اقتباس المشاركة الأصلية كتبت بواسطة أبومريم مشاهدة المشاركة
انا رأيي تبيع العربية البيرسونا لأني مشفتش عربية بروتون فيها كل المشاكل اللي حصلت في عربيتك دي
اقتباس المشاركة الأصلية كتبت بواسطة magedomran مشاهدة المشاركة
انا معايا برسونا 2009 اتوماتيك ومش ندمان ابدا على قرار شرائى ليها
بحس انى راكب عربيه مميزة جدا مقارنه طبعا بالفئه السعريه
اقتباس المشاركة الأصلية كتبت بواسطة mido_soliman مشاهدة المشاركة
+111111111111111
على فكره يا جماعه انا بردو مستغرب المشاكل اللى بتحصلى فى عربيتى وكنت فاكرها مشاكل فرديه لكن بمتابعتى للمنتدى وتقارير الملاك لقيتنى مش لوحدى اللى حصلى المشاكل دى
يعنى علبة الدريكسيون وصفافير التيل والكلوك اسبرينغ وتكتكة العفشه ظهرت مع ناس غيرى كتيييير (ومش لازم تظهر معاكو عشان تعترفو بوجودها )
والمشاكل الفرديه زى السينتر وزجاج الكهربا ... الخ اعتقد بتحصل بردو فى بروتون مع ناس

وطبعا مش لازم عشان انا فى قسم بروتون اقول دى احسن عربيه فى الدنيا
ومش لازم لما اقول حصلى فيها مشاكل تعارضونى وتقولولى بيعها ولا ايه !!

وبردو كل ده مايمنعش ان العربيه فيها مميزات كتير مغطيه على العيوب ومخليانى مش ندمان خالص وباستحمل العيوب فى مقابل ركوبتها الروعه وسعرها القليل
لكن فى رأيى كجوده وقلة مشاكل الصنى تكسب طبعا وده ( رأيى )

وياريت محدش يزعل منى ولا يتضايق من كلامى