الموضوع: التأمين مع دايهاتسو

المشاركة الأصلية كتبت بواسطة hagan

ايوه يا فندم انا مجربه معايا تريوس 2010 vxr
وامنت معاهم مع اني مش مقتنع بالسعر خالص ولكن بما ان ( اللي اتلسع من الشوربة بينفخ في الزبادي ) فأنا لي صديق مر بتجارب سيئة مع شركة النصب الكبري التي تدعي (الجمعية مش عارف ايه كده للتأمين بالعباسية) وطبعا طفح الدم معاهم وكان دافع بتاع 15 الف علي التصليح في حادث وطال منهم حوالي 11 الف بالعافية علي اجزاء بعد حوالي 9 شهور وبقلة الادب والخناق لما خلاني كرهت السيارات والتأمين و كل شئ في الدنيا من اللي كنت بشوفه معاه كلما ذهبنا العباسية لمقر شركتهم الغير موقرة وعلي فكرة كانوا بيشغلوا نوعية من الشباب تحس انهم بودي جارد بيحرس نايت كلب مش شركة تأمين محترمة
المهم نرجع لموضوعنا انا امنت مع دايهاتسوا وبالفعل العربية خدت اول بوسة عبارة عن خبطة جابت الكبوت وخربشة في الشبكة الامامية وأخبرتهم بالتليفون وذهبت لفرع ابو رواش والناس قابلوني بكل ذوق وكان مهندس ابن حلال اخبرني بأنة هيغير الكبوت والشبكة في خلال اربعة ايام عمل وبالفعل ثالث يوم اتصلت به اخبرني ان مهندس التأمين لسه مرحش التوكيل للمعاينة بس هوه هيعتمد له المعاينة بعد التصليح المهم قال لي احنا علي ميعادنا بكرة بس ياريت تيجي علي العصر كدة وفعلا رحت لقيتة مخلص كل حاجة واحسست ساعتها ان الفلوس اللي ادفعت زيادة اثناء التأمين الحمد لله جابت نتيجة و كلما تذكرت الهم اللي كان حاصل واحنا بنجري لصاحبي كل يوم علي الشركة وربنا ميحوجش حد لاي شركة تأمين ولا لاي مكروه امين
وأسف جدا للاطالة بس حبيت انقل لحضرتك معاناتنا التي اجبرتنا علي قبول فرق السعر الجامد وشكرا

م.حاتم السباعي

الف شكر يا باشمهندس حاتم أمتى بقى حصل الموضوع ده؟