المطبات الصناعية العشوائية

**acs** · 02-06-2010 01:15 AM

فى واحد عندنا اخد غرامه 2500 جنيه علشان عامل مطب بس ده كان عمود نور فى الشارع مش مطب

**kemoelord** · 02-06-2010 01:28 AM

ما دي اسمها يا جماعه " ثقافة الشعب " زي ما بنلاقي ناس بترمي الزبالة في الارض وزي ما بنشوف الناس بتعوم في مياة النيل والترع وزي ما بنشوف الناس عندها عدم اكتراث بصحتها من خلال تلوث البيئه والجو وزي ما بنشوف ناس ماشية على كافيها في الشوارع والطرق وزي وزي وزي في حاجات للاسف الحكومة ما ليها ذنب فيها

**medociv** · 02-06-2010 06:23 AM

لما شفت المطب ده كانو عملو نصه كنت بفكر ادخل فيه جامد بعربيتي (كان لسه طري) اكسره
هي النقطة اني سافرت والله لو كنت قاعد كنت رحت اشتكيت للحي
حسبنا الله ونعم الوكيل

**M.Mosaad** · 02-06-2010 09:23 AM

صدقوني الناس بتعمل كدة من غلبها يعني لو شارع واسع و متسفلت كويس الناس مش بتحمد ربنا و تمشي فيه كويس لا بتطير و لازم طفل يموت او يتخبط لا قدر الله فبيبقي قدام الواحد خيارين يعمل مطب مع نفسة ملوش حل يأما كل اسبوع حد يتخبط بعربيه

هي ثقافه شعب في تشويه كل حاجة جميله + ثقافه سائقين راكبين عربيات من ارخص العربيات في العالم و معندهمشي دم و لا ضمير بيطيروا في شوارع سكنيه

حلها الناس تلتزم سائقين و سكان شارع الدنيا هتبقي جميله جداااااااااااااا

**gomangy** · 02-06-2010 09:45 AM

المشاركة الأصلية كتبت بواسطة akram

انا أعرف إن فيه غرامة على العقار اللي أمامه المطب كما يلزم بإزالته ,

بس مين اللي بيطبق القانون :( ,

حاول مع الحي زي ما الزميل بيقول ....

حاجة تانية : اللي اعرفه غن مقاييس المطب العالمية و يا ريت حد يصححلي لو غلط :

إن يكون عرض المطب 2 متر و أقصى إرتفاع ليه من المنتصف 15 سم , و وضع علامة تحزيرية قبل المطب بـ500 متر ,

مقاييس ايه يا عزيزي
حضرتكك مش واخد بالك اننا في مصر ولا ايه كلو ماشي بدراعه

**mohamedrabia** · 02-06-2010 11:04 AM

المطبات ده زي الفل امال العبشجيه هيشتغلوا ازاي وضبط الزوايا وكمان بتاع قطع الغيار البلد حاسه بالناس ده فبتساعدهم فيهم الخير والله

**medociv** · 06-06-2010 03:17 PM

المشاركة الأصلية كتبت بواسطة mohamedrabia

المطبات ده زي الفل امال العبشجيه هيشتغلوا ازاي وضبط الزوايا وكمان بتاع قطع الغيار البلد حاسه بالناس ده فبتساعدهم فيهم الخير والله

ههههههههههههههههههههههههه هههههه

**dolly13** · 06-06-2010 04:12 PM

عجبنى قوى اقتراح يافطة قبل المطب ب500 متر
هنا بيتم وضع اليافطة على المطب وناقص يكتبو عليها مبروك كلت المطب

**kemoelord** · 06-06-2010 08:17 PM

المشاركة الأصلية كتبت بواسطة dolly13

عجبنى قوى اقتراح يافطة قبل المطب ب500 متر
هنا بيتم وضع اليافطة على المطب وناقص يكتبو عليها مبروك كلت المطب

هههههههههههههههههههه والله عندك حق المفروض اساسا لو عندنا حد بيفهم على الاقل واضعف الايمان يلون المطب بلون مثلا اصفر (على اعتبار ان الطول الموجي تبعه عالي ويتشاف من على بعض في الظلام الدامس) مش طالبين اكتر من كده , والمشكله لو المسؤولين تبع التخطيط شغلوا مخهم شوي وعملوا الحاجة من اول مره وبضمير كان زمانهم وفروا وقت ومجهود وفلوس وراحة لكل الناس
انما نعمل ايه مكتوووووووووووووووووب علينا

**smsmxxxxxx** · 06-06-2010 08:54 PM

انا كنت باتدايق اوى لما القي مطب صناعى من صنع الاهالي
واقعد اشتم لما العربية تترزع

لكن من شهرين سفلتوا الشارع اللى فيه مدرسة بنتى وصغروا الرصيف فالشارع وسع وبقي زى الفل

والنتيجة ان العربيات حولته لطريق سريع
ومش هقولك مايكروباص ولا توك توك لاء الملاكي هما اللى طايرين

لحد ما واحد خبط بنت من المدرسة موتها

ساعتها بس عملوا مطب قبل المدرسة

ومن الوقت ده وانا لما بادخل في مطب والعربية تترزع اقول في داهية العربيات المهم ارواح الناس

------------------------
محمد سالم