ارجو الافادة فى حرق البوجيهات

**magedm2007** · 09-02-2008 09:27 AM

صباح الفل
ارجوا الافادة انا عندى سيارة 127 82 2 باب والحكاية تبدا من حوالى 5 ايام كانت عمالة تقطع وكأنى راكب حنطور ومش بتمشى على بعضها وكل نقلة تلاقيها مخنوقة وتجرى شوية وتبى مخنوقة فقلت اكيد البوجيهات مش مضبوطة فرحت عند الميكانيكى وقالى ان البوجيهات محروقة
وعليها كربون من الكربراتير لان الكربراتير غير مضبوط فغيرت طقم الكهرباء بالكامل ابلاتين وكوندنسر وطقم بوجيهات نوعة بوسنة سن طويل
وبعد كدة مشيت كويس وركنتها وفى اليوم التالى رجعت العربية تقطع ومشيها غير مضبوط فرحت عند الميكانيكى تانى فخرج البوجيهات فلقاها محروقة وعليها كربون فنظفها بفرشة وارجوا الرد على اسألتى ضرورى :-

1-هل نوع البوجيهات سىء عشان كدة بيتحرق بسرعة ؟
2- هل اغير الكربراتير بكربراتير استيراد ولا اضبتة عند الراجل بتاع الكربراتير الموجود فى شبرا واركبلة اكس وباب وهل هيعيش ولا اشترى واحد استيراد احسن ؟

3- هل الهباب الموجود على البوجيهات من الموتور لان الميكانيكى بيقول لى الموتور خفيف ؟

4- انا عندى ريحة عادم جمدة جدا بتخش فى الصالون هل من الكربراتير ولا من الشكمان مع العلم انا لسة مغير شكمان كامل استثمارى
من كام شهر ؟

ارجوا الافادة سريعا لتحديد مصير العربية
وشكرا

**magedm2007** · 09-02-2008 02:04 PM

10 دخلوا ومفيش حد رد

**magedm2007** · 10-02-2008 07:38 AM

بصراحة انا اول مرة محدش يرد علية من جهابزة المنتدى وعلى العموم شكررررررررررررا على عدم الرد

**ahmedfd** · 10-02-2008 08:05 AM

يا سيدي بس من غير زق... :)
الحقيقية أنا من الناس اللي نادراً ما تفتح النت أيام الجمعة و السبت و كمان الناس كانت مشغواة بالماتش و على كل تقبل إعتذاري و كمان بالنيابة عن جميع الزملاء.
المهم يا سيدي طبقاً لكلامك أعتقد إن المشكلة طبعاً في حرق الموتور عندك غير مظبوط خالص و الكربراتير شكله تعبان بس أشك برضه إن الموتور بيعرق زيت و هوة دة اللي بيفصل البوجيهات إن مهما لإن مهما كان الحرق غير مظبوط فمش منطقي إنه يلحق يكون كربون على الوبجيه لدرجة إنه يفصل في يوم واحد بس !!!!
لكن لو الموتور تعبان ممكن تحصل من أول قرصة على العربية البوجيه يفصل فوراً.
ممكن تروج لميكانيكي كويس و يشوف البوجيهات معرقة زيت و لا لأ و لو فعلاً معرقة زيت ممكن تركب بوجيهات سن قصير أو تركب كرسي للبوجيه اللي بيعرثق و ده حل مؤقت يمشيك شوية بدون مشاكل.
و إن شاء الله الزملاء الأكثر دراية مني المواضيع دي ممكن كمان يفيدوك أحسن مني.

**magedm2007** · 10-02-2008 08:45 AM

شكراااااااا يا احمد باشا على الرد

**tutankhamoun** · 10-02-2008 08:47 AM

المشاركة الأصلية كتبت بواسطة magedm2007

10 دخلوا ومفيش حد رد

كل الناس اللي دخلت و مردتش على حضرتك متعرفش الأجابة أو الحل للمشكلة
مش عارف ليه الناس بتزعل أيو لما محدش يرد بسرعة ؟؟؟؟؟؟؟؟
طبعا لأنها مش عارفة الاجابة
و إن شاء الله حد يكون عارف حل لمشكلتك و يكتب رد يريح حضرتك
و شكرا للأستاذ Ahmedfd
لأنه أجابك بما يعرف
و شكرا و أرجوا أن لا تتسرع في الحكم على الناس

**magedm2007** · 10-02-2008 09:03 AM

يباشا انا زعلان عشان انا بستفيد جدا من كلام سيادتكم وبكون مستعجل عشان الميكانيكى بيكون مستنى ردى هل يغير كذا ولا لا وبصراحة انا مش عايز الميكانيكى يشتغلنى وشكرا

**Karim_Monir** · 10-02-2008 11:03 AM

انا انا لو دخلت رديت ومعرفش يعني ايه بوجيه وبيعمل ايه في الموتور
وقعدت افتيلك هاتاخد كلامي ثقة
80% من اللي بيدخلوا عندنا هنا بيكونوا زيك محتاجين اجابة
10 دي نسبة قليلة قوي
قول 100 طيب

**magedm2007** · 10-02-2008 11:50 AM

كتر خيرك ياباشا على الرد وشكررررررررررررا

الموضوع: ارجو الافادة فى حرق البوجيهات

LinkBack

أدوات الموضوع

عرض

-

-

المواضيع المتشابهه

ارجو ارجو ارجو الافادة التكييييييييف مجننى الجزء 2

ارجو ارجو ارجو الافادة التكيييف مجننى الجزء2

ارجو المساعدة في البوجيهات

ارجو المساعدة في البوجيهات

بخصوص البوجيهات ....ارجو النصيحه

الكلمات الدلالية لهذا الموضوع

المفضلات

المفضلات

ضوابط المشاركة