الموضوع: حد يقولي علي ميكانيكي جامد

والله العربيه الكورسا اللي معايه عليها الستيكر بتاع مقار من ساعه ما جت والله فكره يا طناني انا عمري ماروحتو خالص كنت دايما بوديها توكيل الصحراوي عند الفرماوي اكيد تعرفوا طب لو تكرمت العنوان والتليفون انا تقريبا كده اعرف انه ف آخر شارع التحرير مع تقاطع السودان مش كده ولا ايه وتفتكر اوديلهم الكورسا ال١٠٠٠ ولا ايه رايك ومشكور يا باشا عالنصيحه الغاليه

بجد يا محمد بيه يعني اروح وانا متطمن اصل انا بصراحه محسوك قوي فالعربيات اللي معايه ومش عاوز اقولك ببقا متكدر لو حاسس مجرد احساس ان فيه حاجه مش مظبوطه وبعدين انا بيني وبينك شايف تناقض رهيف فآراء الناس فالموقع بخصوص مراكز الصيانه وشايف ان الموضوع ان كل واحد بيكتب من منطلق شخصي او نفسي بحت المهم عشان مطولش عليك انا هتوكل علي الله واوديها وربنا يكرمنا ان شاء الله

وانا اقيض واللع طناني انت مطمني قوي من ناحية توكيل مقار بس هل ترى اسعارهم عامله اه
غالية ومبالغ فيها ولا عادية.

بس ياباشا بالنسبه لحوار الميكانيكي ده في انا بطلت اصلح عند اي ميكانيكي
انا بروح التوكيل بتاع اوبل الي في المعادي شارع الجزاير
بجيب قطع الغيار من اي حته و اركبها عندهم اسعارهم اعلي شويه من بره بس مش كتير و شغلهم طبعا كويس عشان ده التوكيل