استفسار و طلب نصيحة

**schnider87** · 30-05-2010 01:17 PM

كنت عاوز اعرف ايه الفرق بين الطنابير المخرمة و الطنابير العادية و انى الاحسن و هل فى تيل مخرم برده ولا لا

تانى حاجة انا معايا لانوس 2008 فعاوز اركبلها فلتر هوا رياضى اللى هوا المشروم او بيسمه الروسى (ححط صورة ليه) فاجيبه منين و يعمله حوالى كام و عاوز طريقة تركيبه بالتفصيل و ايه اللى يتعمل بالظبط عشان معلش انا يادوب اول مرة اعدل اى حاجة فى عربية فمقلق شوية و سؤال تانى ايه احسن مقاس جنط و كاوتش للعربية عندى بحيث مايأثرش على و لا يحتاج تعديل و لا يخبط فى حاجة معلش انا طولت عليكم بس معلش انا لسه شوية فى الحاجات دى اخر سؤالين بقى يعنى ايه لمبة ليدات و كويسة و لا لا و بتركب مكان اى لمبة فى العربية و لا لاء و اخر سؤال بقى ازاى اكون فاهم العلاقة بين الجنط و الكاوتش و كده و ايه الفرق بين مقاساتهم و شكرا انا اسف طولت عليكم

**schnider87** · 30-05-2010 01:33 PM

و هل فى احسن من المشروم ده ولا لاء و للاسف مش عارف ارفع صورته بص هو عامل زى الطاقية

**M_Nabil** · 30-05-2010 06:43 PM

كل دى اسئلة يا عم شنيدر ماشى ولا يهمك بالنسبة لموضوع الطنابير الرياضية والفرق بينها وبين العادية ممكن تشوف الموضوع ده والطنابير هيا بس اللى بتكون مخرمة أو مشقوقة، انما في تيل رياضى

http://www.nilemotors.net/Nile/27723-a.html

فلتر المشروم كويس وفي برضه K&N المخروطى الامريكى وفي سيموتا تايوانى وفيه صينى كله حسب الميزانية اللى معك، للفلتر المشروم مش متأكد من سعره أعتقد ممكن يكون في حدود 150 جنية وطالع ونفس القصة للسيموتا الكى اند ان يبدأ من 350 جنية وهتشترى ماسورة للفلتر في حدود 150 جنية نيجى بقى للجنط أعتقد المقاس عندك 13/70/175 ممكن تركب 14/60/185 أو 15/50/195 شوف اللى يريحك فيهم وحاول تجيب جنط وزنة خفيف و يكون الـ Offset بتاعة مظبوط

الليدات دى مجموعة من اللمبات الصغيرة جمب بعض راكبة على دائرة واحدة و اشهر مثال ليها لمبة نور صالون العربية بتشيل اللمبة العادية وبتركب الليدات دى وبتتركب برضه في بعض الفوانيس المعدلة للعربية الأمامى والخلفى

**schnider87** · 31-05-2010 12:13 AM

متشكر اوى للرد بس معلش كام سؤال تانى بقى الماسورة بجيبها بلاستيك ولا فى افضل و طريقة التركيب ازاى عشان معرفش اذا كان عندى فى حساس ضغط هو او حساس حرارة هوا ولا لاء فمش عاوز ابوظ حاجة دا اول سؤال و التانى بالنسبة للجنط لو 15 مثلا لازم الكاوتش يكون 15 برده ولا مش شرط و عاوز شرح زى ما يكون قاعدة عامة افهم بيها علاقة مقاس الجنط بالكاوتش بالثبات و علاقة الارقام دى و كده و معلش انا عارف انى بتئل فى الاسءلة شوية

**M_Nabil** · 31-05-2010 12:10 PM

الماسورة ممكن بلاستيك وممكن ستانلس وبيكون فيها فتحة عشان تركب حساس الهواء شوف المواضيع دى هتفيدك

http://www.nilemotors.net/Nile/109141-a.html

http://www.nilemotors.net/Nile/142075-a.html

ودى شوية مواضيع عن الكوتش والجنوط والمعادلات بتاعتها

http://www.contactcars.com/Discussio...ID=6&tid=22885

http://www.nilemotors.net/Nile/9221-a.html

http://www.nilemotors.net/Nile/5563-a.html

http://www.nilemotors.net/Nile/22380-a.html

**schnider87** · 31-05-2010 04:02 PM

شكرا يا باشا تعبتك معايا

بس معلش عاوز افمبرده شوية يعنى انا لما بكبر الجنط بصغر الكاوتش؟؟؟

و لو اه يبقى ادينى مثال معلش لو انت فاكر الحوار او عارفه يعنى