااااااا لان حسيت ان مهندسين الاستقبال بقوا حافظين مش فاهمين يعني كان قبل كدة في مهندس ماجد في العبور كانت معاملته كويسة و تحس انه بيوازن بين مصلحه الشركه و مصلحه العميل و دة المفروض لكن اخر مرة لقيت مهندس الاستقبال بقوله علي الانذار لقيت لهجة تهديد و ووعيد في صوته بايخه جدااااااا و اوعي تركبه برة و لو حصل مشكله و دة اللي هيحصل الضفيرة هتخرج من الجنه ( قصدي الضمان ) يعني لهجهه ملهاش اي معني و لا اي لازمه و موضوع علبه الدركسيون هو متأكد جداااااااااااا ان كل موديلات 2008 فيها العيب دة و مع ذلك حسسني اني الوحيد اللي جاي بالعيب دة