الموضوع: رايكم يهمني... هل تتفوق البورش علي اللانسر ؟؟؟

المشاركة الأصلية كتبت بواسطة shaddadfalcon1

انا بقول ايفو
اسرع من اسرع حاجه في الكايين وشكلها رياضي وحلو و 4*4 بس طبعا مش هتبقي ملائمه لو بتحب ال offroad
ده غير استهلاك البنزين (معرفش دي مشكله هناك ولا مش هتفرق)
ده غير طبعا انك لو حبيت تنزلها مصر وتجمركها هتبقي اقل بكتيييييييييييييييييييير من البورش عشان موتورها الصغير

ممكن تبص برده علي ال tunned version من الايفو زي ال fq300 , fq330 , fq360, fq400 الرقم بيمثل الهورس باور
الأخيره 400 دي بتجيب ال 100 في 3.8 يعني فيراري ياباشا بس مش عارف موجوده عندك ولا لآ وسعرها ايه

عارف الكلام ده كله يا باشا
ما هو عشان كده لفتت نظري خصوصا ان سعرها معقول
للاسف هنا مفيش الا النسخة الستوك ام 290 حصان بس مجال التعديل مفتوح هنا
انا كان في واحد معايا في الجيم معاه ايفو 7 معدلها ل 800 حصان
كان عليها صوت اوفففففففففف

المشاركة الأصلية كتبت بواسطة khaled_rafea

عمى الحاج حورس, الواحد احتار والله, تصدق لو معايا فلوس و العربيات مش غالية اوى كنت جبت كل انواع العربيات اللى اققدر اجيبها( نوع من انواع الهوس), انا عاوز اققول لحضرتك ان كل عربية ليها طعم و ليها جمال خاص بيها, هات الايفو و خلى الكايين, وسيبك من موضوع الخسارة, دى عربيتك حبيبتك, هى زعلتك فى حاجة لا سمح الله

المشاركة الأصلية كتبت بواسطة shaddadfalcon1

+11111111111111
لو معايا فلوس هو ده اللي هعمله بالظبط وده اللي نفسي فيه
عربيه suv لزوم ال offroad والطرق الوحشه وعربيه سيدان لزوم البرسيتج والعمليه وعربيه كوبيه سربعه لزوم الروشنه والأدرينالين

كلنا هذا الرجل
انا حتي عامل شيت اكسل من اكتر من 7 سنين كاتب فيها العربيات اللي نفسي اجيبها لو بقيت ملياردير
و بعدلها كل سنه
مجنون بقي تقول ايه

المشاركة الأصلية كتبت بواسطة newuser2009

خد الميتسوبيشي بتاعتي و هات البورش
وامري لله و مش هاتدفع فرق كبير

ما هو مش اي ميتسو يا زعيم
عموما عربيتي متغلاش عليك

المشاركة الأصلية كتبت بواسطة hamadahosni

بعد 5 صفحات في الموضوع ده
إكتشفت أنه فعلا موضوع و مناقشة بجد
أنا اول ما قريت العنوان افتكرته هزار
مكنتش متخيل ان الواحد ممكن يقارن بين بورشه و ميتسوبيشي أيا كان الموديل
دي مستوى و دي مستوى تاني خالص من العربيات

كده يبقي انا احسنت اختيار العنوان ههههه
بش معرفتش رايك برضة

المشاركة الأصلية كتبت بواسطة semsem kane

طيب ماتجيب bmw x6 اعتقد هتبقى ارخص من الكايين شوية يعنى ممكن تعملها 18 الف دينار وسيارة 4.4 لتر قوة 407 حصان واتنين تيربو تشارج وشكل افضل من الكايين ورياضية وجيب وكل حاجة موجودة فيها دة اقتراحى

وبالنسبة للايفو فهية طبعا سيارة جميلة وقدراتها عالية اوى بس يعيبها استهلاك البنزين الخرافى يمكن اعلى من استهلاك الكايين دة غير طبعا فرق الفخامة والرفاهية لصالح الكايين وكمان المساحات الداخلية وماتنساش انك اصلا الايفو يدوبك على قد الواحد
لكن فى مقابل ذلك الايفو تتمتع بروح رياضية اكتر شكل شبابى ثبات اعلى

وانا من رائى خليك فى الكايين وشوف بردة سعر البى ام x6 والاودى q7 ممتازة ممتازة ممتاة بتعمل عندكوا 14000 دينار تقريبا

ال x6 المستعمل اغلي من الكايين المستعمل عشان التيربو
ازاي معرفش رغم كل عيوب التيربو في الجو الجهنمي اللي هنا ده

الايفو 2000 سي سي يعني اكيد اكيد مش هتاخد بنزين زي الكايين ام 4800 سي سي حتي بالتيربو

و زي ما قلت الكايين مش بالفخامه الكبيرة اللي هحس بيها اني نزلت جامد لانها الي حد ما مركزة في البعد الرياضي بالنسبة للمساحات معتقدش هتفرق قوي الا في الشنطة

ال x6 و ال q7 مستبعدين عشان سعرهم و عشان انا مش هبيع عربيتي عشان اجيب مستعمل
اذا كدا عربيتي اولي و احسن

المشاركة الأصلية كتبت بواسطة أحمد كمال

مع كامل احترامي ليك

حضرتك بتتكلم جد و لا بتهزر؟

بكلم جد و الله
بس الموضوع كله عبارة عن فكرة مجنونة و بشوف رده فعل الناس
لغاية دلوقتي مخدتش اي خطوات