السلام عليكم و رحمة الله و بركاته
السؤال بتاع حضرتك دة مهم جدا لاني في اول الامر فقدت الامل اني اوصل لحاجة بسبب اني ممعيش اي اثبات لكن قولت انا هعمل اللي علي و خلاص
بدات القضية اني روحت عن طريق البطاقة كشفت عن الراجل النصاب لاقيت علية احكام كتير حوالي 12 حكم (يمكنك قراءة ملف الاحكام اللي انا رفعته) و كان معظم الاحكام بسبب انه منتحل صفة ظابط
البطاقة اللي انا حصلت علية من صاحب الشقة الاصلي كانت بياناتها انه حاصل علي بكالريوس هندسة
الجيران عندي كانوا بيشوفة لابس ميري و معه مسدس ميري
لما روحت لمحامي و شرحت له الموضوع قالي الخيط هو ان الراجل جية ماجر الشقة بصفته حاصل علي بكالريوس هندسة و هو كان بيلبس ميري و بيوهم الناس انه ظابط شرطة بالاضافة انه علية احكام معظمها انتحال صفة ظابط شرطة يبقي كانت النية مبيته للاحتيال و النصب و هو دة كان الطريق و الحمد لله اني قدرت اخد علية حكم بسنةو غرامة مالية
لكن حكم لم ينفذ حتي الان بسبب انه مالهوش مكان و بسبب تقاعس المسئولين لان علي الاقل كانوا جابو العربية دية اقل حاجة
مع الشكر