التنظيم مفيش حد إعترض عليه بالمرة
حضرتك راجع الموضوع وركز هتلاقيه بيسأل عن تحديد النسل وليس تنظيم النسل
والفرق بين الكلمتين شاسع
الى كل اخوانى فى المنتدى
الحمد لله رزقنى الله بطفلين أجمل من بعض مروان وعبدالرحمن (لسه واصل من 3 أيام)
فعليا وبمنتهى السعادة انا عايش علشانهم / الحاجات الخاصة بيهم لها الاولوية الاولى وبعد كده تيجى الحاجات بتاعتى / ونتيجة طبيعية انى تقريبا اتنازلت عن 90% من الحاجات اللى بحلها علشان خاطر عيونهم
فى ناس بتقول ان الخلفة الكثيرة مش صح
اعتذر انى اقول لهم لوكده ممكن تقول لى لو واحد عنده اولاد كتيييييير وحصلت معاه مشكلة حد هايجرؤ انه يتكلم معاه (ايه الهبل ده)
فى ناس بتقول ان الهند من دول العالم الثالث / ممكن حد يكلمنى عن القوة العسكرية والاقتصادية الخاصة بالهند
ممكن حد يقول لى عدد سكان الولايات المتحدة الامريكية كام
كلنا طبعا عارفين مدى ضعف الصين وانها ليس لها اى تأثير اقتصادى على العالم كله وانه قوة عسكرية لاتأخذ فى الحسبان بالمره
الى كل اخوتى
والله والله والله
اذا كان عندى من الاموال ما استطيع به رعايتى اولادى والتأكد من انه فى حالة وفاتى انهم سيكونون فى حالة جيدة بفضل الله_ والله انا كنت خلفت على قد ماقدر
تخيلوا كده انك معاك فلوس تقدر تخلي بيها صحة مراتك فى احسن حال
وتخيل ان عندك عشرة من الاولاد صحتهم جيدة وتعليمهم جيد (مش العك اللى احنا اتعلمناه)
تخيل لما تكبر ويبق عندك عزوة من الاولاد(كلام قديم صح)
يا جماعة ربنا قال فى كتابة (المال والبنون زينة الحياة الدنيا) ربنا قال المال الاول وده شئ محبب لنفوسنا جميعا وبعدها قال البنون
الحمد لله على ما رزق لكن للأسف انا هاكتفى بالطفلين وده لحاجة واحده بس علشان الظروف المادية وهيه الحمد لله كويسه لكن مش بالدرجة اللى تخلينى احقق اللى فى نفسى
المستقبل بيد الله / والله اعلم بكره فيه ايه لكن فعلا ومش تريقة
فلوس + اولاد + تربية بقبضة من حديد = مستقبل سليم 100%
انا لسة ماوصلتش ل 18 سنة هههههههه بس ان شاء الله انا نفسى فى 3 اولاد او بنات او الاتنين مش مشكلة
الحقيقة أنا ضد تحديد النسل
قال رسول الله صلى الله عليه وسلم: (تناكحوا تكاثروا فأني مباه بكم الأمم يوم القيامة)
السنة في النكاح هي زيادة الموحدين الذين يقولون لا إله إلا الله
أما تحديد النسل فهو حرام شرعاً والجائز هو تنظيم النسل
فالكثير للأسف حجتهم قلة المال
((نحن نرزقهم وايـــــــــاكم ))
من يدري اليس من الممكن ان يرزقك الله عز وجل برزق هذا المولود
ولكن التنظيم هو الجائز والمطلوب
أولا : حتى تستعيد الأم صحتها وحيويتها من جديد
ثانيا : الاعتناء بكل طفل باهتمام على حدى
اشكر لكم طرح مثل هذا الموضوع
وتقبلوا تحيتي وفائق احترامي
انا بصراحة ما شوفتش رزق واسع بجد .... غير لما انجبت اولادي
........
الزيادة السكانية مش لازم تكون كارثة ومشكلة زي ما الاعلام بيحاول يوهمنا ...
ممكن برضة تكون خير للبلد
احنا بس الحكومة بتاعتنا مش عرفة توظف الأمكانيات الموجودة عندنا ...
عندنا موقع استراتيجي عالمي
عندنا مناخ معتدل طوال العام
عندنا شمس ورياح
عندنا نهر النيل اكبرانهار العالم
عندنا قناة السويس
عندنا بترول وغاز ومعادن كتييير
عندنا اكتر من 40% من آثار العالم
عندنا اكتر من 3000 كم شواطئ
عندنا شواطئ هي الاجمل في العالم سواء في الشمال او الشرق او سيناء
عندنا أخصب تربة في العالم في دلتا النيل
عندنا بحيرة ناصر السمك اللي فيها توحش من قلة الصيد
عندنا مليون كيلو متر مربع معظمها ارض مستوية و قابلة للاستصلاح
.....
وعلشان نستفيد بده كله ربنا هيئ لنا طاقة بشرية و عمالة في كافة المجالات
......
الثروة البشرية غير مستغلة في مصر .....
ده سوء تخطيط وادارة .... مش زيادة السكان بعبع بيهد كل اللي بيتبني ....لما نبني الاول نبقي نتكلم علي الهدد
....
ربنا اللي بيرزق ..... لكن التنظيم بين كل طفل وطفل مطلوب طبعا لترك فترة زمنية للأم لكت ترعى الطفل وتسترد قوتها قبل حمل جديد .... لكن التحديد ....لأ
عزيزى ابو مروان
أولاً - حمداَ لله على وصول عبد الرحمن
و عقبال متشيل ولاد ولادهم ان شاء الله.
ثانياً - بعيداً عن موضوع تحديد او تنظيم النسل الذى ارى انه موضوع عبثى و كل واحد فينا اللى فى دماغه فى دماغه.
اكتب اليك بخصوص المعادله التى تقول فيها
فلوس + اولاد + تربية بقبضة من حديد = مستقبل سليم 100%
أعتقد انك يا عزيزى مفرط فى التفاؤل فالمعادله بهذه الطريقه شديدة البساطه مؤكدة النتيجة !!
و لكن الحياه بعيدةً تماما عن اى بساطه و ليس هناك نتائج مؤكدة لسبب بسيط.
فالمعادله ينقصها عدد غير معروف من ( المجاهيل ) الأحداث المجهوله و التى لا يعلمها إلا الله.
و التى تؤثر على حياتنا بشدة و عنف وقد تعصف بها و قد لا تفعل و لكنها غالباً تفعل ( فقد تعودنا منها هذا ) فى حياتنا و حياة من سبقونا.
ثم من يضمن استمرار بنود المعادله ؟؟ حتى تتحقق النتيجه !
و من يضمن النتيجه ؟؟
الحياه وقت و مكان لا ثوابت و لا ضمانات فيهم ...
استاذ احمد ابراهيم
كلامك صحيح تماما
وليه ماخلفش تلاتة واربعة طالما ربنا مساعدني ماديا وعندي من الوقت والعلم والحزم اللي اقدر ابي بي جيل يساعد في التغير
مش جيل يقضيها قهاوي ويطلع مالوش اي هدف اطلاقا
انا لولا اني عندي هدف ماكنتش اتجوزت من اصلة
اهم حاجه احنا نعرف نربيهم كويسه
ربنا يكرمك يا ابو بيدو
وكمان لواتحلت مشكلة الزيادة السكانية .... ده مش ح يكون في مصلحة الحكومة ذان نفسيتها ....
لأنهم مش ح يلاقو شماعة يعلقو عليها فشلهم .....
....
حتى العيال عاوزين يحرمنا منهم .... يارب كمان عيلين تلاتة :ask:
اولا عشان نفسي فيهم
ثانيا عندا في الحكومة :36_6_3[1]:
آل وقفة مصرية آل ...... مش كفاية الشوارع كلها واقفة ؟؟؟؟
يا سيدى الوقفة دى مش لينا احنا ..
الوقفة دى للناس اللى فى الارياف والمحافظات التانية ..
وخصوصا الصعيد
الحملة دى كانت معمولة للقضاء على مفهوم العزوة ...
وللاسف النتيجة جت سلبية ..
الناس بتحب تستخدم احكام ربنا فى اللى هى عايزاه بس.
تلاقى الواحد بيقولك العيل بينزل ورزقه معاه .
طب كلام صحيح وزى الفل ..
لكن مش كل سنة نلقط عيل ونقول اصل رزقه معاه ..
مش اخلف 11 واحد على امل انهم يشرفونا فى كاس الامم وانا مش قادر اربي 2 على بعض ..
نحكم عقلنا نربي كلنا :k49: