سعر الرينو داستر

**carfreak92** · 07-06-2010 03:08 AM

المشاركة الأصلية كتبت بواسطة shouk_1987

ألاسعار ديه توقعية بس
لسه الرسمية مانزلتش صح و لا إيه ؟؟

يا أ / hamata هاتلى عربية 4x4 قاقل من 200 أو 250 ألف زيرو و ماركة ياعنى مش صينى
مافيش غير التريوس ب 150 تقريبا و علبة كبريت
(أنا مش فى بالى حاجة بس متهيألى مفيش)

حرام عليك دا التريوس يابانى وشديده اه شكلها مش اوى بس مش اللى يتقال عليها وحشه عموما ومش علبه كبريت علب الكبريت اقل من كدا بكتير العربيه ادائها عالى جدا وتستحق كل شلن اندفع فيها
التيريوس عشان اللى يفهم غلط يصحح فهمه

**heha** · 07-06-2010 08:28 AM

المشاركة الأصلية كتبت بواسطة carfreak92

حرام عليك دا التريوس يابانى وشديده اه شكلها مش اوى بس مش اللى يتقال عليها وحشه عموما ومش علبه كبريت علب الكبريت اقل من كدا بكتير العربيه ادائها عالى جدا وتستحق كل شلن اندفع فيها
التيريوس عشان اللى يفهم غلط يصحح فهمه

+++++++++++1
برغم عدم حبى للتريوس لكن كلامك صح

**shouk_1987** · 07-06-2010 10:47 AM

التريوس عربية شديدة طبعا وكويسة وكل حاجة
أنا أقصد بعلبة كبريت انها ضيقة كده و مش واخدة راحتها

وعلى العموم أنا ركبت الداستر فى المعرض و غيرت فكرتى عنها خالص

**heha** · 07-06-2010 01:00 PM

المشاركة الأصلية كتبت بواسطة shouk_1987

التريوس عربية شديدة طبعا وكويسة وكل حاجة
أنا أقصد بعلبة كبريت انها ضيقة كده و مش واخدة راحتها

وعلى العموم أنا ركبت الداستر فى المعرض و غيرت فكرتى عنها خالص

+++++++++++++++++++++++++++++++++++++1

قلت كده قالولى رأيك مجحف

**CryptonX** · 07-06-2010 01:08 PM

الانطباعات كانت متفارقة جدا ...

بس تقريبا معظم الناس الي سالوا على السعر اتخضوا ...

يعني الي ييجي .. " ايه القرق ده ! "

يجي واحد بعده على طول .. " الله ! تحفة ! جامد اوي .. بكام دي ؟ .... بـكــــــــام ؟ ليه ؟ مانوال ؟ ليه ... اه ... شكرا " .

**Hany Saad** · 07-06-2010 01:36 PM

تجربتى الشخصية مع الجراند تريوس مكنتش كويسه....طبعا أنا مسقتهاش كتير هى بتاعت زميلى فى الشركة ...العربية مشتراه زيرو و عامله 40000 كم فقط...تعليقاتى عليها و نفس تعليقاته هو كمان....العربية تقيلة جدا على الموتور اللى فيها (أنا بتكلم على الجراند تريوس ال7 راكب) و التجميع متأخر جدا لدرجة اللى راكب جنبى حس بيه لأنى كنت بحاول أأقرص على الموتور علشان تجمع فطبعا صوت الموتور كان بيعلى جدا و السحب مكنش على قد الصوت خالص مع العلم كنا أنا و هو فقط يعنى العربية مش محملة...
-الملاحظة التانية هى عدم راحة الركاب فى الكراسى الخلفية و معانتهم من مطبات الطريق طبعا بتكلم على السفر.
-الإتزان مكنش عالى على السرعات لكن ده متوقع بالنسبة لعربية عالية و أنا مش هعلق عليه.

أعتقد الجراند تريوس معقولة جوه البلد لكنها مش كويسة للسفر الكتير....طبعا دى إنطبعاتى الشخصية عليها و الكلام ده ملوش دعوة بالداستر خالص لكن حبيت أشارككم بتجربتى مع الجراند تريوس.