الموضوع: هل تقوم بتحديد النسل لمراعاة ظروفك أم تقول دي حاجة بتاعت ربنا ورزقهم بيجي معاهم ؟؟؟

المشاركة الأصلية كتبت بواسطة karim_monir

انسة علا احب اوضحلك بس شوية حقائق اكيد غايبة عن الاعين
في ظل ارتفاع تكاليف المعيشة وتتبع ارتفاع سن الزواج تقدري تقوليلي انهي بنت اتجوزت عند سن 22 الا اللي ماكملوش تعليمهم
لان اي بنت اتخرجت عندها 22 نادرا لما تتزوج فورا هانقول السن الطبيعي 25
طيب تقدري تقوليلي مين في عصرنا الجميل ده بكل الملوثات اللي بتدخل اجسامنا تقدر تخلف وهيا عندا 40 مش 45 وطبعا كلامي عن الزواج في الحضر مش الارياف او الصعيد لان ليهم معايير تانية
ولا حتى بعد 35 هاتخلف لان الطفل بيسحب كمية كالسيوم بشعة من جسم الام مما يهددها بهشاشة مبكرة وكسلو اللبن اللي الام لازم تشرب منه واحد كيلو يوميا عدى ال 4 جنية يعني 120 جنية لبن بس في الشهر مش فيتامينات واغذية معينة ومعرفش ايه حاجات عجيبة كدة
اعتقد ان كل سن الخلف الطبيعي بيكون حوالي من 10 الى 12 سنة
بمتوسط طفل كل ثلاث سنوات هاتكون النتيجة بين 3 اطفال الى 4
بتكلم برضه في حاجات فيها فروق فردية كتير
المهم الكيف يا جماعة مش الكم
اخر حاجة احب اوضح ان تحديد النسل حرام باجماع كل العلماء ماتقولش هاخلف عيل واحد فقط
قول هانظم واخد بالاسباب عيل واستني شوية المدام تسترد صحتها واجهز للبنت اود والود اودة تانية عشان اقدر افصل بينهم في المضاجع وتنظم حياتك وتقدر على مصاريفهم مش تخلف وترمي والست اللي شايلكم تقع من طولها ولا تدخل عليها تلاقي الكسرولة في دماغها ولو قولتلها مساء الخير تقوللك وانت عاوز ايه دلوقتيي
يحضرني مشهد لعادل امام وماجدة زكي في فيلم الارهاب والكباب في اول الفيلم وهيا بتزعق وتقول
(وانت عايز ايه دلوقتي يا احمــــــــــد ) وانتم فاهمين بقى

:D :D :D

كلام جميل يا كريم.. انما لا يعمم.. يعني مش البنات بتتجوز بعد سن 25 سنة و مش كل النساء بتقل خصوبتها بعد سن ال 35.. اعرف اسرة الأم عندها 40 سنة و حامل في الطفل السادس.. مع انها اتجوزت و هي عندها 25 سنة.. و للأسف هي شايلة مسئولية كل حاجة فوق دماغها و النتيجة الأولاد فعلا تشوفهم ما تقولش ابدا ان دول والدهم و والدتهم متعلمين تعليم عالي.. بس همه برضه بيفكروا في الأولاد من منطق الرزق.. و ده انا ماليش اعتراض عليه طبعا زي ما وضحت في رد سابق لية.. انما السؤال هو: الى أي حد الزوجين يقدروا يلتزموا بفتوة ان تحديد النسل حرام؟

انا برضه مش باتكلم عن اللي معاهم طفل واحد او اتنين او حتى تلاتة او اربعة و بيقولوا خلاص كده نحدد النسل.. انا باتكلم عن اللي داخلن في الطفل الخامس و السادس و السابع و مش قادرين يركزوا في كل الأولاد بنفس النسبة و عايشين حياتهم اي كلام.. تعليم اي كلام.. اكل من اللي موجود.. ضغط اعصاب على الاب و الام.. في الحالة دي.. يكتفوا بخمسة؟ و لا يفضلوا يخلفوا لحد ما الزوجة توصل لسن اليأس؟ هو ده سؤالي و يا ريت حد يجاوبني عليه.

المشاركة الأصلية كتبت بواسطة OlaOsman

:D :D :D

كلام جميل يا كريم.. انما لا يعمم.. يعني مش البنات بتتجوز بعد سن 25 سنة و مش كل النساء بتقل خصوبتها بعد سن ال 35.. اعرف اسرة الأم عندها 40 سنة و حامل في الطفل السادس.. مع انها اتجوزت و هي عندها 25 سنة.. و للأسف هي شايلة مسئولية كل حاجة فوق دماغها و النتيجة الأولاد فعلا تشوفهم ما تقولش ابدا ان دول والدهم و والدتهم متعلمين تعليم عالي.. بس همه برضه بيفكروا في الأولاد من منطق الرزق.. و ده انا ماليش اعتراض عليه طبعا زي ما وضحت في رد سابق لية.. انما السؤال هو: الى أي حد الزوجين يقدروا يلتزموا بفتوة ان تحديد النسل حرام؟

انا برضه مش باتكلم عن اللي معاهم طفل واحد او اتنين او حتى تلاتة او اربعة و بيقولوا خلاص كده نحدد النسل.. انا باتكلم عن اللي داخلن في الطفل الخامس و السادس و السابع و مش قادرين يركزوا في كل الأولاد بنفس النسبة و عايشين حياتهم اي كلام.. تعليم اي كلام.. اكل من اللي موجود.. ضغط اعصاب على الاب و الام.. في الحالة دي.. يكتفوا بخمسة؟ و لا يفضلوا يخلفوا لحد ما الزوجة توصل لسن اليأس؟ هو ده سؤالي و يا ريت حد يجاوبني عليه.

برضه ماحدش جاوب على سؤالي و كله عمال يقفل في الكلام

المشاركة الأصلية كتبت بواسطة OlaOsman

برضه ماحدش جاوب على سؤالي و كله عمال يقفل في الكلام

لو السؤال على المستوي الشخصي للاعضاء فالاجابة اني هاجتهد في تربية اولادي على قدر المستطاع و محاولة الا اصل لهذه المشكلة

اما لو السؤال على المنطلق الديني فاظن لو لا توجد اسباب طبية او اخطار على الام فالواجب على هذه الاسرة طلب الفتوى ليس في المنتدى هنا و لكن عند اهل العلم الموثوق بهم في الفتاوي لاننا لا يوجد لدينا علم وحكمة كافيتين للفتوي الخاصة
اما الفتوى العامة فيمكن اخذها من الكتب ومن اقوال العلماء الموثوق بهم