أنا رأيي تقرأ الموضوع من الأول
أنا رأيي تقرأ الموضوع من الأول
انا لو اتجوزت :khd: يعنى شايف اوى انه كفايه ولدين او ثلاثه حتى علشان اقدر اوفرلهم كل احتياجاتهم ويتربوا تربيه صحيحه (مش الاقى فى البيت خمسه او سته وكل اللى اقدر عليه انى اقول لهم اسكتوا مش عاوز دوشه!!!!)
السلام عليكم
انا لي رأي في الموضوع دا يا جماعة وهو موضوعي أن في أمر غاب عن بعضكم وهو أن الله هو الذي يهب الأنسان الأولاد فيجعل من يشاء عقيما ويرزق من يشاء من الأولاد وبكدا الموضوع مقفول لا بختيارك ولا اختياري ولا اي انسان في هذا العالم يستطيع ان يحدد عدد اولاد قليل او كثير فلو نظرنا بعقلانية سنجد ان الامر كلة بيد الله . والموضوع مش محتاج كلام كتير راي طب او راي علماء .
وفي ناس كتير بتتحكم في نفسها وبتخلف وناس سايبا نفسها ومتخلفش والعكس .
وشكرا
انا العيلة عندي بتعاني مع الموضوع دة مع ابن خالتي
هو ملتزم دينا و مراتة نفس الكلام
مراتة مؤمنة بان تحديد النسل حرام
و النتيجة لحد دلوقتي 4 بنات الفرق بينهم لا يتعدي سنة او سنة و نصف يعني شوف مصاريفهم كام حاليا غير جهاز في المستقبل
يعني مصايب
و لسة مصممة تخلف تاني
يا جدعان اعقلوها احنا مش بنجيب عيال عشان نعذبهم
الاحسن يكون عندك و لدين او تلاتة بس موفر حياة كويسة يعني مثلا لكل واحد غرفة مستقلة بيه و مدرسة مستوي
او علي الاقل لما يجي يطلب منك فلوس م تبقاش محرج عشان مش قادر تدي لبقية اخواتة
العبرة مش بالكترة
انتو مش شايفين حال البلد احنا عددنا 80 مليون علي مساحة مليون كيلو متر مربع
واخدين بالكو من حجم المصيبة
دي غير الاسعار
ان لا مع تنظيم ولا تحديد ..
كل شخص حسب ظروفه الشخصية والمادية وامكانياته...
ليه اخلف 5 وانا مرتبي 400 جنيه مثلا !
ولو مرتبي كافى ليه اخلف 5 وانا مش فاضي لتربيتهم ولا مراتى فاضية لتربيتهم !
ليه اخلف 4 او 5 وانا ظروفى سيئة ومش ضامن لحد مستقبله !!
ليه اخلف 5 وانيمهم فى غرفة واحدة وادخلهم مدارس حكومية سيئة !!
انا ليا ناس قرايبي مثلا ..
خلفوا بنتين وقالوا كفاية كده علشان نربيهم احسن تربية ..
وفعلا ربوهم حلو وعيشوهم فى المناخ المناسب و طلعوهم زى ما كانوا عايزين .. بعد فترة ربنا رزقهم من واسعة وبقوا افضل من السابق بكتير فقرروا انهم ينجبوا طفل تانى وبعديه طفل تانى ... وبقى عندهم بنتين وولدين الفرق بينهم 10 سنين ( الفترة اللى تغير الحال فيها ) ...
ان شايف ان ده الصح .. كل شيء بارادة ربنا وبالتفكير السليم .
كل واحد يعيش على قد ظروفه وحاله وامكانياته ...
شكرااااا بشمهندس/ احمد باشا
طبعا انا مش هدخل فى الموضوع من ناحية الدين
لان كل دين له قدسيتة و احترامة التام و الكامل
فقط
انا بحكم انى دكتور فقط هتكلم من اتجاة علمى
الرجل قادر على الانجاب حتى سن الثمانون و ما فوق
المرأة قادرة على الانجاب حتى الخامسة و اربعون و احيانا اكتر شوية
تمام كدة ..........
يعنى لو فرضنا أمرأة تزوجت عند 25 سنة ودة اقل تقدير لان غالبا الزواج قبل هذا و خصوصا فى الصعيد حتى بلوغ 45 سنة
خلال هذة الفترة و هى عشرون عاااام او خمسة و عشرون
بدون أستخدام لأى وسيلة لمنع الحمل خلال كل هذة الفترة
ممكن تنجب الزوجة من 12-15 أبنأ
تخيلو أذن حجم المعاناة التى يعيشها رب هذة الاسرة و خصوصا الطبقة العااااااادية التى تمثل 95% من تعداد مصر
واحسب بقة يا معلم
تعليم ملبس شقة زواج و غيرررررررررررة .....ألخ:stink[1]::stink[1]::stink[1]:
وشكرااا لصاحب المشاركة الجميلة م/احمد
وشكراا للمشاركيين جميعا و جميع الاعضاء
تقبلوا كل حبى واحترامى وتقديرى لكم جميعا
انا رأيي ان موضوع تحديد النسل مهم
نظرا لظروف الحياه الماديه الصعبه
لكن الموضوع ده بتاع ربنا سبحانه وتعالى
يعني زمان هل كانوا بينظموا النسل ؟؟
هل كان في ادويه لتنظيم النسل ؟؟
معتقدش يعني
انما دلوقتي احنا امامنا فرصه اننا نقدر نحدد النسل
ونبني الحياه بشكل سليم وعلى قد الماديات
وكان الله بالسر عليم
مع العلم انة زمان كانت الحياة سهلة جداا و بسيطة للغاية
باقل شىء تاكل باقل شىء تسكن بادنى تكلفة تتزوج كان عزال العروسة لا يتعدى مايشبة صندوق كدة اسمها سحارة دة بمثابة الدولاب كدة لحفظ الاشياء الثمينة
اما الان الحياة عكس زمان صلبا و موضوعا تغيررررررررر 1360 درجة
شوف دلوقتى كم يكلف شاب مقبل على الزواج و اسالة تكلفة عزالة كام و قارن بالماضى
فى الماضى لا تليفون ولا موبايل و دش و لاكمبيوتر ولا انترنيت ولا عربية ولا ..ولا....
لالالالالالالالالالالالال الالالا فرق شاسع يا جماعة
دة حتة الشبكة فقط تغيرت عن الماضى
شبكة الايام دى بالشىء الفلانى
اللى زمان ممكن انها كانت تزوج شباب قرية بالكاااامل
ويجعلة عااااااامر
اللى بيقول سيبها الارزاق على الله و نعمة بالله بس حضرتك ممكن تقولى لما يمون واحد ومراته موظفين و مرتبهم مع بعض 1500 و مطلوب منهم انهم يدخلو عيالهم مدارس محترمة على الاقل زي ما هما دخلوا و المفروض انهم يتعملوا احسن منهم و يكون مصاريف المدرسة بس من غير كتب و لا لبس مدرسة 4500 يبقى حضرتك تعمل تنظيم للنسل و لا لأ و بعدين الست هتجيب صحة منين لاكتر من اتنين بنقول زمان كانت الست بتخلف 5 و 6 عيال بس كان زمان في خير في كل حاجة حتى الصحة دلوقتى 90% من البنات ما بين 20 سنة و 35 سنة بيعانوا من ضعف في عضلات الظهر دا بجانب ان الولادات دلوتى بقت قيصري و ما ادراك ما القيصرية من التعب و المصاريف بتاعت الولادة يا ناس التربية مبقتش بالساهل زي زمان شوف اولاد دلوقتى بيعملوا ايه تخيل لو طفل في سنة اولى ابتدائي يقول لواحدة زميلته في الفصل ما تيجي نتجوز عرفي
يبقى الرد ايه