الموضوع: تغير وش سلندر فيات 132 كاربرتير بلاخر انجكشن

المشكلة ان الواحد لو اشتري موتور انجكشالموتور ده برضو كام سنه كده وهيبقي عايز عمرة

اه لعربية 132 حيوانه فعلا في الجري انا حطيت علي عربيات كتير وجديده لدرجه انهم كانوا مستغربين من العربية بتاعتي

ولو تعرفو ميكانيكية كويسين في المنصورة انا ممكن اروح هناك

ياه داانت متضايق قوي من الميكانيكية في مصر وانا معاك ان معظم المتعاملين في السيارات غير مؤهلين وماشين بالفطرة لكن لا يمنع ان فية كتير كويسين
محرك 32 من المحركات الجبارة والمعروفة علي مستوي العالم ومن اواخر الستينات والفضل يرجع لمهندس الايطالي ميناردى ولن اتحدث عن ملاين المشاركات بسيارات وقوارب في السباقات بمختلف انواعها واشكالها
موضوع ان الانجكشن بيدى هورس باور اعلي موضوع مش صحيح في كل الاحيان ولو جهزت المحرك بدورة حقن بدلا من الكربراتير مش هيديك النتائج اللي انت متوقعها الا لوعملت حاجات تانية
وخلي بالك ان فية اختلافات بين المحركات الانجكشن والعادة ال2000 زي الغاء العامود المناول واختلاف طلمبة الزيت وفي بعض المحركات وجود عدد 2 عامود موازنة علي اجناب البلوك لخفض الاهتزازات الناتجة عن حركة البساتم
ممكن تعمل تعديلات مناسبة وبرضة العربية تفضل كربراتير بل ممكن تركب 2كربراتير اوحتي 4كربراتير صغير وتحصل علي نتائج مذهلة
اخيرا المحركات دى قوية وتتحمل التعديل لدرجة ان فية مهندسين وصلوا لغاية 900 حصان بالمحركات دى وبتقنيات بسيطة منها الحقن المتتالي باكتر من رشاش واعمدة الكامة ذات المقطع الحاد وتوسيع مجاري الهواء وتشذيبه وتنحيف الاجزاء الداخليه والحدافة وزيادة نسبة الانضغاط والعادم الحر بتعديل مواسير العادم واخيرا الشاحن التوربيني سواء واحد او اثنين واحد كبير وواحد صغير ..التعديل لا ينتهي بس بيكلف والاهم اسال نفسك انت عايز اية

الف شكر يابشمهندس kaza
انا طبعا مش عايز اوصل للـ 900 حصان والكلام ده انا كنت عايز اعلي العربية في التجميع وتريحني شويه في الجري حكاية الانجكشن ان في ميكانيكي كلمني في الحوار ده وقلي انا ممكن اعملك الكلام ده وممكن اسقطلك موتور انجكشن مرة واحده وقالي ده هيفرق في السرعه بس مش كتير
انا كل الي عايزه تعديل في الموتور بسيط ميخلنيش اكل بنزين اكتر بكتير زي حوار 2 كربراتير ويخليني استفيد بالموتور الجبار بتاع العربية ده اصلا في الجري شوية
مع العلم انا بعز 132 ومن الصعب اغيرها ده انا حتي لو هجيب عربية تانية هخلي ال 132
وانا عموما مش بحب العربيات السحب عموما مش قصدي الاهانه او الاستهانه بالسحب ولاكن انا بفضل ان العربيات الي اسوقها تكون دفع خلفي وطبعا علي راسها bmw ودي المواتير فيها كل التعديلات الي اانت عايز تعملها
بس للاسف انا دلوقتي مقدرش اصرف علي عربية bmw واكيد في يوم من الايام انا هجيب عربية bmw

على فكرة يا باشا انا عندى نفس العقدة بتاعتك دى من الدفع الامامى انا عندى لادا ولو غيرت حيبقى ل bmw او مرسيدس مستعمل وعلى فكرة انا من المنصورة وتحت امرك فى اى خدمة بس بصراحة مليش اوى فى حوار الميكانيكية ولسا بتعلم وتقبل مرورى