+1000000000000000000000000
ليا تعليق صغير بس الا وهو ان الأتفاق على تنظيم النسل له شروط ليست برأي كل واحد يعني في حاجات معروفة زي الضرر الل بيقع على المرأة ولكن الضرر ده يحدده رجل علم وليس انا ولا انتاقتباس:
طيب الحمد لله
التنظيم هو استخدام وسائل تنظيم الاسره المتاحه حاليا باتفاق الزوجين لتأخير الحمل لفتره معينه يرتضيها الطرفين ويرون فيها ما يصلح شئون حياتها بمعنى انها مسأله جائزه يحق لكل منا استخدامه بما يحقق اهدافه ورؤيته وتخطيطه لشئون دنياه.
التحديد هو منع الانجاب نهائيا باستخدام التعقييم سواء للزوج او الزوجه بغرض عدم الانجاب نهائيا وهو ما استقر السلف والخلف على تحريمه
كده صح ؟؟؟
فكل واحد بيتفاوت فيما هو الضرر بالنسبة له
يعني المسألة برضه فيها ضوابط
والفيصل فيها سؤال اهل العلم في كل حاله
اي ليس انا الذي يحدد ما هو الضرر الا بعد سؤال رجل دين يعرف بتقوته وعلمه
طيب اسأل ازاي واقول ايه
وما هي الشروط
يا ريت تبقى واضحه عشان الل يقرا الموضوع يوصل لحاجه
لم انتبه لهذا الموضوع و المناقشة الحامية الا اليوم .. الحقيقة انا مستغرب من الذين يبحثون عن التعسير و ليس التيسير فى كل شئ مع ان الدين يسر لا عسر و الله يريد بنا يسرا لايريد بنا عسرا .. و الله رحمن رحيم و الله رحيم و عطوف بعباده .. مش عارف اذا كان واحد معندوش حتى الامكانية انه يلاقى شقة صغيرة و فيها اقل الاشتراطات الصحية ا و الادمية و ملايين تسكن المقابر و حتى مرتبات الحكومة لا تكفى الان الا لشراء عيش حاف .. انسوا الرعاية الصحية و المياة الملوثة و الهواء الملوث وعدم القدرة على الزواج اصلا لملايين الشباب .. و الشباب الذى ينتحر فى عرض البحر ليجد لنفسه قدم فى دول غير اسلامية نتهمما زورا بالتعصب ووصل الحال بشاب مصرى يتعلق بتجويف عجل طيارة رايحة باريس و فى درجات برودة مميته .. و شباب مصرى يذهب الى اعدائنا الذين قاتلونا فى حروب كثيرة و مستعدين للزواج من يهوديات عشان يطفشوا من مصر !!!ا و مفيش مدارس كافية للتعليم و الناس بتموت علشان مش لاقية علاج و شوارع مكتظة و سوف تتوقف حركة المرور تماما فى خلال سنوات قليلة ..الخ ... الخ ... الخ ... الخ .. مش عارف فى مصييبة ايه تانى علشان تقنعنا بتنظيم الاسرة فى بلد بيزيد مليون و ربع سنويا !!
و اللى رايح يدور على فتاوى من السعودية .. طيب ليه ؟ .. مفيش مشايخ فى مصر ؟؟ .. و الا السعوديين عقولهم فذة و احنا قاصرين ؟؟؟ ... و الله حرام يا ناس .. حرام يا مسلمين ... انا لو اسرائيلى اتمنى مصر توصل مليار نسمة عشان الناس تاكل فى بعض ..
و بعدين مين قال ان كثرة عدد السكان نعمة او قوة فى هذا الزمان كالعصور السابقة ؟؟!!.. الحروب الان كلها تكنولوجيا و بالازرار و بالليزر و ليس بالمواجهة بالسيوف !!
انا هنا باحييى بعض الاراء الواعية التى تدل على نضج و فهم مثل الاخوة Tao Tao - Migio 123 - Fiatmomo - حاتم سليم و المللك توت و طبعا السبع سبعاوى و اعذرونى لو نسيت حد ..
ما هو يا ميجو كل واحد له ظروفه
اولا لو على التنظيم بس وليس التحديد
فيوجد له اسباب وهيا
1- فترة الرضاعه للطفل وهيا السنتين
2- الأضرار بصحة الأم (( بس مثلا مينفعشي واحد تقولك اصل انا تخنت قوي او جسمي شكله بقه وحش وساعتها تنظم او توقف الأنجاب ده حاجه ومعنى الأضرار بصحتها حاجه تانيه ))) يعني الأضارا دي اللي يحددها الطبيب ان ده يضر ولا لأ
بصراحه لا اعلم بشئ اخر يسمح له بالتنظيم الا هذه الحالات ولم اسمع احد من المشايخ الكبار انه سمح لأحد بالتنظيم الا لهذين السببين فقط
اما غير ذلك من كلام في الرزق والمعيشه فنرجع تاني ندخل في مسالة ان الله الرازق وانه تعهد ان كل انسان بيولد برزقه وله رزق مقسم له
الفرق في اني انجب واتوكل على الله واني اتوقف عن الأنجاب
اني في الحاله الأولى بأجعل نفسي اداة لكي أثاب عليها
والحاله الثانيه اني اتجنب ما توعد به الله عزو وجل واخسر الثواب ولا اك اداة لكي ترزق الأمة بالخير
فأت لا تعلم الخير اين هل في ولادك الأتنين ولا الثالث منهم ولا الرابع منهم ولا منهم كلهم
انا بقى مع تحديد النسل
تحديده
يعنى لو انا رئيس الجمهوريه بدل ************
هاصدر قرار ديكتاتورى رقم واحد بتحديد عدد 2 طفل لكل اسره
والقرار رقم 2 هيكون بمنع الزواج الثانى الا بقرار من هيئه مختصه ولآسباب وجيهه
واللى مش عاجبه هيعاقب بخدمه عامه مثل محو امية الجهله أو كنس الشوارع 10 ساعات اسبوعيآ مدى الحياه
والقرار 3 هيكون بخصصة كل ماتملكه الدوله
------------------------------
تنبيه بعدم سباب الشخصيات العامة والرئيسية
الادارة4
أضحكتني يا سيادة الدكتاتور
"شعبي الحبيب الحبوب الجميل "
:D :D :D :D :D :D
أنا مش معاك في النقطة دي
اللي غني و قادر يخلف عيال و يربيهم صح ( بدل ما يرمي للشارع و يدوروا يشحتوا في اشارات المرور ) ماشي يخلف
إنما اللي مش قادر يصرف و يسيب العيال تترمي في الشارع بدون تعليم و بدون تربية و يصبحوا عالة على المجتمع بدل من أن يصبحوا أداة منتجة في المجتمع
هي دي الناس اللي الواحد مخنوق منها
يعني فقير كحيت و مش لاقي يأكل و برضه يزرب اد عشرة أو أقل قليلا أو أكثر قليلا و في النهاية تلاقيهم خارجين في الشارع و في اشارات المرور يشحتوا أو يسرقوا العربيات أو يدمروا المجتمع بأي طريقة
و زي ما قال سبعاوي
اللي ما يشوفش من الغربال يبقى أعمى
يا جدعان مش بالنسل
مهي الهند و الصين اهم كتير المفروض بقى يحصل عندهم مجاعه
و محدش يقولي عندهم مصادر دخل
احنا كان عندنا كتير
ربنا يلعن ابو الثوره على يوم ما جاتنا
المشكله فالحكومه اللي بتسرقنا
و الرؤساء اللي قاعدين فوق مش داريين
و الشعب اللي بقى عامل زي الغنم عايز حد يحركه
ياجدعان
عليكم انفسكم و سنه المصطفى و بس
اتعلموا معنا التوكل على الله و العمل الجاد لله بنيه صالحه
الصين حجمها مثل مصر 9 مرات و نصف
و ليس لديهم صحراء
ومع ذلك الشعب الصيني يعيش جزء كبير منه فقير و يهرب إلى أوروبا و الولايات المتحدة .......... و يبيعون أولادهم
أما الهند فهي في مثل حجم مصر بثلاثة مرات و يزيد قليلا
و أغلب الشعب الهندي فقير جدااااااااااااااااااااااا ااااااااااااااااااااااا
يجد لقمة عيشه بالكاد
................. مما يدل على أن العدد الكثير مأثر عليهم اقتصاديا
اخ تووت
شوف نسبه الاراضي الزراعيه المصريه عام 1950 كام
و نسبه الاراضي الزراعيه 2006 كام
الهجره الى المدن و تحديدا القاهره و الجيزه و الاسكندريه
بالبلدي كده هي ديه السبب في اللي احنا فيه
طول عمر و انا صغير كنت ببص للفلاح على انه حاجه كبيره
دلوقتي الفلاح بيتفرج على الدش و يسهر و عايش حياته
و حتى اللي منهم بيشتغل بيتكسف من مهنته
و منهم الكثير جدا اللي بينزل القاهره بدون عمل
و يعمل اما فواعلي او سواق ميكروباص
لدرجه على سبيل المثال اصبحت اثتثقل اهل الفيوم لعلمي ان اكثر من 80% من سواقين الميكروباصات منهم
لما لم يخدمونا و يخدموا انفسهم و يزرعوا و في هذه الحاله هيزودوا دخلهم و داخلنا و يقللوا التلوث
يا جماعه الخير
ليس الخطا فالكم
الخطأ فالكيف
علينا اعاده تخطييط هذا والله ما ينقصنا
كلا يعمل لذاته لا للبلد التي يحيى فيها
طب انت تقدر النهارده .... تقولي سنتين لكل طفل يعني لو واحده اجوزت 25 سنه وقدرت اخلف لغايه ال 50 يعني 25 سنه حمل ورضاعه :) يبقى 12 طفلاقتباس:
اولا لو على التنظيم بس وليس التحديد
فيوجد له اسباب وهيا
1- فترة الرضاعه للطفل وهيا السنتين
2- الأضرار بصحة الأم (( بس مثلا مينفعشي واحد تقولك اصل انا تخنت قوي او جسمي شكله بقه وحش وساعتها تنظم او توقف الأنجاب ده حاجه ومعنى الأضرار بصحتها حاجه تانيه ))) يعني الأضارا دي اللي يحددها الطبيب ان ده يضر ولا لأ
بصراحه لا اعلم بشئ اخر يسمح له بالتنظيم الا هذه الحالات ولم اسمع احد من المشايخ الكبار انه سمح لأحد بالتنظيم الا لهذين السببين فقط
مش ها اتكلم في موضوع المصاريف والعلاج والتعليم والشقق واللبس والادويه وووو لأن الارزاق بيد الله وكلنا نعترف بذلك... ممكن اصحى الصبح الاقي نفسي بدل ما انا موظف مطحون الاقي نفسي بقيت صاحب شركه أو توكيل عربيات صيني واجيب فيلا و املاها عيال .........
انا بس سبق واكلمت في نقطه مهمه جدا .... انا بالرغم انك بتعلق على كل حاجه ما تجاهلتها تماما (هتجيب وقت منين تربي العيال دي) وهل الخوف على الصحه النفسيه للاطفال وللام لافتقادهم لادنى درجات الاهتمام والرعايه والحنان لا يمكن اعتباره خطر يستوجب تنظيم النسل
متهيالي يا ميجو الوقت بتاع زمان هو نفس وقت دلوقتي
وصدقني أقسملك بالله انا اعرف ناس كان بيتقالهم كدا كل ما يجي يخلفوا انهم يوقفوا علشان المصاريف
وهما متوكلين على الله وبيخلفوا عارف فضلوا كده وكان الدخل بتاعهم يعتبر ضعيف جدا
والله ثم والله دلوقتي اصحبا توكيلات وسلسلة محلات ووظيفه كمان في شركات البترول في اكتر من كده
المسالة ان في حاجات ضايعه مننا زي البركه كده
كلمة البركه دي احنا لا نؤخذها بيقين وللأسف كل حاجه حوليا بدل ان اللي احنا فيه محق للبركه
طيب انا مش معترضاقتباس:
متوكلين على الله وبيخلفوا عارف فضلوا كده وكان الدخل بتاعهم يعتبر ضعيف جدا
والله ثم والله دلوقتي اصحبا توكيلات وسلسلة محلات ووظيفه كمان في شركات البترول في اكتر من كده
وانا قلت الكلام ده ممكن قوي يحصل
بس برضه انت مجاوبش على سؤالي
هل كثرة عدد الاطفال بشكل مبالغ فيه يضر بالصحه النفسيه للاسره كلها
واذا كانت الاجابه بنعم
فهل هو من شروط اجازة التنظيم (وفقا لرأي السلف )
لان الفتوى الصادره من دار الافتاء لم تحدد ايه شروط وتركت الامر لاتفاق الطرفيين ورؤيتهم
اخيرا لقيت حد قريب مني فوجهه النظر
ايوه يا ميجو معاك ولكن مش للطرفين براحتهم يعني كل واحد شايف ان كده احسن ممكن ده يكون ضعف في داخله من ايمانياته
يعني المسألة مش بتيجي كده برضه
يعني الاضرار دي تبقى لا يوجد مجال للشك في حدوثها وليس حاله
يعني مثلا مسألة الرزق ربنا امرنا بالسعي في الأرض
اما موضوع ضرر الصحه فأنت أكيد مش هتقف امام القطار وتقول ربنا هيساعدني
يعني مسألة الرزق لها حلول وليس كالأضرار الجسمية
+10000000000000000000000000000000000000
+++++ 100000000000
?????!!!!!!!!!!
عندى سؤال ؟؟
لو واحد اتجوز واحدة عندها 20 سنة ... ونظمو الاسره بحيث ان مابين كل طفل والتانى سنتين و9 شهور حمل يعنى نقول تلات سنين ونقول ان عندها القدرة على الانجاب لحد سن 38 ( وان كان الطب بيقول لما فوق سن الاربعين ) يعنى كدة حيخلفو 6 او 7 ... + الاب والام يعنى 8 او 9افراد ؟
ده لو شقه تلات حجرات وحمامين ... مش حتكفيهم ؟
حنقسمهم على شقتين ؟ ونجبلهم عربيتين ؟:confused:
طبعا دة مثال .... فى بنات بتتجوز من سن 18 ... وفى ناس اكثر تشددا وممكن تقول ان استخدام وسائل منع الحمل حرام اساسا حتى مابين كل طفل والاخر وكذا وكذا . وعلى ذلك ممكن يخلفو كل سنة ونص او سنتين مثلا . وفى سيدات كتير بتخلف فى سن ال 42 .. يعنى الموضوع قابل للزياده كمان .
انا افتكرت دلوقتى منظر البواب الى عندنا فى العمارة الى كنا ساكنين فيها زمان .... كان مخلف مش فاكر 7 ولا 8 ... انا كنت بشوف عيال كتييير على المدخل ومتتخيلوش قد اية كانت حياتهم صعبة جدا جدا جدا ... لدرجة ان كان فى اطفال من اطفالة بيمشو من غير هدوم اساسا .. فى منظر عجيب ؟
طيب وعليك من دة بايه ؟
واذا كان مفتى الجمهورية بنفسة قال ان مافيش ما يمنع من الاكتفاء بعدد محدد من الاطفال حتصعبها على نفسنا ليه ؟؟
*اتمنى حد يفسرلى اطفال الشوارع موجودين فى كل مكان جد بسبب اية ؟
ودلوقتى افتكرت حاجة تانى ( بعيد عن تحديد النسل ) بس ليها علاقه بطريقة التفكير بعض الاشخاص فى مجتمعنا ......... الراجل الى طلع وقال لازم كل راجل يتجوز اكتر من سيدة للقضاء على عنوسة السيدات والقضاء على الفتُن ؟؟؟؟؟؟؟؟؟؟؟ وان كل واحد يتجوز( على مراته ) سيدة ارملة او اخرى فاتها قطار الزواج . بياخد ثواب وحول الموضوع لواجب دينى و وطنى :) ؟؟؟؟؟؟؟؟؟؟؟؟؟
حاجة اخيرة :- للاعضاء الرافضين لفكرة تحديد النسل
لو ربنا كرمك وانعم عليك ب ثلاث توائم( مره واحده) وبتحصل كتير....... وانتا كان عندك اربع اطفال ... هل ساعتها حتفكر فى تحديد النسل او بمعنى اصح الاكتفاء بهذا العدد من الاطفال .. وتشكر ربنا على نعمته ... ولا بردة حتستمر على نفس النهج فى انتظار طفل ثامن او تاسع ؟؟؟؟؟
يا ريت حضرتك تحدد قصدك التنظيم أم التحديد حتى لا تخلط الأوراق
المراجع لكلام حضرتك من البداية تتكلم عن إباحة التحديد (تحديد الأبناء بعدد وإيقاف الإنجاب بعده)
التنظيم مفيش حد إعترض عليه
التحديد هو المعترض عليه وحضرتك ردودك كلها عن جمال التحديد فلماذا تغير الكلام ؟
والقول الفصل أنه لا يوجد على الأرض من وسع إدراكه لكل أحاديث السنة النبوية
وبالتالي لا يتحدث عنها بشمولية كأن أقول أن السنة لم يرد فيها الموضوع الفلاني وكأن ما أعلمه من السنة النبوية هو كل ما وجد منها !!
لا حظت أن بعض الزملاء وضع فتاوي والبعض ميال لعلماء البلد الفلاني والآخر للعلاني
المهم أحضرت فتوى من موسوعة دار الإفتاء المصرية لفتاوى مئة عام
وهي فتوى قيمة جداً من عالم يعرف قدره الكثير
الموضوع ( 1084 ) تحديد النسل خشية الفقر.
المفتى : فضيلة الشيخ حسن مأمون.
ذو القعدة هجرية - 14 يونية 1958 م.
المبادئ:
1- منع النسل أو تحديده يتنافى مع مقاصد النكاح، ولا يباح شرعا إلا للضرورة وعند وجود عذر يقتضيه، كالخوف على حياة الأم إن هى حملت.
2- خوف الفقر وكثرة الأولاد وتزايد السكان ليست من الأعذار المبيحة لمنع النسل أو تحديده.
سئل : بالطلب المقدم من السيد الأستاذ - ن م أ رئيس جمعية النهضة الإسلامية للأمر بالمعروف والنهى عن المنكر والذى يطلب فيه الإفادة عن حكم الشريعة الإسلامية فى تحديد النسل خشية الفقر بصفة عامة، أو لتزايد السكان وقلة الموارد الغذائية.
أجاب : إن من أهم مقاصد الشريعة الإسلامية إيجاد النسل وبقاء النوع الإنسانى وحفظه، ولذلك شرع الزواج للتناسل وتحصين الزوجين من الوقوع فى الحرام، وحث الرسول صلوات الله وسلامه عليه على اختيار الزوجات المنجبات للأولاد.
فقد روى الإمام أحمد عن أنس أن النبى صلى الله عليه وسلم كان يأمر بالباءة وينهى عن التبتل نهيا شديدا، ويقول ( تزوجوا الودود الولود فإنى مكاثر بكم الأمم يوم القيامة ) وروى أبو داود والنسائى عن معقل بن يسار قال جاء رجل إلى النبى صلى الله عليه وسلم فقال ( أنى أصبت امرأة ذات حسب وجمال وأنها لا تلد فأتزوجها قال لا، ثم أتاه الثانية فنهاه ثم أتاه الثالثة فقال تزوجوا الودود الولود فإنى مكاثر بكم ) كما شرع ما يحفظ النسل من تحريم الزنا والإجهاض، ومنع النسل أو تحديده من الأعمال التى تنافى مقاصد النكاح.
ولهذا لا تبيحه الشريعة إلا عند الضرورة وعند وجود عذر يقتضيه كالخوف على حياة الأم ونحوه، وليس من الأعذار خوف الفقر وكثرة الأولاد أو تزايد السكان، لأن الله سبحانه وتعالى تكفل بالرزق لكل كائن حى. حيث قال فى كتابه الكريم { وفى السماء رزقكم وما توعدون. فورب السماء والأرض إنه لحق مثل ما أنكم تنطقون } الذاريات 22 ، 23 ، وقال سبحانه وتعالى { وما من دابة فى الأرض إلا على الله رزقها ويعلم مستقرها ومستودعها كل فى كتاب مبين } هود 6 ، وقال سبحانه وتعالى { ولا تقتلوا أولادكم خشية إملاق نحن نرزقهم وإياكم } الإسراء 31 ، ومن علم أن مال الله غاد ورائح، وأن مع العسر يسرا، وأن الغنى قد يصبح فقيرا معدوما والفقير المعدم قد يصبح غنيا وافر الغنى، لم يشك أن الغنى والفقر من العوارض التى تتبدل.
وبهذا علم الجواب عن السؤال وأن تحديد النسل خوف الفقر غير جائز.
وفى الحديث - استكثروا من أولادكم فإنكم لا تدرون بمن ترزقون - وهذا لا ينافى أن هناك ضرورات خاصة بالمرأة تجيز منع الحمل كما ذكرنا، ولكل حالة حكمها الخاص.
والله أعلم.
ربنا يباركلك يا بشمهندس احمد وربنا يرزقنا اتباع الحق وسنة نبينا صلى الله عليه وسلم
هتجنن !!!
يا اخوانا إزاى بعض الأخوة بتصدر أحكام دينية من واقع رأيه الخاص؟؟؟؟
والله دا غلط .. محدش يقول دا رأيى لأننا لسنا أهل لإصدار رأى أو فتوى..
بلوى من بلاوى مصر الحبيبة إن كل الناس دكاترة وشيوخ
كل الناس بتوصف علاج وتفتى فى الدين
بلوة كبيرة من البلاوى التى لاتعد ولا تحصى فى مصرنا
بصراحة النقاش الدائر الآن -مع احترامى لكل المشاركين فيه- أصبح لا يأتى بجديد وأصبح مدعاة للمزيد من الجدل والخطأ.
هذا اللفظ يا أخي عام و ليس على هذا الموضوع بالذات و أنا وضعته في عدة مداخلات على مواضيع مختلفة
و بالنسبة لموضوع التحديد و التنظيم
من الممكن أن يكون خانني التعبير و لكني لم أغير رأيي أبدا لأني مقتنع بشئ و الحمد لله أنه ليس حرام لعدة أسباب
أولها أن ..... لا يوجد سند أستند عليه العلماء صريح على موضوع التنظيم الإنجابي
ثانيا دعوت الله عز و جل لسنوات إن كنت على خطأ ليصححني و لكن لم أجد عكس ذلك و كل يوم يزداد يقيني بضرورة التنظيم لما فيه من مصلحة المجتمع عموما و الأسرة الصغيرة على وجه الخصوص
-------------------------------------
موضوع الإنجاب ليس مثل موضوع الصلاة و الحج و الصوم
الإنجاب هو عمل ليس بتعبدي مثل الصلاة و الصوم و الحج و الزكاة و الشهادة الذي ليس عليهم خلاف
أما مواضيع تنظيم الحياة بطريقة معينة و مادامت لا تعارض الدين في شئ اذن فهي ليست حرام أو محرمة .............
و أمامنا الأمثلة الحية و يتم تجاهلها
----------------------------------
و قليل من الناس من ينجب الكثير من الأطفال و يعيش حياة كريمة و الأغلبية تعيش حياة الفقر أو ضيق ذات اليد .
على العموم كل واحد مقتنع بشئ و مفيش مشكلة و كل إنسان يتحمل عواقب أختياراته
الأخ العزيز توت
أنا اشتركت في الموضوع عدة مرات لتوضيح أنه لا مجال للخلاف لأنها فتاوي ثابته لعلماء هم أهل للفتوي
أما
(من الممكن أن يكون خانني التعبير و لكني لم أغير رأيي أبدا لأني مقتنع بشئ و الحمد لله أنه ليس حرام لعدة أسباب )
لا يا أخي ليس لك هذا و اسأل أي فقيه في الدين و لو كان اما زاوية
ليس لك الخيار فيما أمر به الله و رسوله و طالما أجمع العلماء علي شئ فيكون بالتبعيه مكافئ لأمر الله و رسوله في الحكم
باشمهندس أحمد 1981
حضرتك أعطيت الإفادة في موضوع بدأته يطريقه خطأ لأنك لو كنت تعلم هذه الفتوي فلما وضعت الموضوع كإستفتاء
للمرة الـ 1000000000000 ليس لمسلم الخيار فيما اتفق عليه جمهور العلماء
الآراء وضعت بجوار بعضها في موضوع واحد
ونسأل الله تعالى أن يهدينا جميعاً للحق الذي يرضيه
وصلى الله على سيدنا محمد
والحمد لله رب العالمين
لا يوجد كهانه فى الاسلام و لا رجال دين و القران الكريم نزل باللغة العربية و كل من يعرف اللغة جيدا و تلقى تعليما عاليا و لديه بعض الملكات العقلية عليه ان يحاول ان يتعمق فى دينه و من حقه ان يكون له رأيه و فهمه الخاص و ان يستعن بعقله ويستفتى قلبه و ان يجتهد .. عن نفسى لا اوافق المقولة التى تقصر الكلام فى الدين على المشايخ فقط و يؤكد ذلك ان المشايخ انفسهم اختلفوا و يختلفون و سوف يختلفون الى يوم الدين .. ماذا يفعل المسلم اذن امام اختلاف الاراء و التفسيرات ؟؟ .. عندما يكون امامى نص قرأنى اليس من حقى ان اعمل عقلى ؟ .. و هل اقبل ان اسير
خلف انسان اخر لمجرد انه يلبس عمامة ؟؟ ..هناك فارق بين دراسة الطب و الهندسة و الفيزياء و اتخاذ الدين مهنة و القول بأنهم الوحيدين المنوط الحديث فى الدين .. الدين بطبيعته اقرب الى علوم الانسانيات و الى الروحانيات فلها فرسانها .. مثلا من الممكن ان تكون اديبا عظيما دون ان تدرس الاداب بالجامعة و تحصل على جائزة رفيعة كجائزة نوبل ..و بالمثل يمكن لمن لم يدرس بالازهر ان يكون له فكر ثاقب و فهم عميق للرسالة
الالهية اكثر بكثير ممن حفظ القران و كتب الاقدمين و صمها دون فهم و نال عليها شهادة .. و بعدين بعض الذين لا تعجبهم اراء البعض الاخر
يقولون لهم لماذا تفتون فى الدين بينما هم انفسهم يفعلون ذلك ؟؟؟ اما اذا قال الانسان اراء محافظة و شائعة فلا يتهمه احد .. !
بعض الأشخاص نحكم عليهم من واقع معاملتنا معهم
والبعض نحكم عليهم من كلامهم وأفكارهم
من كلامك يا سيد الكترو علمت أن ثقافتك الدينية ضعيفة جدا لتقول مثل هذا الكلام البعيد عن مبادئ الفهم والذى لا أجد رغبة لدىّ فى شرح مسلمات وبديهيات لتوضيح هشاشته والرد عليه.
أنت مثل أولئك الذين يداوون أنفسهم بعيدا عن الأطباء فلا ينوبهم سوى الضرر ويتثقفون ثقافة القيل والقال ويعتبرون حلاق الصحة أعلى منزلة من أستاذ الجامعة.
عن ابن عباس رضي الله عنهما قال : قال رسول الله صلى الله عليه وسلم : ( من قال في القرآن برأيه فليتبوأ مقعده من النار ) رواه الترمذي وفي رواية : ( من قال في القرآن بغير علم فليتبوأ مقعده من النار ) رواه الترمذي
....... أجرأكم على الفتوى أجرأكم على النار
اقتباس:
و يؤكد ذلك ان المشايخ انفسهم اختلفوا و يختلفون و سوف يختلفون الى يوم الدين
كل اناء ينضح بما فيهاقتباس:
و هل اقبل ان اسير
خلف انسان اخر لمجرد انه يلبس عمامة
بمعنى اخر
للأسف هذا الكلام لا يصدر الا من وجود جهل شديد بمعنى ماهو الاختلاف الذين هم اختلفوا فيه وما هي المسائل الذين اختلفوا فيها ولماذا اختلفوا فيها وهل الاختلاف ده في غالب المسائل ام بعضها وهل هناك خلاف الآن بعد وجود امهات الكتب وتوافر العلم والقدرة على البحث لمعرفة الحكم النهائي
وهذا كلام عائم لا يسمن ولا يغني من جوع
يستخدمه الذين يريدون أبعاد الناس عن الدين لكي لا يجعلوا هناك ثوابت تسير خلفها الناس
وكل واحد شايف ان ده حلال يعمله
يبقى عملنا ايه
كل واحد براحته والشرع سابها مفتوحه لفهم كل واحد
وانا شايف من فهمي انا بقه طالما كل واحد يمشي بفهمه ان الكلام اللي حضرتك ذكرته ده لا يهدي الا الى الضلال
ولو انت عرفت معنى العمامه والله ما كنت تتجرأ ان تقول مثل هذا
هي العمامه علشان هوى صاحبها واهواءه ولا علشان مقدار ما يوجد لدى صاحبها من علم
انتوا مزعلين بعض ليه بس؟
انا شايف ان الكلام في الموضوع ده لا طائل منه زي ما بيقولو
و ممكن الناس تتبع احد طريقتين و خلاص
الطريقة الاولى:
اللي شايف انه يجيب عيل ولا اتنين علشان يكون قادر على مصاريفهم و يسك على كده فليفعل و هو حر في ما يراه و هو ادرى بظروفه
الطريقة التانية:
اللي خايف من الحرمانية و شايف ان ده غلط ويجيب ظربة عيال 7او8او9 او اخر ما صحة الست تجيب فهو حر برضه و لما ييجي يشحت من حد متبقوش تدوله نكلة
و كل واحد عقله في راسه يعرف خلاصه
ولا يحاول حد يقنع حد بالعكس و فضوها سيرة
انا قريت ال20 صفحة و كان ليا تعليق تاني
الاستفتاء حسم الاجابة على السؤال تماما ,كما ان المبدأ التاني اثبت عدم موضوعيته تماما و عدم قدرته على مواكبة عصر ازازة الزيت ام 11جنيه والبيضة ام 60قرش
و سؤال لصاحب الموضوع : انت ليه بتناضل علشان تنشر اسلوب حياه لا يصلح لهاذا الزمن؟
و لو واحد من الاعضاء سمع كلامك ومشي ورا كلامك و جاب ظربة عيال و ملقاش يصرف عليهم او يأمن لهم حياه كريمة هيفضل يدعي عليك ليل نهار و على المنتدي
الا لو بتصرف اعانات شهرية لكل عضو يجيب عيل و ساعتها نعملهم استثمار طالما هتتكفل بيهم
لو ربنا مديك قرشين حلوين هات عيال زي ما انت عايز محدش هيقولك بتعمل ايه حتى لو بعت عربيتك و اشتريت بدالها ميكروباص و مليته عيال برضه ساعتها انت حر
لكن تروج لأسلوب حياه اعتبره احد معاول الهدم في حياتنا المعاصرة فده خطا رهيب و تكون بكده السبب في زيادة الطالة والغلاء و باقي امراض الزيادة السكانية و احنا في غنى عنه لأن العملية مش مستحملة و المشرحة مش ناقصة جثث
الاخ الدكتور احمد افتى بأنى فى النار ... متشكرين يا سيدى ...و انا بادعى لك بالجنة بعد عمر طويل ...
الاخ ابو عبدالله قال انى جاهل و قال انى مش عارف قيمة العمامة !!!!!! ..طيب ايه مواصفات
العمامة عشان تكون شرعية ؟؟ .. الشيعة بيلبسوا عمامة و الهندوس و السيخ فى الهند بيلبسوا عمامة
و اجناس و اديان غيرهم بتلبس عمائم و طواقى على كل لون يا بطاستا ! .. ما اعرفه يا عزيزى ان العمامة ليست
دليل على العلم و ان المهم هو ما تحت العمامة !! .. و الفرنسيون لديهم مثل :! L habit ne fait pas le moine
و عندنا الحس الشعبى فهم ان مش دايما تحت العمة شيخ ! .....
ياخى ابوعبدالله سيادتك راافع علم اليابان وعمال تنصح الناس انه لاعلم بعد العلم وناسى حضرتك ان فيه فى بلدك وفى الدول المسلمه سيارات وهم فى اشد الحاجه للتعامل معهم - هو دة الاسلام واللى عايز يطبق الاسلام - اما مجرد كلام وجدال وفتاوى من الخليج اللى وصل حد التخمه والمسلمون يموتون جوعا وزلا فى بلاد كتير - كان اولى يفتم لنقل كل مافاض عن حاجتهم لتلك البلاد - سيدنا عمر الفاروق اوقف بعض حدود الله فى فتره معينه نظرا لظروف الدوله - حتى لو كان تحديد النسل غير جائز - فهذا البلد فى حاله ضروره قصوى لخفض مواليدها حتى تستطيع ان تفيق وتلحق ركب الحضارة اللى سيادتك مش عايز منها غير الاحدث