سعر الرينو داستر

**tamagogo** · 31-05-2010 01:06 AM

السعر حلو جدا. لو في منها اوتوماتيك لغاية 120 الف هتتباع هوا.
لكن ماتتوقعوش انها هتكون اوسع من التيجو او التيريوس هتكون نفس الحجم

**CryptonX** · 31-05-2010 01:42 AM

مع احترامي لاي حد .. بس الي يشتري عربية زي دي بالتمن ده يبقى " بيشتغل " نفسه ....

استنى لما تنزل مغربي و تمنها الاصلي المفروض لا يتعدي ال 80 - 90 الف جنيه .

**wawoo** · 31-05-2010 09:27 AM

المشاركة الأصلية كتبت بواسطة tamagogo

السعر حلو جدا. لو في منها اوتوماتيك لغاية 120 الف هتتباع هوا.
لكن ماتتوقعوش انها هتكون اوسع من التيجو او التيريوس هتكون نفس الحجم

هى ابعدها اكبر من التيجو و اكبر بكتير من التيريوس

**wawoo** · 31-05-2010 09:46 AM

المشاركة الأصلية كتبت بواسطة CryptonX

مع احترامي لاي حد .. بس الي يشتري عربية زي دي بالتمن ده يبقى " بيشتغل " نفسه ....

استنى لما تنزل مغربي و تمنها الاصلي المفروض لا يتعدي ال 80 - 90 الف جنيه .

معلش يعنى ممكن تفهمنى ازى بالسعر دة حيشتغل نفسة ...

طيب هاتلى حضرتك سيارة اخرى بنفس الثمن فيها تكنولوجيا نيسان فى الدفع الرباعى و ممكن تختار فيها دفع ثنائى او رباعى او السيارة تختار اوتومتك الدفع المناسب و فيها احدث انظمة الاى بى اسى Bosch 8.1 ABS,و نظام EBV للتوزيع الالكترونى للفرامل و فيها جسم السيارة بالكامل مغطى بطبقة حماية اخرى ضد الصدء و ضد العوامل الخارجية .واسفل السيارة مدعم و محصن بالكامل بما فيها طبتين اماكن العجل و كل دة بدعم من مهندسين رينو و نيسان فى التصميم الهندسى و الخبرة..

اعتقد بهذا التصميم و بهذا المستوى و بهذا السعر... المنافسين ببساطة حيقعدو فى البيت ..هذة السيارة بكل سهولة تتفوق على حاجة زى الجراند فيتارا و تتفوق عليها فى حاجات كتير غير كدة مافيش منافسين فى هذة الفئة وبهذا السعر ممكن نقول عليهم عربيا 4x4 بجد ..

**CryptonX** · 31-05-2010 12:04 PM

المشاركة الأصلية كتبت بواسطة wawoo

معلش يعنى ممكن تفهمنى ازى بالسعر دة حيشتغل نفسة ...

اول سبب و هو البديهي .. ان السيارة بتنتج او حتنتج في المغرب , و بالتالي يمكن استيرادها بدون جمارك نهائيا .. و بالتالي اول نسخة لها لن تتعدى ال 85 الف جنيه .

ده كدة بس اول سبب بديهي تسعيري , ز ي الي اشتروا اللوجان لما كانت روماني اول مانزلت مصر و بعدها بكام شهر نزلت مغربي ارخص و بمواصفات احسن و شكل احسن !

المشاركة الأصلية كتبت بواسطة wawoo

طيب هاتلى حضرتك سيارة اخرى بنفس الثمن فيها تكنولوجيا نيسان فى الدفع الرباعى و ممكن تختار فيها دفع ثنائى او رباعى او السيارة تختار اوتومتك الدفع المناسب و فيها احدث انظمة الاى بى اسى Bosch 8.1 ABS,و نظام EBV للتوزيع الالكترونى للفرامل و فيها جسم السيارة بالكامل مغطى بطبقة حماية اخرى ضد الصدء و ضد العوامل الخارجية .واسفل السيارة مدعم و محصن بالكامل بما فيها طبتين اماكن العجل و كل دة بدعم من مهندسين رينو و نيسان فى التصميم الهندسى و الخبرة..

اي شركة في العالم ممكن تاخد LICENSE من نيسان او من اي شركة اخرى لاستخدام تكنولوجيا عتيقة زي الي 4x4 الي تقريبا مفيش شركة في العالم مش عندها التكنولوجيا دي .. و دي مش حاجة يعني تحتسب للسيارة .

ثانيا , اول موديل الي ب 108 الف جنيه مفيهوش اصلا هذا النظام و بالتالي هي مجرد سيارة هاتشباك عالية بجودة متوسطة و خامات متوسطة بسعر سيارات انضف منها الف مرة .

حتة ال ABS و BOSH و جسم محمي و مش عارف ايه دي خدع تسويقية بحتة .. يعني بصراحة عاملة زي السيارات الصينية الي تقولك فيها نظام BOSH و تعليق من PORSCHE مع موافقتي طبعا ان اكيد الداستر انضف الف مرة من اي سيارة صينية انا بتكلم على مبدا تسويق السيارة بالمكونات الداخلية .

انا معنديش اعتراض على السيارة كسيارة و بدليل نجاح اختها الصغيرة اللوجان , و الداستر ماهي الا نسخة " عالية " من اللوجان بنفس الشاسيه و المحركات و بالتالي اعتراضي على فرق السعر و ده قلته ان حيتحل لما المغربي تنزل .

لو حنتكلم على سيارة من فئة الداستر الاولى الي هي مش دفع رباعي اصلا ..

يبقى عندك اي سيارة MPV من ماركات مشهورة و بنفس الاسعار تقريبا ... لان ساعتها مش حتفرق كونها SUV ولا MPV .

( كيا كارنر - تريوس - فيتارا - ليفينيا - حتى الماتركس .. الخ الخ )

المشاركة الأصلية كتبت بواسطة wawoo

اعتقد بهذا التصميم و بهذا المستوى و بهذا السعر... المنافسين ببساطة حيقعدو فى البيت ..هذة السيارة بكل سهولة تتفوق على حاجة زى الجراند فيتارا و تتفوق عليها فى حاجات كتير غير كدة مافيش منافسين فى هذة الفئة وبهذا السعر ممكن نقول عليهم عربيا 4x4 بجد ..

[/QUOTE]

التصميم دي اذواق بس انا شايفه عادي جدا مش مميز ..
السعر مش مميز خالص ..
حاول تقنع واحد يدفع 150 الف جنيه مصري في النسخة الكاملة ال 4X4 الي غالبا حتكون مانوال !
في سيارة مصممة للدول النامية و انها تكون اقتصادية ..
بدون كماليات حديثة مثل السيارات الاوروبية الحقيقية و بدون اي لمحيات جمال داخلية .. السيارة تقربيبا نفس صالون اللوجان بالظبط .. بس ب 150 الف جنيه .

لما تنزل مغربي و بتدا من 85 الف مثلا الي باكلتير اوي 110 ساعتها حتفق معاك , و لكن صعب اوي اني اقول عليها تتفوق على جراند فيتارا او سيارات من " فكر تصميمي " اخر .. الا يمكن في السعر .

**wawoo** · 31-05-2010 01:49 PM

المشاركة الأصلية كتبت بواسطة foxoo7

مش عارف الناس داخلة شمال في العربية من قبل ما يشوفوها حتي
ولا حتى الأسعار الرسمية بتاعتها تنزل!!!
مستعجلين ليه بكرة العربية تنزل ونشوف الناس هتشتري ولا لأ،

الله ينور عليك يا فوكسو ... سابق لاوانة اننا نتكلم عن اى نقد قبل ما نشوف العربية بنفسنا و نشوف رد فعل الناس عليها فى المعرض و فى الشارع بعد كدة ..

لكن انا ليا نظرة فى كل عربية واقدر اكون راى مبدائى من الصور و من موصفات العربية ..و حتى الان رايى انها حتكون فعلا سيارة جيدة جدا فى فئتها و تليق باسم رينو و نيسان و حتكون منافس قوى جدا فى الفترة القادمة فى الفئة دى..

و افتكرو كلامى دة بعد ما تشوفها فعلا على الطبيعة و فى الشارع..

**wawoo** · 31-05-2010 02:06 PM

المشاركة الأصلية كتبت بواسطة cryptonx

انا معنديش اعتراض على السيارة كسيارة و بدليل نجاح اختها الصغيرة اللوجان , و الداستر ماهي الا نسخة " عالية " من اللوجان بنفس الشاسيه و المحركات و بالتالي اعتراضي على فرق السعر و ده قلته ان حيتحل لما المغربي تنزل .

صحيح انها نسخة عالية من اللوجان ..لكن مش معى كدة انها نفس شاسية اللوجان بالضبط يعنى ..اكيد يعنى تم عملية تقوية الشاسية عشان تتحمل اكتر شوية و عشان الدفع الرباعى

انا حساس كدة يا كريم انك معجب بالسيارة و لكن عندك شوية تحفظات ..لكن اعتقد لما حتشوفها على الطبيعة حتغير رايك و يمكن تفتنع فعلا بيها ..

بخصوص موضوع المغرب ..الشركة كانت واضحة ان السيارة حتصنع مصنع رومنيا فقط حتى الان ..و مافيش اى معلومات بخصوص تجميع فى دول اخرى حتى الان ...لو عاوز تستنى حاجة كدة مش قبل سنتين او ثلاثة لما تحصل ...\

**M.almaghraby** · 31-05-2010 02:11 PM

مع احترامي لاي حد .. بس الي يشتري عربية زي دي بالتمن ده يبقى " بيشتغل " نفسه ....

استنى لما تنزل مغربي و تمنها الاصلي المفروض لا يتعدي ال 80 - 90 الف جنيه .

لا لا يا كريم اختلف معاك تماما

-

-

الموضوع: سعر الرينو داستر

LinkBack

أدوات الموضوع

عرض

-

المواضيع المتشابهه

الحمدلله استلمت الرينو داستر

تقرير قهر الرينو داستر 4wd

أسعار الصيانة وقطع غيار الرينو داستر 4x4

أيهماا صفقه رابحه ان شاء الله الرينو داستر ولا ليفينيا نيسان

يا جماعة انا محتار جدا بين الرينو داستر و الكيا كارينز ....تعب بجد ..افيدوني رجاءا

الكلمات الدلالية لهذا الموضوع

المفضلات

المفضلات

ضوابط المشاركة