الي اخواني اعضاء المنتدى "احذروا هذا النصاب"

**ابو حسين** · 31-05-2010 06:48 PM

ربنا يعوض عليك و ان شاء الله يتمسك

**mohamedbook** · 31-05-2010 06:52 PM

المشاركة الأصلية كتبت بواسطة mohamedali90

الحمد لله علي كل حال

بس هو المشكلة كان بيتكلم في الدين كتير و مكنتش متوقع ان حد بالاخلاق دية ممكن يكون نصاب و يستحل حق الناس بمنتهي السهوله و انا عمري مكنتش اتعرضت لموقف زي كدة و كنت حسن النية و الحمد لله و شكرا علي التواصل

مش كل واحد يتكلم في الدين ويعمل نفسه تقي نصدقه
النبي صلي الله عليه وسلم يقول اذا وجدنا شخص من الناس علي خلق ونعهد عليه هذا ان نقول (نحسبه كذالك ولا نزكية علي الله )
ويقول الله عز وجل في سورة النجم ( ولا تزكوا انفسكم هو اعلم بمن اتقي )
الخلاصة لعله خير وكويس انها جت في حاجة بسيطة مش كبيره وده يعلمك انك تكون حذر وتأخذ احتياطاتك جيدا ولا تأمن لأحد علي الاطلاق
وخليك في الامان دائما وعصفور في اليد ولا عشرة علي الشجرة

**elassar2010** · 31-05-2010 07:02 PM

ربنا يعوض عليك

**sh_masry** · 31-05-2010 07:38 PM

مش عارف اقولك ايه بس انا حفظت رقم العربيه و ياريت كل اللى ساكن فى المدن الجديده يبقى يبص عليها
رقم العربيه 598297 ملاكى الجيزه تويوتا سوداء الشكل الجديد ...
و ربنا يسهل

**Ralliart** · 31-05-2010 07:55 PM

ربنا معاك وتعرف تجيبه
واحمد ربنا انها جت على قد كده وانك اتعلمت الدرس

**Horsepower** · 31-05-2010 08:22 PM

ربنا معاك إن شاء الله يا أستاذ محمد
بس كون إن النصاب ده يقعد في شقة إيجار لمدة 8 شهور على الأقل (أكل و شرب و إيجار شقة) علشان يعمل عملية نصب ب 15,000 جنيه غريبة جدا ... طيب معملش أي نصباية تانية ... يعني منصبش على صاحب الشقة؟

ممكن الراجل ده يكون ظابط فعلا وده إللي مخليك مش عارف توصله ... نمر العربيات إللي بتبدأ ب 59 أو 87 أو 55 أو ... دي كلها مرور القوات المسلحة ... إطلع عليهم (شارع إحسان عبدالقدوس من شارع الخليفة المأمون أو من شارع صلاح سالم ... أيهما أقربلك) إن شاء الله هتلاقي العربية إلي إنت كاتب نمرتها دي متسجلة عندهم.
ربنا يكرمك وتلاقيه إن شاء الله.