الموضوع: كابتن عصام أبن الحضري أتهزم يارجالة - وقف 4 شهور و 800 الف دولار

كعادة الشعب المصري : معاهم معاهم - عليهم عليهم

الحضري جاب جوون ولا صد ضربة جزاء خلت الفريق يفوز يبقي مفيش غير الحضري
الحضري عمل غلطه يبقي ابن ستين في سبعين

ياريت بلاش شماته والناس تفكر بعقلانيه وتذكرو ان ده اخ مسلم ولا يصح الحديث عنه بهذه الطريقه لان دي غيبه ونميمه

علي فكره انا مليش في الكوره اصلا وبكرها - ومن ضمن الأسباب اللي بتخليني اكرها هو التعصب الأعمي

المشاركة الأصلية كتبت بواسطة aif

هو الكلام ده مش على عصام الحضري حارس المرمى ولا حد تاني ؟؟؟؟؟؟
مش عصام الحضري ده اللي شال الاهلى اكتر من 12 سنين و كان السبب الرئيسي في حضصول الاهلي على عشرات البطولات ؟؟؟؟؟
مش هو برضه اللي ساهم بشدة مع المنتخب من 1996 وحتى الآن في الحصول على 4 بطولات افريقية ؟؟؟؟؟؟؟
ليه ماحدش بيفتكرله غير الموقف الوحش اللي عمله بس ...... العدل بيقول اننا نفتكرله الحلو والمر .... مش المر بس
...
عصام الحضري غلط اكيد وماحدش ينكر ده
لكن ليه ماحدش بيفتكرله امجاد حققها للأهي ..... في وقت كان هو السبب الرئيسي في انتصارات الاهلي
مش هو ده اللي كانت الصحف بتسمية أسد الحضري .... السد العالي

الاهلي نادي الاخلاق والمبادئ ... ده صحيح
لكن دي مش مبادئ ...... دي قسوة
لما ابني يغلط ممكن اضربه .... أأدبه ... اعاقبة
لكن لو قتلته .................... ابقى مش أب ولا بأعرف اربي ......... ولا ح أربيه بعد ما يموت
انا حاسس ان ادارة الاهلي نفسها تسحله وتعلقة على عمود النور اللي على باب النادي وكل واحد معدي يضربة طوبة

الاهلي مش عاوز يقبل اعتذاره ويرجعه ...... هو حر ..... لكن كل شيء له حدود
الشيء اللي يزيد عن حده بينقلب الى ضده
انا اول مرة احس برائحة الشماته في الاهلي ...... الاهلي مكانش كدة .... ولا ادارة الاهلي بتحاول تثبت ان الاهلي بتاع صالح سليم لسة بنفس القوة ...... القوة حاجة ..... والقساوة حاجة تانية
الاهلي كدة ...... اذا خاصم فجر
...
انا باتكلم عن الحضري حارس المرمى
ماليش دعوة ببيته ولا اسرته

المشاركة الأصلية كتبت بواسطة shaddadfalcon1

كعادة الشعب المصري : معاهم معاهم - عليهم عليهم

الحضري جاب جوون ولا صد ضربة جزاء خلت الفريق يفوز يبقي مفيش غير الحضري
الحضري عمل غلطه يبقي ابن ستين في سبعين

++++++++++11111111111111111111111

المشاركة الأصلية كتبت بواسطة ahmed4000

بالعكس ده الطبيعى

مين اللى بيدى حصانة لواحد لانه عمل انجازات انه يغلط زى مهو عايز

ثانيا هو مش مجرد غلط ..ده خان النادى بعد مفكر وخطط ودبر يعنى مش غلطة عفوية

غير كده جاتله الفرصة كذا مرة انه يرجع ومرضيش وفضل هربان وللاسف مرجعش علشان بيحب النادى

هو فقط رجع لما لاقى مصلحته مش ماشية

لكن لو كان فى نادى اوروبى دولقتى كبير كان زمانه لا اعتذر ولا عمل اى حاجة

على فكرة اخلاقه بانت مع الاسماعليى برده وسابهم واتمرد عليهم رغم ان الاسماعليى وقف معاه

ياخوانا ده جه وقت كان حياخد الجنسية السودانية علشان يلعب مع المريخ!!!!!!!


بعد كل ده الاهلى يبقى اهبل لو رجعه تانى ويبقى كده بنفتح الباب امام اى واحد انه يغلط وبعدين يرجع يقول معلش سامحونى فنسامحه يعنى الغلط حيبقى حاجة سهلة


على فكرة ان زملاكوى لكن اكتر حاجة بحترمها فى الاهلى اخلاقه

ياباشا هو يعني خان مصر
معلشي يعني هو الكوره كلها علي بعضها ملهاش لازمه
في رياضات كتييره احسن منها 1000000000000 مره

اهلاوى منذ نعومة اظافرى
لم ياتى لاعب فى تاريخ الاهلى تغنت له الجماهير واحبته لدرجة العشق
وفعل ما فعله الحضرى
نحبه نعم وما زلنا نحبه
وسيظل فى ذاكرتنا ما بقى من عمر
ولكن الخيانة شيئ اعظم واكبر من الحب والعشق
وبقدر الحب يكون الجرح
و حبك يا حضرى كبييييييييير فى قلوب كل اهلاوى وكل مصرى
انت من اختارت وخنت جماهير
لن تسامحك ابداااااااااااااااااااااا اااااااااااا