عربيتى 128 مشاكل فى العفشة ومش عارف اعمل اية رجاء من الخبراء الافادة

**mahshahin** · 30-05-2010 12:20 PM

عربيتى كانت مايلة من جنب ورا وديتها لواحد بتاع عفشة قالى هاركب كوتشة على الجنب المايل وهتتظبط العربية اتظبطت وبقت سوا واحد بعديها بفترة بقت ناشفة جدا فى المطبات وكانه زالزال داخل العربية روحت لواحد بتاع عفشة تانى قالى المساعدين قلى ورا ضاربين زيت ولازم يتغيروا وقلى المساعدين يعملوا 350 جنية ومعرفش نوع أية وكان مفيش امكانية انى أجيب مساعدين لانى لسة عامل عمرة روحت لواحد تانى عملى وصلة على المساعد والعربية بقت كويسة شوية لكن بعدها بشوية يومين تقريبا بقت زفت وبتخبط وبترزع جامد فى المطبات ....... ياريت حل يا أهل الخبرة خصوصا انى مبتدأ ومش عايز الصنيعية يشتغلونى

**Karim_Mohy** · 30-05-2010 12:23 PM

هو الاحسن طالما ضاربين انهم يتغيروا........وفيه مساعدين جداد اقل من السعر ده.........وفيه استيراد برضو

**mahshahin** · 30-05-2010 12:30 PM

طب لو في جداد اقل من السعر دة ياترى نوعهوم اية وكويسين ويستحملو الشوارع المعفنة بتاعت الحى العاشر مدينة نصر وسعرهم كام واجيبهوم منين وبخصوص الاستيراد يعملوا كام وشكرا

**mohamed9999** · 30-05-2010 01:58 PM

متابع .......

**mkhalifa73** · 30-05-2010 05:47 PM

انا ركبت 4 مساعدين صينى سعر الواحد 125 جنيه وعرفت بعد كده انى انضحك عليا وان سعره 100 بس
هى بصراحه كويسه بقالها معايا 5 شهور وكويسه جدا

**mahshahin** · 31-05-2010 09:39 AM

المشاركة الأصلية كتبت بواسطة mkhalifa73

انا ركبت 4 مساعدين صينى سعر الواحد 125 جنيه وعرفت بعد كده انى انضحك عليا وان سعره 100 بس
هى بصراحه كويسه بقالها معايا 5 شهور وكويسه جدا

طيب اجيبهم منين

**mahshahin** · 31-05-2010 12:31 PM

يا جماعة رجاء سرعة الرد عشان انا حاسس ان العربية هاتتكسر من المطبات رجاء سرعة الرد اجيب المساعدين منين وايه النوع الكويس وسعرة كام ولكم جزيل الشكر

**محمد فريد** · 31-05-2010 11:24 PM

انا مركب جوز امامى بولندى ب 375 زى الزفت والقدام كانوا مونرو اسبانى بس العفشجى قالى نغير ودلوقتى فى المساعد الشمال زى ميكون قافش بينزل ولا يطلعش معرفش العيب منه ولا فى مقص اتعوج - ربنا يستر
فانت قبل متغير استنى الناس الخبراء يقولك تجيب ايه لان دى حياتك على الطريق وربنا يستر طريقك وطريقنا

**mahshahin** · 01-06-2010 09:37 AM

المشاركة الأصلية كتبت بواسطة محمد فريد

انا مركب جوز امامى بولندى ب 375 زى الزفت والقدام كانوا مونرو اسبانى بس العفشجى قالى نغير ودلوقتى فى المساعد الشمال زى ميكون قافش بينزل ولا يطلعش معرفش العيب منه ولا فى مقص اتعوج - ربنا يستر
فانت قبل متغير استنى الناس الخبراء يقولك تجيب ايه لان دى حياتك على الطريق وربنا يستر طريقك وطريقنا

انا فعلا مستنى ومحتار اجيب الصينى ولا اليوغسلافى ولا البولندى ولا ولا ولا ولا ..... بس العربية محزناني اوى بسبب المساعدين دول