بالنسبة الى حدائق الاهرام انا شايف ان مستقبلها جميل جدا , لانها منطقة راقية وغير كدا قريبة الى الدائرى وغير كدا ليها بوابات خاصة
نيجى بقا الى موضوع الكهرباء
لما تيجى تشترى شقة هناك تكون فى عمارة داخل فيها كهرباء وكمان الحديدة بتاعت الكهرباء تكون راكبة على باب الشقة , لان كان فى غلاسة فى موضوع الكهرباء بسبب المخالفات للناساللى كانت بتزود فى عدد االادوار لزيادة الغير مسموح بيها , وعشان كدا لم تشترى فى هناك اشترى فى عمارة مش مخالفة ويكون راكب حديدة على باب الشة عندك
بالنسبة الى النادى
, النادى اللى جوة نادى اجتماعى مش نادى رياضة , وطبعا حيكون مختلف عن اى نادى رياضة , وانا ساكن جوة ومش اشتركت فيه لانى ملحقتش وبقا غالى , وغير كد انا مشتركفى نادى الاعلامين فى مدينة الانتاج الاعلامى فمش فارق معايا
بالنسبة الى الخدمات
فيه موقف جنب المدينة بيوصلك الى الاماكن الرئيسية والهامة فى مصر
فيه سوبر ماركات كتيرة هناك وخدمات فى المدينة
فيه مول بس اغلب حاجة فيه بيشتغلو على مواد البناء عشان طبعا المدينة فيها ناس كتير عاوزة تشطب شققها
فى كهرباء وميه وتليفون وفيه سيارات اسعارف وصيدليات وعيادات ومعامل تحاليل وكل حاجة بقت هناك
قريب منك كارفور الصحراوى وقريب فى كارفور دريم وجنبك سوق فيصل والهرم المحمل واولاد رجب والرماية
بالنسبة الى السرقات
فيه دورية راكبة وليها مكان ثابت ف المدينة وبتتحرك دايما جوة , وغير كدا انا من 2006 وانا هناك وعمر ما حاجة حصلت بالنسبة الى السرقة دى ناحيتنا
والاهم كمان انا بسيب زوجتى من الصبح لاخر النهار عشان شغلى وبتكون قعدة فى امان ومش خايفة ,
وبعدين موضوع السرقة , انت ممكن تتسرق فى ميدان التحرير عادى جدا ف مصررررر كلها وفى اى منطقة
بالنسبة الى الركنة
فعلا دى حتكون مشكلة فى المستقبل لغاية لو عملوا جراجات عامة للناس
واذا حابب تريح دماغك اشترى شقة فى عمارة ليها جراج واشترك فيه او اشترى وحدة من الاول وانت بتشترىالشقة عشان تقدر تساوم صاحب العمارة
فى النهاية بصراحة انا سعيد جداا بتواجدى هناك وبحس براحة نفسية وانا جوة المدينة , عماير نظيفة ومدينة محترمة وقريبة الى وسط البلد والاماكن الهامة فى البلد , وغير كدا كل عمارة مش بتزيد عن 5 ادوار وفيها اسانسير , لا جميلة بجد
واللى يحتاج اى حاجة من هناك وحابب انزل معاه والف معاه هناك واعرفه على اهم الاماكن فيها انا تحت امركم بس ابعتولى على الخاص
المفضلات