الموضوع: حد يقولي علي ميكانيكي جامد

السلام عليكم يا رجالة
انا هقولكم على مشكلة الاوبل من الاخر
المشكلة الاساسية للعربية هى مشكلة تشخصية و ليست مشكلة علاجية
ازاى ؟
يعنى كل واحد مكحرت من الميكانيكية الكفتحية يقعد و هو بيشيش يقول العربية فيها و فيها و فيها و هى اصلا حاجة بسيطة فمن هنا المشكلة ان مش اى حد يشخص العطل بالظبط
طب من الناحية العلاجية : التغيير الفورى لقطعة الغيار المعطوبة
يعنى يغيير البايظ مش يقعد يلصم و يفتكس و يفنن
فالاوبل مع واحد يقول العيب بالظبط و بعد كدة يقدر يصلحة بكل سهولة و من جمال التصميم فى العربية دى
انة لا يمكن ان تركب قطعه غيار الا بالطريقة المظبوطة - يعنى لو معكوسة او مايلة استحالة انها تركب فى المكان المخصص بتاعها
و من هنا انا بقول توكل على الله على مقار لانى بما يرضى الله بسمع عليهم كل خيييييييييييييييييييييييي يييييييييييييييير
و عادى جدا انك تجيب قطعه الغيار من برة و تركبها عندهم
و ربنا يوفقك