الموضوع: استفسار بخصوص صيانة العفشة

المشاركة الأصلية كتبت بواسطة egman

ايهاب باشا انا متشكر جدا على صبرك معايا

1- بالنسبة للدبرياج الحمد لله هى ناعمة معايا وخفيفة مش تقيلة واعتقدان كل الموضوع معايا هو ضبط مستوى الدواسة بس واعتقد ان بعدها ان شاء الله الصوت بتاع الخبطة يقل وعلى فكرة بعد ما حضرتك فهمتنى ازاى اتعامل وانا بنقل وانى ما انتش وانا بغير اوقات كتير جد ما بيكونش فية وجود للصوت خالص فاعتقد ان حل ضبط الدواسة هيقضى على الموضوع ده ان شاء الله ولا اية رايك ؟


2- بالنسبة للكاربرتير انا بس كنت بسال عليه لانى بشوف ناس كتير بتظيطه ومش ببقى فاهم هو اية مشاكله وبيعمل ايه وموثر فى اية وحضرتك الحمد لله افدتنى جدا جدا فى الموضوع ده .

3- بالنسبة للفتيس :

- ممكن معلش حضرتك تتعب معايا وتقولى اية اوجه الصيانة الكاملة الى مكن تتعمل فيه ؟
- هل موضوع الترس الخامس ده بيتغير الترس فقط وهو ده الى تقصده فى كلامك بالتغيير ولا حضرتك تقصد تغيير الفتيس كله ؟

انا اسف يا باشا جدا جدا للتطويل انا عارف انى خلاص قربت اضرب من كتر اسئلتى لكن والله انا قد اية باستفاد جدا من الكلام ده لانى اول مرة اركب عربية اصلا ومعلوماتى عن الكلام ده صفر :) .......

لا تشكر العبد الفقير اشكر الله هو الذي يمن علينا بالفهم والمعرفة وقادر ان يمحوها عنا في لحظة ونسأل الله الاخلاص في القول والعمل
1- ان شاء الله هتتحل بشكل كبير ويارب تروح نهائيا لكن عادتك في القيادة هي اللي هتنهيها خالص حاول تتعود علي القيادة والنقل بهدوء لأن ده بيحافظ جدا جدا علي ألات الجر ونقل الحركة في السيارة

2- الحمد لله
3-بالنسبة لصيانة الفتيس فهناك أوجه مختلفة حول صيانته
فيه ناس بتقلك ان الفتيس بلاش تعمله صيانةلأنك ممكن تفكه وتغيرله قطع غيار بتمن أخر استيراد واللي بالطبع هيكون أفضل حالا من اللي معموله صيانة
وفيه ناس بتفكه وتعمل صيانة وتظبطه وانت ونصيبك لكن انا برجح فكر التغيير للفتيس كله بس ده طبعا لما ينتهي خالص ويبقي مش نافع لكن كل الأعراض اللي بنتكلم عليها دي الفتيس ممكن يعيش بعدها سنييييييين بس المهم المحافظة علي انه يفضل مستوي الزيت فيه كويس وتحاول ما تديش غيارات غلط دون فصل الحركة و تظبط مستوي الدبرياج عندك وبس

طبعا بخصوص الغيار الخامس كنت أقصد تغيير الفتيس كاملا أريح وأفضل أضمن من الفك والعك دون الحصول علي نتيجة مرضية

والله الموفق وتحت أمرك في اي شيء

الرجرجة دي ممكن تكون حاجات كتير أولها انها تكون متلته يعني شغاله ثلاثة سلندر فقط وده بيكون بسبب كهرباء العربية او ممكن تكون عدم ضبط السلانسيه للسيارة ودي هيظبطها مع الكربيراتير يعني خلي الميكانيكي اللي هتروحله يبص عليها وهو هيضبطلك الدنيا ان شاء الله
وربنا يوفقك وييسرلك حالك وتخلص من مشاكل العربية وفعلا انت مع الوقت هتكبر دماغك من أصوات كتير

المشاركة الأصلية كتبت بواسطة egman

يعنى ايه متلته ويعنى اية يا باشا شغاله على 3 سلندر بس اية علاقة كهربة العربية بالموضوع ده ؟

متلته يعني شغالة 3 سليندر والسبب هو فصل في اشارة الاشعال للسلندر اللي مش شغال وبيكون السبب يا اسبراتير وده المسئول عن توزيع الشرارة علي الأربع بوجيهات لأربع سلندرات أو بوجيه عطلان ومرطب او كابل بوجيه مقطوع وفاصل بس

واشارة الاشعال دي اشارة كهربية بجهد كهربي عالي جدا خارج من الموبينه بتاعت العربية
والموبينه دي عبارة عن محول كهربي بيرفع الجهد ال 12 فولت بتاع البطارية الي... مش فاكر كام ألف فولت عشان يكون الجهد ده قادر علي عمل شرارة بين طرفي البوجيه