الموضوع: الي اخواني اعضاء المنتدى "احذروا هذا النصاب"

المشاركة الأصلية كتبت بواسطة mohamedali90

السلام عليكم اعضاء المنتدى

اللي يعرف وسطة جامدة يا رجالة في العبور ياريت يتصل بي

انا تقريبا وصلت للنصاب بس بيقولولي في القسم انه هيطلع بعد 48 ساعة من النيابة غلشان الحكم غيابي اللي يعرف اتصرف ازاي يا رجالة او يعرف وسطة يتقولي علشان لو هرب تاني مش هعرف اجيبة

مع الشكر موبيلي 0128088644

معلش سؤال غبى منى لو الراجل فى القسم طب ما تلاوح القسم و توريلة الحكم الى صادر ضدة الى معاك هو مش كدة يفضل متحفظ علية يعنى اعمل محضر جديد لة علشان يحجزة بة و لا الدنيا ماشية ازاى فى الاقسام مش فاهم

المشاركة الأصلية كتبت بواسطة sherifahmed

معلش انا اسف مقدما بس اللى حصلك نتيجة مباشرة لمحاولة الحصول على حاجة مش من حقك
عربيات الشرطة فعلا مش عليها جمارك يس دا للشرطة مش ان ظابط يبيعها من الباطن لمواطن عادى

حاجه مش من حقه ؟؟؟
هو علشان حاول انه يهرب من الجمارك بقى خلاص كأنه سارق العربيه
طيب لو حنبص بقى على الجمارك دى نفسها ... هل هى من حق الدوله ؟؟؟ و لا دى اتاوه بلطجيه
حتى فى الدين مافيش اى حاجه فى الدين مناظره او تحلل الجمارك دى .. خاصه ان الدوله مغاليه فيها اووىىىى و احنا من اغلى الدول فى العالم من ناحيه الجمارك دى

و دليلى كمان ان الشرطه عربياتها ماعليهاش جمارك ....ليه هما مش بنأدمين زينا و لا هما ولاد تسعه و احنا و لاد ..........

ليه ما بلغتش الجهات اللى بينصب باسمها - يعنى الشرطه او الجيش - حته انه يلبس بدله ميرى دى لوحدها كفايه دى قضية امن دوله
اظن ان الواد ده ممكن يكون له علاقه بالقانون - يعنى امين شرطه مفصول او حتى ضابط منحرف او محامى - لان الجراءه على لبس بدله ميرى وكمان شيل سلاح اخطر بكتير من مجرد سرقه ونصب

ممكن لو لك معرفه ولو من بعيد بحد فى الشرطه توضح له النقطه دى - لو اتمسك لابس البدله دى حيروح فى دور طويل

المشاركة الأصلية كتبت بواسطة samcar

ليه ما بلغتش الجهات اللى بينصب باسمها - يعنى الشرطه او الجيش - حته انه يلبس بدله ميرى دى لوحدها كفايه دى قضية امن دوله
اظن ان الواد ده ممكن يكون له علاقه بالقانون - يعنى امين شرطه مفصول او حتى ضابط منحرف او محامى - لان الجراءه على لبس بدله ميرى وكمان شيل سلاح اخطر بكتير من مجرد سرقه ونصب

ممكن لو لك معرفه ولو من بعيد بحد فى الشرطه توضح له النقطه دى - لو اتمسك لابس البدله دى حيروح فى دور طويل

+1

السلام عليكم اعضاء المنتدى الكرام

احب اقول في الاول ان اعضاء المنتدى كلهم بجد رجالة قوي
سواء اللي كان بيقول كلمه في صالحي او كان محملني مسئولية النصب

لية بقي الكلام اللي فات

لان يا جماعه من يوم الخميس و انا مبدخلش علي المنتدى لاني قدرت اصول للنصاب وعملت له خطة مظبوطة بتوفيق من ربنا و بعض المعاونة من احد اعضاء المنتدى وهو مهندس احمد كتر خيره
لحد مقدرت اوقع النصاب متلبس ومعه كل احراز النصب من بدل ميري و سلاح و بعض الصور اللي متصورها وهو بالبدله الميري و كارنيهات ضباط متوفين و بالاضافة لبعض الاوراق الخاصة بالضحايا امثالي و انهم معدين الخمسين ضحية و اقل مبلغ واخده كان المبلغ بتاعي
و الحمد لله علي اني كنت سبب في اني اوقف النصاب دة عند حده و اكف الناس شره و دية اقل نية دخلت في الموضوع دة علشانها وان فعلا لا يضيع حق ورائه مطالب
و ان يا جماعه فعلا الله في عون العبد ماكان العبد في عون اخية لاننا لما تعاونا قدرنا نكمل بعض كل واحد قالمعلومة ولو بسيطة قدرت تقربني منه و الحمد لله

وانا داخل المنتدى انهاردة علشان اشكر كل الاعضاء اللي علقوا علي الموضوع و دعوا لي ان ربنا يوفقني والحمد لله ربنا استجاب لهم

و اخص بالذكر مهندس احمد لانه كان السبب الرئيسي اني اوصل للنصاب
و اخص بالذكر مشرفين المنتدى اللي سمحوا لي اني انشر موضوعي لحد النهاية والحمد لله
و كل اصحاب اللي اتكلموا في الموضوع ايهاب زهرة- ايهاب شرف-خالد عبدالرافع - محمد الجدامي - محمود الخطيب - مهندساحمد -المحامي احمد - المبرمج احمد - وكل الناس مش عاوزانسى حد يا جماعه بس كلهم كتر خيركم

الحمدلله

الراجل اتمسك في قسم العبور بقيادة رئيس المباحث الرائد حازم سعد
انا بشكره لانه فعلا بيراعي ضميرة ضابط محترم و عنده ضمير

السلام عليكم احلي اعضاء