الموضوع: ارجو الافادة فى حرق البوجيهات

ناس بتفتي؟؟!!!
مش فاهم ليه واحد بيقول رأيه تعتبره بيفتي؟
على كل شكراً.

على فكرة أنا عربيتى كان فيها نفس العيب والبوجيهات مهببه فى يوم واحد استعمال وذهبت لمختص الكاربراتير عمل أكس وباب والعيب اتمنع والعربية اتظبتط.
وإن لم تكن قد تصرفت فهناك بتاع كربراتي فى شبرا واحد أصلى والآخر نصاب يدعى أنه الأصلى -ولا أستطيع التمييز بينهما - وهناك واحد فى شارع الطيار فكرى بامبابة عند سور مدرسة المنار .

شكرا على رد سيادتك بس الراجل الموجود فى امبابة فين بالضبط لان انا ساكن فى شارع القومية فهو يعتبر قريب منى جدا ارجوا الرد علية بسرعة وهل ادية نظيفة ولو لية رقم تليفون يبقى كتر خيرك
وشكرا

آسف على التأخير ...
الراجل بتاع امبابة هوالحقيقة أنا رحت له على الوصف هو فى شارع اسمه شارع (الطيار فكرى) ولما سألت على الشارع من ناحية مستشفى الصدر أو مستشفى الحميات تقريباً وكان بجوار سور مدرسة اسمها المنار فى شارع جانبى وللأسف ليس معى موبايله لكن المحل معروف جداً لو وصلت لشارع الطيار فكرى اسأل فين محل الكربيترات اللى فى الطيار فكرى وتقريباً على ما أذكر المحل باسم الحاج ابراهيم حنفىوانت من امبابة أصلاً وضرورى تعرفها اكتر مننا، وأنا لما سألت عن الشارع لقيت ناس كتير عارفاه . وهو محل صغير وبه عدد كبير من العمال ولابد أن تذهب له مبكرا قبل 10صباحا وهما كويسين لكن بياخدوا وقت طويل لو هيعمل أكس وباب لأنه بيودى الكربيراتيرات كلها لخراط ويرجعها آخر النهار مجمعة يعنى تتفرع له يوم تودى العربية وتتركها وترجعلة آخر النهار لووجد فيها عيب أكس وباب . وممكن لوعيب بسيط يعمله على طول .

اول حاجه يا مان قوللي الدخنه اللي في العادم لونها ايه ؟ عشان نعرف ده زيت ولا بنزين ني ولا ايه .
في حاجه تانيه هسألك عليها .. هل العربيه بتغيب معاك في الدواره الصبح في البرد ولا لأ؟ عشان في مشاكل مشابهه لبتاعتك و كانت بتتضمن ان العربيه بتغيب في دوارة الصبح .
فارجو الرد عشان اقدر اساعدك