سؤال مهم في عفشة الأمبريزا 2007

**SamirMohamed** · 31-05-2010 02:26 PM

أنا عندي سؤال مهم عن عفشه إل إمبريزا ، هي دي أول مشاركة ليا فل منتدى بس كنت علطول متابع و بجد استفادة كتير من مساعدتكم و خبراتكم فل مواضيع التانية . عموما أنا كنت مرة رحت التوكيل من حوالي ٣ شهور عملت كشف كامل لل عفش وال موتور عشان أطمن لو في حاجة. و ألولي العجلة اللي ورا شمال بتدي قراية غلط مش فاهم يعني إيه. و بل تالي لازم غيار مساعد و شمعدان مرة واحدة. و أنا بصراحة عندي المساعد كويس . ف هل ممكن اظبت الموضوع ده عند حد برا و لو رحت لحد هقوله إيه أصلا إذا كنت أنا مش حاسس ب حاجة فل عاجلة اللي ورا.
تاني سؤال عندي العفشة ناشفة أوي ف مش عارف ده عادي فل إمبريزا ولا في حاجة بايظة محتاجة تتصلح.
و جزاكم الله كل خير .

**SamirMohamed** · 01-06-2010 01:13 PM

ايه يا رجالة محدش هيرد :(

**eslamsubaru** · 01-06-2010 04:38 PM

العفشة من موديل 2003 الى 2007 رياضية و ناشفة على الطريق.. ده الطبيعى
موضوع العجلة مبتديش قراءة صحيحة فده بيبقى جهاز لل awd و بيساعد فى معرفة سرعة كل عجلة على حدى علشان فى الملفات العربية تظبط كل سرعة عجلة علشان العربية متعومش. ده لو مش مظبوط اكيد هتحس بيه فى الملفات على سرعات 120-130 . و بيساعد كمان فى نظام ال abs للفرامل. انا رأى فى الموضوع ده متخرجش بره التوكيل علشان ده لعب فى صلب العربية. و ربنا يحفظهالك و يكفيك شرها

**SamirMohamed** · 01-06-2010 06:49 PM

أنا متفق معاك ف كدة . بس المشكلة إن التوكيل بيبالغ و أسهل حاجة عندهم يغيرو و خلاص . ، و ممكن تكون المشكلة أبسط من كدة و مش مستاهلة غيار و غرامة . و ممكن يكون في مكان تاني يزبط الموضوع ب تكلفة أقل يعني خصوصا إن المساعد سليم