حوارات الأطباء والمرضى

**Fouad Ezz** · 13-06-2010 08:49 PM

كل الناس بتفتي فيما لا تعرف
كلة عامل نفسة بيفهم فى كلة
وبعض الدكاترة لما واحد بيسألهم للإستفسار والفهم ... بيفتى هو كمان ...
أيام الوالد الله يرحمة كان فى دكتورفى المستشفى بيكشف علية ... إديتة التحاليل والإشاعات السابقة وحكيتلة تاريخة المرضى وكان باخذ أدوية إية فقالي يعنى عندة نقص مناعة فى المسالك البولية!!!!!

**Dr Ahmed** · 18-06-2010 04:48 PM

المشاركة الأصلية كتبت بواسطة fouad ezz

وبعض الدكاترة لما واحد بيسألهم للإستفسار والفهم ... بيفتى هو كمان ...
أيام الوالد الله يرحمة كان فى دكتورفى المستشفى بيكشف علية ... إديتة التحاليل والإشاعات السابقة وحكيتلة تاريخة المرضى وكان باخذ أدوية إية فقالي يعنى عندة نقص مناعة فى المسالك البولية!!!!!

فكرتنى بدكتور امتياز قعد مكان أخصائى الجلدية فى عيادة مستوصف وجاله مريض وبعد الكشف قال للمريض: عندك نقص فى الجلد
المريض مقتنعش وقال حاجة تعيب فى الدكتور
الامتياز قال له ايه ده انت فاكرنى سباك ؟ أنا أستاذ فى الجلدية

والعهدة على الراوى

نقص فى الجلد
زى فشل جلدى كده

**Fouad Ezz** · 18-06-2010 09:23 PM

المشاركة الأصلية كتبت بواسطة Dr Ahmed

فكرتنى بدكتور امتياز قعد مكان أخصائى الجلدية فى عيادة مستوصف وجاله مريض وبعد الكشف قال للمريض: عندك نقص فى الجلد
المريض مقتنعش وقال حاجة تعيب فى الدكتور
الامتياز قال له ايه ده انت فاكرنى سباك ؟ أنا أستاذ فى الجلدية

والعهدة على الراوى

نقص فى الجلد
زى فشل جلدى كده

والله يادكتور أحمد ... مع إحترامى لكل الدكاترة ... لكن أنا و أخوتى شوفنا الأمرين من بعض الدكاترة والمستشفيات على مدار عام كامل لما الوالد تعب ولغاية ما توفى (الله يرحمه) ...
إللى لاحظتة فى معظم الدكاترة إنهم مش بيحبوا يناقشوك أو يوضحولك حاجة ... حاسين إنك مستحيل تفهم إللى همه بيعملوة ..
لكن فى مرة (ولإن الحمد الله الإنجليزى تخصصى فبكون فاهم بعض اللى بيقولوه الدكاترة) أنقذت والدى من تسرع وسوء فهم ...
كان الوالد عامل عملية بتر أجزاء من الزراعين علشان حصله cellular infection بسبب كالونة الحقن فى المستشفى ... وجاء دكتور إستشارى علشان يبص على الجرح ومعاة مجموعة طلبة ... بص على الجرح لمدة 10 ثوان ... وبعدين بدأ يكلم الطلبة ويقولهم فيما معناه إن البتر ده بسبب مرض السكر ... فإستأذنت إنى أقاطعة ووضحت له إن السبب الرئيسى هو إلتهاب خلوى بسبب تلوث من المستشفى وإن السكر عند والدى مش حالتة متأخرة أوي وإن هنا أساسا بيتعالج من نقص المناعة ... فبصلي بإشمئزاز جدا ... كأنى كنت بخرف ... وبعدين نادى على الدكتور المتابع للحالة وقالة برضوا بالإنجليزى ... " هو البتر ده بسبب إلتهاب خلوى؟" قاله "أة" قالة "ومين إلى أجرى الجراحة دى! إزاي مانضفش الجرح للأخر ... فيه لسة بعض الخلايا المصابة ... النهاردة يتزل العمليات ويتشال الجزء الباقى دة؟" ............ الله يرحمه ... إتعذب كتير قبل ما يموت ربنا يجعله له فى ميزان حسناتة.

**Dr Ahmed** · 18-06-2010 09:32 PM

المشاركة الأصلية كتبت بواسطة fouad ezz

والله يادكتور أحمد ... مع إحترامى لكل الدكاترة ... لكن أنا و أخوتى شوفنا الأمرين من بعض الدكاترة والمستشفيات على مدار عام كامل لما الوالد تعب ولغاية ما توفى (الله يرحمه) ....

ربنا يرحمه ويرفع درجاته

أنامتفق معك تماما بصفتى فى الوسط وبصفتى مرافق لوالدى الله يرحمه فى غسيل الكلى لسنتين تقريبا شفت خلالها أفظع درجات الهبل والإهمال لحالة والد طبيب يعتبر مش صغير على الأقل

وأوافقك جدا إن مقابلة طبيب أمين على الحالة وشاطر فى نفس الوقت بقت شئ بعتبره نادر

**ahmed4000** · 18-06-2010 09:45 PM

المشاركة الأصلية كتبت بواسطة dr ahmed

ربنا يرحمه ويرفع درجاته

أنامتفق معك تماما بصفتى فى الوسط وبصفتى مرافق لوالدى الله يرحمه فى غسيل الكلى لسنتين تقريبا شفت خلالها أفظع درجات الهبل والإهمال لحالة والد طبيب يعتبر مش صغير على الأقل

وأوافقك جدا إن مقابلة طبيب أمين على الحالة وشاطر فى نفس الوقت بقت شئ بعتبره نادر

وانا احييك يا دكتور على انك مدافعتش عن مجالك - زى مغالبية الناس بتعمل- واصررت على ان كل الدكاترة بيفهموا ماعدا قلة وان المشكلة فى العينانين

..وللاسف هو ده اللى ببيخلى الناس بقم يناقشوا ويجادلوا الدكاترة لانهم بيبقوا خايفين او للاسف راحوا لدكتور تانى وقالهم كلام مختلف

انا ابنى جلتله حالة بربشة فى العين لقيت على خمس دكاترة فى العيون مش اقل من استاذ دكتور ورئيس قسم فى جامعة مش عارف ايه

ولا واحد فيهم قال نفس التشخيص التانى

ولا اشتركوا فى اعطاء قطرة واحدة حتى!!!!

وللاسف ولا واحد فيهم علاجه جاب نتيجة رغم التزامانا التام بالتعليمات

فاخر واحد قال كلام اتقال قبل كده بقطرة مختلفة فرديت عليه بوقعدت اجادل قام اتخانق معايا وقالى خد فلوسك!!!!!

فاعذروا المريض لما يقاوح

او قلوله على الاقل يعمل ايه وهو محطوط فى خانة اليك...لا هو فاهم حاجة ولا عارف يحدد الدكتور اللى فاهم من اللى مش فاهم

**Dr Ahmed** · 18-06-2010 09:53 PM

المشاركة الأصلية كتبت بواسطة ahmed4000

وانا احييك يا دكتور على انك مدافعتش عن مجالك - زى مغالبية الناس بتعمل- واصررت على ان كل الدكاترة بيفهموا ماعدا قلة وان المشكلة فى العينانين

الله يكرمك
الأطباء جزء من نسيج المجتمع
ونسيج المجتمع خَرَط على الكل
ومافيش فئة متميزة عن غيرها فى الجودة
المجتمع كله يحوى نفس النسب فى كل الفئات
فنسبة الأطباء الممتازين هى هى نسبة المدرسين الممتازين والمهندسين الممتازين والصنايعية الممتازين والشيوخ الممتازين ولعيبة الكورة الممتازين