الموضوع: الي اخواني اعضاء المنتدى "احذروا هذا النصاب"

ربنا يعوضك خير ان شاء الله
انا عاوز انبه لنقطة خطيرة جدا
حكاية ان النصابين دايما بيحاولو الظهور بمظهر خادع ... واحنا شعب طيب بطبيعته
واسهل حاجة انه يتمسح بالدين لكسب ثقة الناس
...
الامر بيتعدى ذلك بكثير
مثلا زوج اختي الله يرحمه كان معاهم واحد عربي بيصلي معاهم في الجامع واتعرف عليهم وقالهم انه سعودي وانه من نسل النبي عليه الصلاة والسلام وكان بيقعد يقولهم دروس دين في الجامع بعد الصلاة .... لدرجة ان ناس منهم كانو بيبوسو ايده لما يسلمو عليه ..... زوج اختي الله يرحمه كان الوحيد اللي مش مرتاح للراجل ده لدرجة انه بقى يروح يصلي في جامع تاني
بعد وفاة زوج اختي كنت مرة قاعد مع واحد جاره وحكالي على اللي حصل
الراجل ده كان بياخد كل واحد من المجموعة دي على انفراد بعد الصلاة ويتكلم معاه في امور كتير ...امور دين وامور دنيا وحاجات كتير
ودي طبعا كانت البداية ..... الخلاصة انه نصب عليهم جميعا كل واحد على انفراد بحجة انه ممكن يجيبلهم تأشيرات حج بسعر مخفض وانه بيعمل كدة لوجه الله ..... وكل واحد كان مش عارف انه عمل نفس الموضوع مع الباقي
جمع منهم مبالغ رهيبة ..... اللي حكالي ده كان عاوز يحج هو وزوجته وبنته تقريبا
ولما جمع الفلوس واختفى ظهرت الحقيقة .... واحد منهم له اقارب بأمن الدولة ...... جابو تاريخ حياته
هو اردني مش سعودي و.......................... باقي القصة مكررة
.......
القصد انه لازم ما ننخدعش بالمظهر ...... مش كل واحد يتمسح بالدين يبقى نثق فيه ثقة عمياء ..... اكيد اننا المفروض لما نلاقي حد متدين وبيصلي في المسجد وبيكلق اللحية يبقى نحسن الظن به ..... ده شيء مفروغ منه
لكن لما يتطور الامر لعلاقة مالية بمبالغ كبيرة ....... هنا لازم ناخذ الحيطة والحذر ......