الموضوع: هواية التكييف

نفس المشكلة,,,بس عندى مكسورة...

المشاركة الأصلية كتبت بواسطة احمد المصرى

بتروح لحد بتاع تكييف بيعملهالك من غير ما يفك اى حاجه

كلام تمام

بصراحة انا بحب اعمل كل حاجة بنفسى علشان انا بخاف من الصنايعية فى تقفيلهم ... ياريت لو حد جرب الموضوع ده قبل كدة بنفسه يقوللى ( نوبيرا 2001 )

يا باشا انا كان عندي نفس المشكله بس صلحتها بنفسي في الجراج
انت اول حاجه بتفك الحته السودا اللي بتبقي في ظهر دراع النور وفي العربيات الفول اوبشن بتبقي بتاعته ظبط المرايات هتفكها بطرف مفك عاده صغير و اسحبها عليك هتطلع معاك.
2-هتلاقي مسمارين صليبه فكهم بمفك صليبه.
3-بعد كده هتفك المسمارين اللي فوق العدادات بيبقوا صليبه برضو ةيستحسن يكون بمفك صغير[
4-بعد كده هتفك الفريم اللي حوالين الكاسيت و بعديه تفك البورده بتاعت التحكم في التكيف هتلاقي مستخبي وراها مسمارين من فوق كالعاده هنفكهم.
5-هتلاقي الجزء اللي في هوايات التكيف بقت حره بتروح وتيجي معاك هتشدها براحه تطلعها هتطلع معاك هتفك فيشه مفتاح الانتظار وفيشه الساعه ومفتاح الشبوره ان وجدوا
هيبقي الجزء اللي فيه الهوايا بره وحده معاك.
6- هتقلب الوش هتلاقي الهوايات مربوطه ب مسامير تفكهم كالعاده احنا ما ورناش غير الفك
7-هتلاقي العمود اللي بيمسك الريش كلها واقع تمسك الهوايه وتحاول تظبط الريش كلها مع بعض و تضغط علي العامود براحه علشان يبات في مكانه .
8- نربط مسامير الهوايات وقبل ما نبدا في التركيب ننضف الهوايات من الداخل بقماشه و لو تعرف تنضف مكان خروج الهواء العربيه هتدعيلك.
9-نرجع نركب فيش الانتظار و الساعه ومفتاح الشبورهاللي احنا فكيناهم ولا نفك ومنركبش تاني؟؟؟يقولو علينا بنخرب؟؟؟
10-نركب الوش مكانه ونربط المسامير اللي تحت بورده التكيف ونركب بورده التكيف وبعدين نركب الفريم اللي حوالين الكاسيت و نركب المسمارين اللي فوق العدادات .
11- نركب المسمارين الاخرنييين اللي علي الشمال خالص ونربطهم عالاخر ونكبس الفبرايه اللي فكيناها في الاول باليد عادي لحد لما الكلبس يبات في مكانه.
اتمني اني اكون قدرت اوصلك الطريقه وابقي جرب وادعيلي