الموضوع: رايكم يهمني... هل تتفوق البورش علي اللانسر ؟؟؟

المشاركة الأصلية كتبت بواسطة nfs

الskyline عندك عامله ايه ؟!

القديمة مش موجودة تقريبا
و الgtr الجديدة اغلي من الكايين الجديدة ب 2000 دينار
بس خيار مستبعد عشان مليش في الكوبية

المشاركة الأصلية كتبت بواسطة ralliart

كده فهمت وجهة نظرك وعندك حق الاسعار هناك بتقع بمجرد نزول الشكل الجديد بس كان المفروض حضرتك فكرت في الخطوه دي قبل ما ينزل الموديل الجديد في الكويت ،واكيد كانت هتتباع اغلى
لو حضرتك مش من هواة التغيير ومبتزهقش من العربيه يبقى خليها واستمتع بيها
انما لو عارف انك هتزهق يبقى بيع دلوقتي قبل ما تزيد الخساير وان شاء الله مش هتندم على الايفو ولسه قدامها كتير على ما يغيرو شكلها واكيد هتستمتع بكل دوسة بنزين فيها (مش عارف ليه الناس هنا محسسني انها لانسر شارك )
عندي سؤال؟ هي عربية حضرتك 3600 سي سي ولا 4800 ؟؟

تمام يا زعيم
هو الشكل الجديد اللي سبب المعضله دي
انا مش من هواة التغيير و لا حاجة لكن ان صح و بدون تكلفة عالية يبقي ليه لا

انا معايا الكايين s يا زعيم الي هي 4800

المشاركة الأصلية كتبت بواسطة mhmdalsaadany

بورش ثم بورش
اعتقد استاذي لو حضرتك باصص لناحية الخساره المادية ولو قلت انك كمان سنتين زهقت من الميتسو و حبيت تبيع هتخسر اكيد مش اقل من 5000 دينار واعتقد برده لو جيت تبيع البورش كمان سنتين هتخسر تقريبا نفس الرقم مش اكتر وممكن اقل عشان الميتسو زيرو والكايين كدا كدا انت استعملتها والخساره في السنتين الجايين مش هتكون زي اللي فاتوا
تقبل مروري

ما هو اي عربية هجيبها بدل الكايين اكيد هخسر فيها لما ابيعها
بس السؤال مقدار الخسارة هيبقي اد ايه
معتقدش ان الايفو تخسر المبلغ الي انت قلت عليه ده لانها اولا مميزة هنا في الكويت عكس الكايين المرطرطة و ثانيا لانها ياباني و الياباني هنا سعر اعادة بيعة هايل و دايما ماسك تفسة

المشاركة الأصلية كتبت بواسطة dr.almaghraby

حاجة محيرة جدا....

بس اعتقد بورش لو معايا مش حفكر فاي حاجة

ما انا مش بفكر في حاجة تاني
انا بفكر في خسايري يس

المشاركة الأصلية كتبت بواسطة mgazaly

طيب ما تخليك فى ال offroad وشوف ال rang rover سبورت شبابى اهو واحسن off road فى العالم
ودة غير الشكل التحفة والامكانيات الخرافة ولما بيركبلها جنوط 22*
تبئتى تحفة وافتكر انت ملكش فى التعديل والحوارات دى
وربنا يوفئك
----------ب
بس لو واخد القرار متترددش كتير عشان ال8000 ها يبوئوااا اكتر لو اتأخرت اكتر من كدة

ههههه
راينج روفر ايه يا زعيم
دي بتخسر في سعرها قد الكايين مرتين و مشاكلها كتييييير
غير كده ركوبتها وحشة جدا جدا
اما لما ركبتها حسيت اني قاعد في تريلا
معليين الكرسي بشكل غير طبيعي و تبقي حاسس انك قاعد فوق العربية مش جواها
كمان نفس الحاجة هدفع فرق كبير عشان اجيبها و ساعتها الكايين الجديدة تبقي احسن بكتييير طبعا

المشاركة الأصلية كتبت بواسطة powerofhelll

ايفو طبعا طبعا طبعا

المشاركة الأصلية كتبت بواسطة clk_gtr

go for evooooooo

الله ينزر يا وحوش

المشاركة الأصلية كتبت بواسطة hmatchy

طب ايه رأيك تبعتلنا البورش هنا نأجرها اللفة ب20جنيه 6 شوهور بس و هبعتهالك و هبعتلك الفرق اللى تشترى بيه الجديدة
و لو ربنا كرمنا ممكن ابعتلك تمن الجديدة كلها وساعتها ابقى شوفنى انت بأى هدية على زوقك(
و لو تسمحلى احلم انك تجيبلى اودى rs4 هدية)
انا رأيى كمل و هات الجديدة انا اسمع ان التقسيط عندكوا سهل اوى لكن بصراحة انا موش بحب الايفو الشكل دا
رأى البورش

و الله فكرة
بس تفتكر بعد 6 شهور في مصر
العربية هيبقي فيها حاجة تتباع
ده و حالتها ممتازة جابتلي السعر ده اومال لما تشوف اهوال المحروسة هتجيبي كام
و احيك بشدة علي اختيارك لحلمك لانها من العربيات المفضلة عندي هي و اختها الكبيرة rs6
ربنا ينولهولك ان شاء الله

خليني بشوف موضوع الكايين الجديدة ده
الموضوع عايز دراسة جامدة

المشاركة الأصلية كتبت بواسطة hani945

أنا ليا رأى مختلف

حضرتك تحاول تبيع العربية بسعر كويس وتحاول على قد ما تقدر إن الخسارة فيها تكون قليلة
بس خلى بالك إن الشكل الجديد من الكايين حلو قوى بصراحة وخصوصا الدواخل بتعاتها
وتضغط على نفسك شوية وتجيب الشكل الجديد منها ( لو الحالة المادية تسمح ) .
لكن لو هتفكر فى مكسب وخسارة

إنت كده كده هتخسر لو جيت تبيع اللانسر تانى وتجيب حاجة غيرها وتلاقى نفسك بتنزل فى مستوى السيارة من 4×4 إلى لانسر إيفو وبعد فترة هتبيعها وتخسر فيها برضه وتجيب حاجة أقل شوية , وهكذا .

إنت بس مركز فى تمن العربية الكايين اللى حضرتك اشتريتها وعاوز تبيعها قبل ما تخسر اكتر وتجيب عربية تانية وتكون كمان وفرت حوالى 2000 دينار ، المشكلة فى إنك علشان تفضل فى نفس مستوى هذا النوع من السيارات هتصرف كتير يعنى مثلاً انت ممكن تبيع العربية الكايين اللى معاك بس بلاش تبيعها فى التوكيل وشوف حد يشتريها علشان الخسارة تقل شوية واعتبرها بدل استهلاك للسيارة ، وتحاول تكمل وتجيب كايين تانى بس الشكل الجديد .

لإنى بصراحة مش مقتنع إنك لما تنزل من الكايين وتركب لانسر هتلاقى نفس الفخامة ، ودى لها تمنها .

وربنا يوفقك فى اختيارك

و الله يا زعيم انا بفكر في موضوع الكايين الجديدة من ساعة ما نزلت
بس حاليا صعب ادفع المبلغ المطلوب مني كفرق ممكن قدام شوية بس ساعتها مش ضامن عربيتي تجيبلي كام

زي ما وضحت اللانسر مش هتخسر كتير كونها مميزة و ياباني و ده سبب كافي انها تمسك سعرها هنا في الكويت

و علي فكرة الكايين فخمة اي نعم بس مش نمستوي فخامة اقرانها لانها توجها رياضي اكتر
يعني ال x5 و ال q7 و حتي الراينج روفر يتفوقوا عليها في الفخامة لكن مش في الاداء و اسلوب القيادة
يعني مش هخسر كتير في موضوع الفخامة ده لو ركبت الايفو